Isaya 13:7 - Luganuzi Luswanu Kuli Wanhu Wose 2002

⁷ Holeka miwoko yose yotimba, ne mitima ye wanhu wose yozizima.

Isaya 13:7 ပူးပေါင်းရင်းမြစ်များ

Zabuli 58:7

Wajililile lukulu nhe malenga, gono gang'welelaga hasi mu muhangha, wawe nhe mahanze, wakanyanjilwe, wanyale.

Wutuluce 15:15

Ne wawaha wa ku Edomu, nawo wakwinjilwa no woga wuwaha. Nawo walongola wa ku Mowabu wakwibatwa no woga wuwaha, hamonga no wucicime, ne wekala ku Kanani wose vilungo vyawo vyamalika.

Isaya 19:1

Ayi yo nghani ya kuli yisi ya Misili. Muwaha Mulungu kokuza ku Misili, yapandile mwi'vunde lyono likumangha. Ne vihwani vya Misili, vikucicima hali mwene, ne wanhu wa Misili vilungo vyawo vyodejepa.

Isaya 37:27

Ne wanhu wono wekalaga mu makaya gago, nghawawusiza vilungo vyawo, wakawa no woga wuwaha, wakazilika. Wakehwana nhe mahanze gono gali mwi'wimbi, hamba mahanze gono gatimbile gono gacindice mwi'tembe mucanyha, gono gosuma kuwomvywa ne mbeho ye civuce ya kucilima.

Isaya 51:20

Ne wanhu wako wagwiye mu vipeto vyose vye zinzila ku soko yo wusocele, wehwana nhe sawada yono yigwiliye mu mutego wo mupelembi. Wamemile wutacilwe we likuwo lyo Mulungu.

Yelemiya 50:43

Nayo u mutemi wa Babiloni yakuzihulika zizi, ne miwoko yakwe yafwa yitenene. Ne magayo, gakondya kumwibata, genha go wusungu wo mucekulu mono yali mu nghunga yo lusawo.

Yelemiya 51:30

Ne wasilikale wa Babiloni, nha wakondya kusimya milewo, nalu wenjila mu magomawakali gawo. Alu wasina vilungo kanyhi, weza wenha wacekulu. Ne milango yose ye likaya, nha yabeneka, ne zikaya zikukongojela mu moto.

Ezekiyeli 21:12

Gwe go munhu, wulile wuzozize muno ko wusungu, hambi u mumaje wuwu, nha wuwikanizwe so wanhu wangu, na so walongola wose wa Isilayeli. Hambi wose nha wowulagwa, hamonga ne wanhu wose wono wasigaye. Ale, witowaje mu mhambaga yako ko wusungu.

Ezekiyeli 21:7

Nawo kolo wakukuwuza wakutya, nhawule lu wukugula, nagwe wuwalonjele nha vyono, wukugula ku soko ye zinghani zono zikuza. Na kolo zinghani zizo zikuza, i zinhumbula zawo zolomema woga, ne miwoko yawo yolonyenyanjika, no wusugu wawo wose wolomalika, ne mafugamilo gawo golocicima. Ne lipango lilyo lyaza, lyakondya kufika.” Vyo yakutya Muwaha Mulungu.

Ezekiyeli 7:17

Ne miwoko yawo yose yolotimba, ne magulu gawo golocicima.

Nahumu 1:6

Nani mwene mono kosuma kupona, kolo mwene yakukolwa likuwo? Hamba nani mono kolosuma kusigala mu wogofye we likuwo lyakwe? Yakwita lilambi lye likuwo lyakwe, ne matalawe gakubiduka mu manghundi ha mwande yakwe.

Nahumu 2:10

Ninawi yahodangwa nha vyono yali yinojeye, alu yekala nyhiwa. Ne zinhumbula ze wanhu wayo, zenjilwa no woga, ne mafugamilo gawo gakucicima, ne vilungo vyeza musina, no wusu wawo wawomba so woga.

Nahumu 2:11

Alu lili hayi likaya, lyono lyali linha wikalo wa simba, ne hanhu hono wana we simba wakuliswa, i hanhu hono simba nume ne simba nyhekulu zobita, hamba zinyana zayo hono zowa zikaye zipolile?

Yoshuwa 2:11

Mbeka, caza kuzihulika zizi, cikogopa muno. Cikawa kudejepa, cikawula ne vilungo ku soko yenyu. U Muwaha Mulungu, u Mulungu wenyu, yo Mulungu wa ku wulanga kucanyha, na mono yinze yose.