Isaya 13:9 - Luganuzi Luswanu Kuli Wanhu Wose 2002

⁹ Lizuwa lyo Muwaha Mulungu likuza, lizuwa lyo wukali we likuwo lyakwe. Mwi'zuwa lilyo, yinze yolonozwa yiwe mbago, no kuwongomeza wanyo wubi wose.

Isaya 13:9 ပူးပေါင်းရင်းမြစ်များ

Zabuli 104:35

Wanyo wubi wose, wali wawuswe ta mono'nze si, ho halece kuwa no wavu wo wose kanyhi! Gwe go nhumbula yangu, wumukumye Muwaha Mulungu! Muwaha Mulungu yalumbwe!

Zimbazi 2:22

Langa i wabi, Mulungu kolowawusiza lukulu mu yisi, yawakulanje i wanyo wubi, nha vyono wavikulaga vilimwa mu muhangha.

Isaya 13:6

Mulile muno! Hambi lizuwa lyo Muwaha Mulungu nha lyasejelela, lizuwa lyono u Mulungu Mudaha vyose, koleta wongomezwe.

Isaya 2:12

Na mwizuwa lilyo Muwaha Mulungu u Mudaha vyose, u Mulngu we Mihanga, kolowanyetya wose we vilungo, na wose i wewoni, hamonga ne wevuni wose.

Isaya 34:8

Nalyo lyolowa lyo lipango lyono Muwaha Mulungu, koloyiponezya Sayuni, no kwilipiciza kuli walugu wakwe.

Isaya 63:4

Nane nghatya, vyono, i cipango co kuwaponezya wanhu wangu, cakondya kufika, co cipango luno co kuwalipiciza i walugu wawo.

Isaya 66:17

U Muwaha Mulungu yakutya nhavi, “Alu ndumilizo yawo yeza yili behi, kuli wose wono wakwiyavufya weneco so wuhembi we wanhu wono si wamumanyile Mulungu, wono wabitaga mu zibusitani zisiwanulwe, wawo wono walizaga nyama ye magubi na ye magule, hamonga ne zindigwa zinji zinji ze liwifyo.

Isaya 9:19

Alu, na vyono Muwaha Mulungu we mihanga yakoligwe likuwo, holeka no wulipicize wakwe wukutakamiza nha moto mu yisi yose, no kuwongomeza wanhu. No munhu wo wose kokwimanyilila mweneco.

Ezekiyeli 13:5

Wono si wakusuma hamba kugalanjilila ne majinji gono gamwaguka, hamba kugazenga kanyhi yaye. Holeka ku soko yiyo, i Waisilayeli si wolosuma kwitaza yaye, lono wulugu weza kuza mwi'zuwa lyo Muwaha Mulungu.

Ezekiyeli 30:3

Lizuwa lyasejelela, lizuwa lyono u Muwaha Mulungu kolokwitumila zizo zose. Lizuwa lye mavunde, no wugaye kuli makungugo.

Yoweli 1:15

Woyi he nye! Hambi lizuwa lyo Muwaha Mulungu, nha lyasejelela, lizuwa lyono Muwaha Mulungu u Mudaha Vyose kololeta wongomele!

Yoweli 2:1

Towenyi ndulele ye citanjilo mu Sayuni, mwi'tunda lyono lyelile lyo Muwaha Mulungu. Wanhu wose mono mwikaye mu Yuda, mucicime. Hambi lizuwa lyo Muwaha Mulungu nha likuza, kanyhi lyasejelela.

Yoweli 2:31

Lizuwa yolotukuwala, no mwezi nawo wolopituka wuwe mudunghu nha sakami, lono likali sinafika lizuwa lyo kogofya lyo Muwaha Mulungu.

Nahumu 1:2

U Muwaha Mulungu sikowakangalila wono wakwisumaniza nayo, langa kawalipicizaga wose wono wakumupinga-pinga, na mwi'kuwo lyakwe, mwene mo kawalipicizizaga.

Nahumu 1:6

Nani mwene mono kosuma kupona, kolo mwene yakukolwa likuwo? Hamba nani mono kolosuma kusigala mu wogofye we likuwo lyakwe? Yakwita lilambi lye likuwo lyakwe, ne matalawe gakubiduka mu manghundi ha mwande yakwe.

Nahumu 1:8

Langa mwene kawongomezezaga lukulu walugu wakwe, nhe 'hwazi lyono likuhuluma. Nawo wono wakwisumaniza nayo, kawafisaga sunga ko ku wufwe wawo.

Zefaniya 1:15

Lyolowa yizuwa lyo wutamiswe, yizuwa lyo wugaye no wambuce, yizuwa lyo wongomezwe, yizuwa lye citi na lye nghungulyosi, wutitu ne mavunde,

Zakaliya 14:1

Lanjeta! Lizuwa lyono Muwaha Mulungu kolokwikala mwi'goda lyakwe lyo wuling'anizi, nha lili behi. Baho Yelusalemi yolotekwa. Ne mateka wose wologawilwa ha mwande ye meso genyu.

Malaki 4:1

U Muwaha Mulungu we mihanga yakutya, “Lizuwa likuza lyono i wanhu we cibede, hamonga ne wanhu wabi, wolotakamizwa nhe mahanze. Mwi'zuwa lilyo, wene wolotakamizwa. Hamba si wolosigazizwa na cinji co cose.

Wugubule 18:8

Na ku soko yiyo, i magazo gakwe gomwagana mwizuwa limonga, wutamwa, wukalale, ne nzala. Nayo konyanywa mu moto, hambi u Muwaha Mulungu mono yakumuling'aniza, nha yo Mudaha vyose.”