Isaya 13:8 - Luganuzi Luswanu Kuli Wanhu Wose 2002

⁸ Ne wanhu wose wolokogofywa, no kwibatwa no wusungu, nha wo mucekulu lono yali mu nghunga yo lusawo. Kanyhi wowa kwilanga weneco wose ko woga wuwaha muno. No wusu wawo wolowa wukununghaye so cevu.

Isaya 13:8 ပူးပေါင်းရင်းမြစ်များ

2 Watemi 19:26

Ne wanhu wono wekalaga mu makaya gago, wakawa wasina vilungo, wakawa wamemile woga, hamonga no wuhangawe. Wakehwana nhe mahanze ga mu mugunda, hamba mahanze gono gacindice mwi'tembe, lono mbeho mbaha ye livuce ya kucilima yikugaputa kwa cihumbi.

Zabuli 48:7

Wakawa nha wono waputigwe, ne libeho liwaha lya kucilima, lyono lizibenanjizaga zingalawa zimbaha.

Isaya 26:17

Gwe go Muwaha Mulungu wacilizya muno, nha vyono kalilaga ko wusungu mucekulu mono yali mu nghunga yo lusawo.

Yelemiya 13:21

Alu ho kotya wule, lono i wanhu kanyhi wawo, wono wehwesaga vyono wo wayago, alu wakusuma no kukutema? Na mbeka kohulika wusungu muno, nho mucekulu mono yali mu nghunga yo lusawo.

Yelemiya 30:6

Alu, ta mwihwesaje! Mwene mbeka, u munhu we cilume, kosuma kulela mwana hongo? Alu nhawulenyi nghumuwonenyi anye we cilume wose, mwibatilize zinda zenyu ne miwoko, nho mucekulu mono yali mu nghunga yo lusawo? Nhawulenyi, nha nghuwona wose musininghaye lo?

Yelemiya 4:31

Nane hulika cililo, kotya nha cililo ca munhu wa cicekulu, mono yali mu nghunga yo lusawo. Cililo cinha co mucekulu mono yakulela mwanagwe mulongozi. Kumbe cililo cico ca Yelusalemi, mono yakukapilicila ha wehele, akuno yalaze ne miwoko yakwe yakutya, “Woyi nye, aga magayo gangu! Hambi nhumbula yangu nha yikuzilika, hambi nha weza kuza wambulaje.”

Yelemiya 46:5

Kanyhi u Muwaha Mulungu yakuwuza yakutya, “Alu, yo nghanici kanyhi yiyi yono nghuyiwona?” “Lanje ta! Weza kuwuya ne nyuma so woga. Ne wasilikale wawo weza kuwingwa, wakondya kusumwa so woga, nalu wakutiza wamanyhile muno muno. Hamba si wakwilenga kanyhi kunyuma.

Yelemiya 48:41

Ne makaya gayo hamonga ne magomawakali gayo golosolwa. Na mwi'zuwa lilyo i wasilikale wa Mowabu, wolokwinjilwa na woga wuwaha, nho mucekulu mono yali mu nghunga yo lusawo.

Yelemiya 49:22

Nawo walugu woloyihoma Bozila kotya numba yiguluce, akuno yigolose ne mabawa gayo. Na mwizuwa lilyo, i wasilikale wa Edomu, wolokwinjilwa no woga wuwaha muno, nho mucekulu mono yali mu nghunga yo lusawo.”

Yelemiya 49:24

Nawo i wanhu wa Damesiki, watimbile, nawo wakondya kutiza so woga. Nalu wali mu wukalale no wusungu, kotya mucekulu mono yali mu nghuga yo lusawo.

Yelemiya 50:43

Nayo u mutemi wa Babiloni yakuzihulika zizi, ne miwoko yakwe yafwa yitenene. Ne magayo, gakondya kumwibata, genha go wusungu wo mucekulu mono yali mu nghunga yo lusawo.

Yelemiya 51:30

Ne wasilikale wa Babiloni, nha wakondya kusimya milewo, nalu wenjila mu magomawakali gawo. Alu wasina vilungo kanyhi, weza wenha wacekulu. Ne milango yose ye likaya, nha yabeneka, ne zikaya zikukongojela mu moto.

Ezekiyeli 20:47

Wuwalonjele wahulicize zono Muwaha Mulungu yakuwalonjela, yakutya. Lanje ta! Alu neza kwasa moto, no moto wuwo, wogaticimiza mabici gose gono gali muli'gwe, i mabici madece, sunga na gono ganyalile. Hamba hasina cinhu co cose cono cosuma kuwuzimya moto wuwo. No moto wuwo wotandala ku wulawilila ku lubavu lwa kutakama, sunga ko ku lubavu lwa kusumuka, ne wanhu wose, wogawona malambi go moto wuwo.

Hoseya 13:13

Isilayeli yena cilejeho co kwikala mumi. Ninga yo nghani yo wulele kuwihwesa havivi, hambi nha yenha mugalika mono yali mu cidaha co kulelwa, ninga kawa kulemelela mu'nda yo nyina.

Yoweli 2:6

Na vyono zikucila kusejelela behi, wusu we wanhu wose wukusininghala so woga.

Nahumu 2:10

Ninawi yahodangwa nha vyono yali yinojeye, alu yekala nyhiwa. Ne zinhumbula ze wanhu wayo, zenjilwa no woga, ne mafugamilo gawo gakucicima, ne vilungo vyeza musina, no wusu wawo wawomba so woga.

Yohana 16:21

U mucekulu, mwipango lyo kusawa, yakuwona wusungu, hambi cidaha cakwe co wusungu nha cafika. Ninga kolo mwana yalelwa, si yakukumbucila kanyhi u wusungu, so nyemo yo kulelwa munhu kononze.

1 Watesalonike 5:3

I wanhu kolo wakutya, “Mulamu kanyhi kupolile.” Hobaho ho wukuziza u wuhodanji wono wukuwaziza nhinicizo! Nazo zizo zowaziza nhinicizo nho wusungu wo kulela vyono wukuwa kumuziza u mucekulu lono yakusawa, ne wanhu hamba si wosuma kwilega.