Isaya 15:3 - Luganuzi Luswanu Kuli Wanhu Wose 2002

³ Nawo wanhu wono wali mu zinzila, wose wavwalile magunila. Wose wakulila muno muno mucanyha ye matembe na mu mabalangu.

Isaya 15:3 ပူးပေါင်းရင်းမြစ်များ

2 Samwili 3:31

Dawudi yakawa kumulonjela Yowabu, hamonga ne wanhu wakwe wademulanje myenda yawo, wavwale magunila, wamulilile Abineli. Na lono wabitaga mu mazishi, mutemi Dawudi, yali yalityatizye munyuma lisanduku lyono wali wadinghuliye muwili wa Abineli.

2 Watemi 6:30

Nayo mutemi yali yeza kuzihulika zizi, hodu yakayidemulanga myenda yakwe ko wukalale wuwaha muno muno. Sunga ne wanhu wono wali wali behi ne lijinji, wakamuwona yavwalile yigunila.

Isaya 15:2

Nawo wanhu wa Diboni wakubita kulilila mu cigongo mucanyha. Wanhu wa Mowabu nawo wakulila ko wukalale ku soko ye makaya ga Nebo na Medeba, waceta ne mitwe yawo ne zindevu zawo ko wusungu wuwaha.

Isaya 22:1

Ayi nayo yo nghani yo Mulungu kuli lilolo lyo wugubulilwe. Ta munonjelaje, alu mwina nghanici yono yikuleka wose mukunozeza wuhembi wenyu mucanyha ye matembe ge zikaya?

Isaya 22:4

Alu ta, mundekaje niwalilile ko wusungu wanhu wangu wose wono wakondya kufwa, hamba mulece kusindamika yaye.

Isaya 3:24

No munungho mubi, wolohomela ha wibaka vye mhunjile swanu. Woleka wuvwala misipi miswanu, langa wovwala milejehe. No wuwe wo kuwa na mvwili swanu mu mitwe yawo, alu wowa na mikulungu. Nawo mu wuvwala myenda yo wulenzi, alu wovwala masambi-sambi du. No wuswanu wawo wose ku wulangwe, wogaluka cevu!

Yelemiya 19:13

Ne zikaya zose za Yelusalemi, ne zikaya zose ze watemi wa Yuda, du ne zikaya zose, zikaya zono zafusiswaga wuvumba kuli zinyelezi, hamonga ne hanhu hono halavizwaga i vilavywa vye divayi, ku soko yo kuyilavizya milungu yinji. Wawo wose wokwihwana ne Tofeti i nyavufywe.”

Yelemiya 48:37

Nawo wose wakondya kuziceta zimvwili za mu mitwe yawo, waceta sunga ne zindevu zawo. Ne miwoko yawo yose wetemanjile. Na mu viwino vyawo wose wavwalile magunila.

I Cililo 2:10

Nawo i wanhu wakombi wa mu Yelusalemi, wekaye wanyamaye twii, akuno weyitiye manghundi mu mitwe yawo, wavwalile magunila. Nawo i wahinza, wenamizye mitwe yawo hasi.

Ezekiyeli 7:18

Nawo wolovwala magunila, akuno wakucicima so woga wuwaha muno. Woloyiceta mitwe yawo, wolokozwa cevu ciwaha muno.

Amosi 8:10

Nolopitula zi sikukuu zenyu ziwe wukalale, ne zinyimbo zenyu ze nyemo ziwe cililo no wusungu. Nolomunozenyi munyonyole mitwe yenyu, no kuvwala magunila. Nanye molowa nha walezi wono wakulila so mwana wawo monga we cilume. Ne lizuwa lilyo, lyolowa lya wusungu sunga ko ku mudumo wayo.

Matayo 11:21

“Woyi he, kuli'gwe go Kolazini, woyi he, kuli'gwe, go Betesayida. Hambi i mapoto gono ganozezwa kuli'gwe, hono gali ganozezwe ku Tulo na Sidoni, iwanhu wa mumo mhali wavwala katali vivwalo vye magunila, no kwibaka i mavu, ho walajile vyono wanena.

Wukumbucize wo Wulajilize 22:8

“Na lono wukuzenga kaya yako mhya, wuyipilimyaje litembe lyayo ne cicitizo. Ho wulece kwiletela wuhoswe go mweneco, hono munhu yagwe ku wulawa mwi'tembe, yafwe.

Yakobo 5:1

Nalu ta hulicizenyi anye nyo wagoli! Mulile no le kwikunguza so wugaye wenyu wono womuzizenyi.

1 Samwili 5:12

Hambi nha sunga na wose wono si wafwa, wakatowa ne mapu. Ne wanhu wose wakawa wakulila, wakuyililila milungu yawo wakulondola wutazi.