Isaya 14:3 - Luganuzi Luswanu Kuli Wanhu Wose 2002

³ Muwaha Mulungu kolowaceheza wanhu wa Isilayeli mu wusungu wawo hamonga no wugazwe, na mu wuhinyizwe wo wituma milimo mizito yono wakudindimizwa wetume.

Isaya 14:3 ပူးပေါင်းရင်းမြစ်များ

Isaya 11:10

Ne lizuwa lyolokuza, lono mutemi mupya, mono kololawa mu wityatye we mhuga ye citemi ya Dawudi, kolowa citanjilo kuli makungugo. Makungugo golokwihanguliziza hamonga kwi'kaya lyakwe lyo wutemi, no kumupela lilumbo.

Isaya 12:1

Ne lizuwa lyolokuza lono wanhu wolokwimba wawe kutya, “Nghukulumba 'gwe go Muwaha Mulungu! Hamba wuwe wali wungholeywe likuwo, ninga aluno wusindamice, wulece kungholelwa kanyhi likuwo.

Isaya 32:18

Nawo i wanhu wo Mulungu wolowa kwikala wasina kanyhi mahwele. Na mu zikaya zawo, wolowa wena mulamu kanyhi wapolile.

Isaya 40:2

Muwasikamye wanhu wa Yelusalemi. Muwalonjele nha vyono wakondya kugaya mu nghango yono yiwakwiliye, no wubi wawo nhondo wanenelwa. Hambi nha nakondya kuwalipiciza mu nghango yo wubi wawo.”

Yelemiya 17:4

Nanye yolowa yimunojelenyi muyilece yisi yono namupelenyi, nane nomunozenyi muwe wetumami we walugu wenyu, mu yisi yono si muyimanyile yaye. Hambi likuwo lyangu nha linha moto, nalyo lyowa kwaka cibitilila.”

Yelemiya 30:10

“Nye nyo wanhu wangu, mulece kuwa no woga, nyo wanhu wa Isilayeli, mulece kogofywa na cinji ye! Hambi ane, nha nomuponyenyi ku wulawa kuko ku yisi yo kutali, ku yisi yiyo yono mufunjigwe mu jela. Nanye molowuya du kono kwenyu, mwikale no mulamu. Kanyhi holowa hasina hamba munhu yunji wo wose, mono kolomogofyenyi yaye.

Yelemiya 30:8

U Muwaha Mulungu we mihanga yakutya nhavi, “Ne lizuwa lilyo kolo likuza, nololubena lubano lono luli mu zisingo zawo, niwawopole ne manyolo gawo. Na ku wulawa mwizuwa lilyo, nawo si wolowa kanyhi wawanda we wanhu wajenzi yaye.

Yelemiya 50:34

Ninga mono kowaponya, yali vilungo muno, ne litagwa lyakwe yakucemwa u Muwaha Mulungu, we mihanga. Mweneco du yo kowakalalila no kuyiletela yisi mulamu. Ninga gowa magayo kuli wanhu wa Babiloni.”

Ezekiyeli 28:24

Muwaha Mulungu yakatya, “Hasina kanyhi nghungugo hamba monga, muli zono ziyipilime yisi ya Isilayeli, zono zayitendelaga Isilayeli vibi, yono kanyhi yosuma kuwa nhe mamiya ne mabijili, gono goyitamisa kanyhi Isilayeli. Nawo ho womanya vyono ane yo nene Muwaha Mulungu.”

Zakaliya 8:2

“Alu, nendezwa kulitaza no kulizenga kanyhi likaya lya Yelusalemi, ku soko yo wendo wangu wuwaha kuli wanhu wayo, u wendo wono wamhela likuwo, ku soko ye walugu walyo.

Zakaliya 8:8

Niwagomole wose wa ku wulawilila ku cilima sunga ko ku mwezi wawuye wekale mu Yelusalemi. Nawo wowa wanhu wangu, nane nowa Mulungu wawo, mono nowadimila mu mbeka na mu ling'ani.

Wukumbucize wo Wulajilize 28:48

Holeka luno mojendelela kuwetumamila walugu wenyu wono Muwaha Mulungu kowaleka waze wamuhomenyi. Nanye modabuka muno, kanyhi mokaluka muno, kanyhi mowa kujenda cipwi, mowa mwina wanjile wuwaha muno. Nayo Muwaha Mulungu komupelenyi mikalo mikamu, sunga kolo yakumongomezenyi.

Wugubule 18:20

Ale, wusecelele go wulanga ku soko yo wuhodanjice wakwe. Nanye nyo wanhu wo Mulungu, musecelele, nanye nyo watumwa ne wawizi, musecelele nhavivyo! Hambi u Mulungu nha kalilipiciza ku soko ye metumo galyo, gono lyamutendelenyi nyenye!