Isaya 13:6 - Luganuzi Luswanu Kuli Wanhu Wose 2002

⁶ Mulile muno! Hambi lizuwa lyo Muwaha Mulungu nha lyasejelela, lizuwa lyono u Mulungu Mudaha vyose, koleta wongomezwe.

Isaya 13:6 ပူးပေါင်းရင်းမြစ်များ

Jobu 31:23

Ninga ne vyono niwogopile wulipicize wo Mulungu, holeka si nosumila lukulu kwituma zono zinha zizo.

Isaya 10:25

Hambi nha cikali cipango cidodo du ane noleka kumulipicizenyi, hanyuma niwapitucile nawo niwongomeze.

Isaya 10:3

Hamba monozaci kolo Mulungu yakumulipicizenyi? Hamba monoza nhawule, kolo yakumuletelenyi magazo ku wulawa ku yisi yo kutali? Hamba motiziza hayi hene mukalondole wutazi? Hamba hayi hene hono mozihundika zisawo zenyu?

Isaya 13:9

Lizuwa lyo Muwaha Mulungu likuza, lizuwa lyo wukali we likuwo lyakwe. Mwi'zuwa lilyo, yinze yolonozwa yiwe mbago, no kuwongomeza wanyo wubi wose.

Isaya 14:23

Nane noyinoza Babiloni yiwe malamba ga malenga, ne matuwi gawe kwikala mumo. Kanyhi noyifwagula Babiloni ne liteyu lyono lyovifwaguliza vinhu vyose no kuvyongomeza. Yo nene Muwaha Mulungu vyo nghutya.”

Isaya 14:31

Holeka anye nyo Wafilisiti, mulile mu makaya genyu gose mulondole wutazi! Wose mogope! Hambi livunde lye manghundi, nha likuza likulawilila kusumuka, lipuga lye wasilikale wo wulugu, wakali, kanyhi wasina woga.

Isaya 2:12

Na mwizuwa lilyo Muwaha Mulungu u Mudaha vyose, u Mulngu we Mihanga, kolowanyetya wose we vilungo, na wose i wewoni, hamonga ne wevuni wose.

Isaya 23:1

Ayi yo nghani yo Mulungu kuli Tulo. Ale, mulile ko wusungu, anye nyo wajendela mu zingalawa mwi'lenga! Hambi i hanhu ha wuficilo we zingalawa zenyu ku Tulo, nha hakondya kongomezwa. I makaya gayo, hamonga ne hanhu ho wuficilo we zingalawa, mose gawa matongo du. Nagwe zingalawa zako kolo zakondya kuwuya ku wulawa Kupulo, ale, komanyizwa.

Isaya 34:2

Hambi Muwaha Mulungu nha yawakoleywe likuwo makungugo gose, hamonga ne wasilikale wawo wo wulugu. Nayo yakondya kuwawalila wongomezwe.

Isaya 34:8

Nalyo lyolowa lyo lipango lyono Muwaha Mulungu, koloyiponezya Sayuni, no kwilipiciza kuli walugu wakwe.

Isaya 47:11

Holeka ku soko yiyo, magazo gokuziza, no wuganga wako hamba si wosuma kugemila yaye. No wongomele wokuziza nhinicizo nawo wowa wongomele wono wukali hamba nawulota yaye!

Isaya 52:5

Nalu kanyhi zikejela zo zi zilya na ku Babiloni. Anye mwasolwa, ninga hamba si mwalipwa cinji yaye. Na wose wono wakuwa kumutemenyi wakuwa kwilumba no kwivuna hamonga no kulajila lubedegalo kuli'ne.

Isaya 61:2

Kanhuma ho niwalonjele vyono lipango lyafika, lyono u Muwaha Mulungu kowaponyezya wanhu wakwe, no kuwasumila kuli walugu wawo. Kanhuma ho niwasindamice wono wali mu wusungu.

Isaya 63:4

Nane nghatya, vyono, i cipango co kuwaponezya wanhu wangu, cakondya kufika, co cipango luno co kuwalipiciza i walugu wawo.

Isaya 65:14

Wene wolokwimba so nyemo, ninga anye mololila so wukalale wa mu nhumbula.

Yelemiya 25:34

Ale, mucenje lwanji, mulile anye nyo walongola, anye nyo wadimi we wanhu wangu. Mulile mwihindile muno muno! Mulile, mwigalagaze mu mavu. Hambi i vilo vyenyu vyo wuwulagwe wenyu, nha vyakondya kufika. Nanye mokasikwa nha nyama ya ngholo.

Yelemiya 49:3

Nanye nyo wanhu wa ku Heshiboni mulile! Mweze kulila mukutya, Ayi yakondya kongomezwa! Nanye nyo wacekulu wa ku Laba, mulile! Mwivwikaje magunila muwe kulila, akuno mukumangha ako na ako. Hambi u mulungu wenyu Moleki, nha kolosolwa yategulwe ku wuhamywe, hamonga ne wakohani wakwe ne wawaha wayo.

Yelemiya 51:8

Woyi hee! Babiloni yigwa no kongomela! Ale, muyilililaje! Alu mulondole miti yo kuzilagulila zinghomele zayo, nha lunji konoga.

Ezekiyeli 13:5

Wono si wakusuma hamba kugalanjilila ne majinji gono gamwaguka, hamba kugazenga kanyhi yaye. Holeka ku soko yiyo, i Waisilayeli si wolosuma kwitaza yaye, lono wulugu weza kuza mwi'zuwa lyo Muwaha Mulungu.

Ezekiyeli 21:12

Gwe go munhu, wulile wuzozize muno ko wusungu, hambi u mumaje wuwu, nha wuwikanizwe so wanhu wangu, na so walongola wose wa Isilayeli. Hambi wose nha wowulagwa, hamonga ne wanhu wose wono wasigaye. Ale, witowaje mu mhambaga yako ko wusungu.

Danyeli 5:26

Ne nhunizo yayo yoyi, MENE, wo wutya, Mulungu kaviwala vilo vyo wutemi wako, kakondya kuvidumya.

Danyeli 5:9

Na ku soko yiyo, Mutemi Belishaza, yakasininghala muno muno, na we mahala wakwe wakawula yo yose yo kunoza.

Yoweli 1:11

Ale, mukolwe cevu anye nyo walima migunda, nanye nyo walindilizi we migunda ye mizabibu, mulile ku soko yo wuhemba ne shayili, heya, hambi vilimwa vyose nha vyahodangwa.

Yoweli 1:13

Ale, muvwale magunila, mulile, anye nyo wakohani mono mwitumaga ha cikumbicilo! Mubite mu Nyumba yo Mulungu mukalile cilo cose! Hambi nha heza hasina vilavywa vyo wuhemba ne divayi, vyono momulavizya Mulungu wenyu mu Nyumba yakwe.

Yoweli 1:15

Woyi he nye! Hambi lizuwa lyo Muwaha Mulungu, nha lyasejelela, lizuwa lyono Muwaha Mulungu u Mudaha Vyose kololeta wongomele!

Yoweli 1:5

Holeka nanye nyo wang'wela, mwenzeluce mulile muno muno, mulile ku soko ye divayi mhya, anye wose mono mung'wezaga divayi. Hambi zabibu zono muyinozezaga divayi mhya, nha zakondya kuhodangwa ne zinzije.

Yoweli 2:1

Towenyi ndulele ye citanjilo mu Sayuni, mwi'tunda lyono lyelile lyo Muwaha Mulungu. Wanhu wose mono mwikaye mu Yuda, mucicime. Hambi lizuwa lyo Muwaha Mulungu nha likuza, kanyhi lyasejelela.

Yoweli 2:11

Hambi Muwaha Mulungu nha yakuwalajiliza lipuga lye wasilikale wakwe kwe'zi yiwaha, nalyo lipuga lyono limuhulicile, wo wenji muno, kanyhi wali vilungo. Wugayeci wono wolowa, mwi'zuwa lilyo lyo Muwaha Mulungu! Nani 'mbi mono kolokangalila?

Yoweli 2:31

Lizuwa yolotukuwala, no mwezi nawo wolopituka wuwe mudunghu nha sakami, lono likali sinafika lizuwa lyo kogofya lyo Muwaha Mulungu.

Amosi 5:18

Wolowa wogofye wuwaha kuli'nye mono mukusulumila lizuwa lyo Muwaha Mulungu! Kolowa kowuli wuswanuci kuli'nye mwi'zuwa lilyo? Hambi kuli'nye nha lyolowa lizuwa lye citi, hamba si lya wuzelu yaye.

Zefaniya 1:14

Lizuwa liwaha lyo Muwaha Mulungu, lili behi kuza, likuza mbela mbela! Ne lizuwa lilyo lyolowa yizuwa lyo wusungu, hamba ne wasilikale we vilungo wololila so wuwula witumbilo!

Zefaniya 1:7

Lizuwa lyo Muwaha Mulungu lili behi, lizuwa lyono Mulungu kolokwikala no kulavya wuling'anize. Holeka wikalaje wutule hali Muwaha Mulungu. Hambi Muwaha Mulungu, nha yakwiwikaniza yawalavye yikumbiko wanhu wakwe, nayo yakondya kuwahagula wono yawalalice.

Zakaliya 14:1

Lanjeta! Lizuwa lyono Muwaha Mulungu kolokwikala mwi'goda lyakwe lyo wuling'anizi, nha lili behi. Baho Yelusalemi yolotekwa. Ne mateka wose wologawilwa ha mwande ye meso genyu.

Malaki 4:5

“Ninga lono likali si naza lizuwa lilyo liwaha lyo wogofye lyo Muwaha Mulungu, ane nomutumilenyi muwizi Eliya.

Yakobo 5:1

Nalu ta hulicizenyi anye nyo wagoli! Mulile no le kwikunguza so wugaye wenyu wono womuzizenyi.

Wugubule 18:10

Nawo wolowa wemile kutali muno, wakugogopa i magazo gakwe, akuno wakutya, “Woyi he! Woyi, he kuli'gwe go Babiloni, i likaya litambule, kanyhi lye vilungo! Mwidaha lya saa monga du, u wulipicizwe wako wakondya kukuziza.”