Isaya 14:2 - Luganuzi Luswanu Kuli Wanhu Wose 2002

² Sunga ne makungugo menji, golowataziliza i wanhu wa Isilayeli, ho wawuye ku yisi yono Muwaha Mulungu yawapela, na hanyuma kanyhi i makungugo gago, golowa nha wawanda, golowetumamila i Waisilayeli. Na wawo wono wawateka Waisilayeli, alu nawo woletekwa ne Waisilayeli no kuwatema wene wono wali wawewoneye.

Isaya 14:2 ပူးပေါင်းရင်းမြစ်များ

Ezila 2:65

Wetumami we cilume na we cicekulu, wali waficile elufu mupunghati, na magana madatu, na makumi madatu na mupunghati. I wembi we cilume na we cicekulu, wali wali magana mejete.

Zabuli 68:18

Yakubita kucanyha, akuno yali hamonga ne mateka gakwe, kabocela vipegwa kuli wanhu, heya nhavivyo sunga na kuli wanhu i wabezi, nayo Muwaha Mulungu kokwikala muli wene.

Isaya 18:7

Ninga vilo vyokuza, vyono Muwaha Mulungu kolowa kubocela kanyhi vilavywa ku wulawa mu yisi yiyi yono yili haciligati ye makolongo, yisi ye nghungugo ye nghakamo, kanyhi yili vilungo, ye wanhu watali, we miwili yono yitelemeye, wono yinze yose yikuwogopa wene. Nawo wolokuza kwi'tunda lya Sayuni, i hanhu hono Muwaha Mulungu we Mihanga, yakuwa kuhembwa.

Isaya 31:8

Nayo yisi ya Ashuli, yolokongomezezwa lukulu mu wulugu, ninga si kwe vilungo vyo munhu yaye. Nawo Waashuli wolotiza ku wulugu wuwo. Ne wazelelo wawo, wolonozwa wawanda.

Isaya 45:14

Muwaha Mulungu yakuwalonjela we nghungugo ya Isilayeli yakutya, “Ne sawo ya mu yisi ya Misili, na ya mu yisi ya Kushi, yose yowa yenyu nyenye. Nawo i wanhu watali muno wa ku Seba, awo wowa wetumami wenyu, womutyatyenyi akuno wawope ne manyolo. Wofugama ha mwande yenyu wawe kutya, ‘Mbeka Mulungu yali hamonga nanye, kanyhi mweneco yo Mulungu du yali wene.

Isaya 49:22

Ninga Muwaha Mulungu we mihanga yakulonga ne wanhu wakwe yakutya, “Ane nololajila citanjilo kuli makungugo, nawo wolowagomola wanago kono kaya.

Isaya 49:23

Ne watemi nawo wolowa nha wasogo, nawo i wagolece we likulu wose, wolowa nhe wanyina zako, hambi nha wolokwinamila ha mwande yako no kukupela lilumbo, kanyhi wolokwinenenyheza hali'gwe wakulajila cogopo cawo hali'gwe. Nagwe baho ho kolomanyila vyono ane yo nene Muwaha Mulungu. Kanyhi hasina munhu wo wose mono yanyitumbiye mono kolokozwa cevu.”

Isaya 49:25

Muwaha Mulungu yakupitula yakutya, “Na zizo zo zokwijela, Hambi i wafungwa wo musilikale nha wosolwa wose, sunga ne mateka go munhu mono yali vilungo, nago gosolwa gose. Hambi nha nokwisumaniza no munhu mono yakwisumaniza nagwe, ho niwaponye wanago.

Isaya 54:3

Kanyhi koyigazimhya ne mipaka yako mbavu zose, hambi wanhu wako wono webatwe ne makungugo ganji, nha wolowuya wose. Ne makaya gono galekwa, gose gomema wanhu.

Isaya 60:14

Ne wana we cilume we wanhu wose wono wekalaga wakumwiwonelenyi, wolomuzizenyi nyenye, wamwinamilenyi ha mwande yenyu, wakulajila ze cogopo cawo kuli'nye. Sunga na wa walya wose wono wekalaga wakumubedegalenyi, wolokuza wafugame ha mwande yenyu. Nawo wolomucemenyi watye, ‘Likaya lyo Muwaha Mulungu,’ ‘Sayuni, likaya lyo Mulungu mono yelile wa Isilayeli.’ ”

Isaya 60:4

Alu ta, wupituce wulanje ku zimbavu zako zose wuciwone cono cikuza, hambi i wanhu wako wose nha weza kwikongholela kono kaya! Nawo i wanago we cilume, wowuya ku wulawa ku zi'si zo kutali, nawo i wanago we cicekulu wolowa wadinghuywe nhe wana wadodo.

Isaya 61:5

Nye nyo wanhu wangu, i wajenzi wo wolomwitumamilenyi kanyhi wo wolowa wo wadimi we mitugo zenyu, no kumulimilenyi ne migunda yenyu, hamonga no kuyilanjilila ne migunda yenyu ye zabibu.

Isaya 66:12

Nayo Muwaha Mulungu yakutya nhavi, “Ane nomupelenyi wumoteswe we cibitilila. Ne sawo ye makungugo yomuhulumilenyi nhe 'kolongo lyono si linyalaga yaye. Nanye mowa mwihwanile nho mwana mudodo, mono yakukocwa no nyina, kawa kukumbatilwa mu mawoko no kutendelwa ko wendo wuwaha.

Yelemiya 30:16

Ninga ku wulawilila lulu, i wanhu wose wono wolomusolelenyi vinhu vyenyu, ale nawo wolosolelwa vinhu vyawo nhavivyo. Ne walugu wenyu wose, wolosolwa wategulwe kutali nha wafungwa. Ne wanhu wose wono wolomwiwonelenyi, nawo wolokwiwonelwa, ne wanhu wose wono wolomupumhenyi nawo wolopumhwa nhavivyo.

Yelemiya 49:2

Ninga cipango cikuza cono nilawanoza i wanhu we likaya lya Laba, wahulice nyhinyinho yo wulugu, nayo yolosigala matongo du, sunga ne vitumbi vyayo vyose, vyolokongojezezwa lukulu. Hanyuma Isilayeli, woloyisola kanyhi yisi yawo, mu wulawa mu miwoko ya wono wali wayiboka.

Ezekiyeli 39:10

Nawo wolowa wasina wanjile wa ngwagu, kanyhi wolowa wasina soko yo kutenya ngwagu mwi'hala, hamba kutema mabici mu mbago, hambi nha wowa wakondya kutuga vitwalo vyono vilecigwe, navyo vyo vyolowakwila so ngwagu. Nawo wolowa teka i wanhu wono wawateka wene, wawasolele ne vinhu vyawo.” Vyo yakutya, u Muwaha Mulungu.

Danyeli 7:18

Nawo i wanhu wo Mulungu Mono Yalawiliciye, wolowubocela wutemi, no kutema cibitilila.”

Yoweli 3:8

Nane nowaleka wana wenyu we cilume na we cicekulu, waguzwe kuli wanhu wa Yuda, ne wanhu wa Yuda nawo wowaguza kutali ku wanhu wa Sheba, hambi ane no Muwaha Mulungu nha vyo nghutya.

Walawi 25:44

Ninga langa hono muwe mwendile kuwa ne wawanda, ale, mosuma kuwagula mu wulawa mu makungugo gono gamupilimenyi.

Obadiya 1:17

“Ninga mwi'tunda lya Sayuni, wanji wolopona. Na ho baho, holowa hanhu hono helile. Ne wanhu wa Yakobo wolokwikala mu yisi, yisi yono yo ling'ani yawo.

Zakaliya 2:13

Ale munyamale wose twiii, hamwande yo Muwaha Mulungu. Hambi nha yakuza yakulawilila mu wikalo wakwe zono welile.

Zakaliya 2:9

Muwaha Mulungu we Mihanga mweneco kolokwihoma na nyenye. Nanye molosolwa ne wanhu wono baho halulongozi, wali wo wetumami wenyu. Na kolo zizi zakondya kwijela, nawo wose ho wolomanya vyono yo gwegwe Muwaha Mulungu mono wanhuma.

Luka 12:45

Ninga mwitumami yuyo hono yatye mu nhumbula yakwe, “U mutwa wangu yakutinya kuwuya.” Nayo yakwamula kuwatowa wetumami we cilume na we cicekulu, no kulya no kung'wa no kugala wujimbi,

Walumi 15:27

Weneco du wendezwa kunoza nhavivyo; ninga imbeka, awo wali mulimo wawo kuli wene. Hambi hono iwanhu wono si Wayahudi wakondya kuhanga u wumoti we cimuhe we Wayahudi, holeka yiwanojeye nawo luno, wawetumamile Wayahudi mu visakwa vyawo vyo muwili.

2 Wakolinto 10:5

no kuvikumulanga vimizi vyose vyo wiwoni, vyono vikwimila u wumanyo Mulungu, cikugakwega i mahweso gose, no kuganoza gamuhulice Kilisito.

Wagalatiya 5:13

Hambi anye mo wandugu zangu, nha mwacemelwa wulelele. Ninga u wulelele wuwo wulece kuwa cikojelo co kutemwa ne masulumizi ga mononze. Langa munojeye mweze kwiyitumamila mu wendo.

Waefeso 4:8

Nha vyono gakutya i Mandiko: “Lono yabitila ku wulanga yakasola mateka yakawagawila iwanhu vipegwa.”

Wugubule 3:9

Alu wuhulicize! Nokuletela wanhu we lipuga lya Setani, wanhu wono weyitezaga Wayahudi, kumbe ho walambi. Alu wawo nowaleta kuli'gwe wakufugamile hamwande yako, ho wamanye vyono ane mbeka nghwendile agwe.