Isaya 13:5 - Luganuzi Luswanu Kuli Wanhu Wose 2002

⁵ Wakulawilila mu ma'si go kutali ku mhelo ye yinze. Nayo Muwaha Mulungu kokuza yayongomezeze yisi yose mwi'kuwo lyakwe.

Isaya 13:5 ပူးပေါင်းရင်းမြစ်များ

2 Samwili 1:27

“Lanje ta vyono wasilikale vitung'ati wakondya kugwa, ne vitwalo vyawo vyo wulugu vyakondya kongomezwa.”

Isaya 10:5

Muwaha Mulungu yakatya, “Gwe Ashuli! Ashuli go nghome yangu yono nokwitumamila ho niwalipicize wawo wono niwakoleywe likuwo.

Isaya 13:17

Muwaha Mulungu yakutya, “Nawasagahiza likuwo Wamedi, wabite wakayihome Babiloni. Kanyhi wene hamba si wolosaka fweza hamba zahabu yaye.

Isaya 24:1

Muwaha Mulungu koloyihodanga yinze no kuyileka yili bwete. Koloyipitula yinze no kuweyagaza wanhu wayo.

Isaya 26:20

Nye nyo wanhu wangu, alu mwinjile mu zikaya zenyu, mwidindile mumo. Mwihundice mumo cidaha, sunga likuwo lyo Mulungu lipulute.

Isaya 30:27

Nalo lukumyo, hamonga ne vilungo vyo Muwaha Mulungu, vijelelaga kutali. Nawo moto hamonga ne lyosi, vilajilaga likuwo lyakwe. Mwene kalongaga, ne zinghani zakwe zikuwa kunyanya nho moto.

Isaya 34:2

Hambi Muwaha Mulungu nha yawakoleywe likuwo makungugo gose, hamonga ne wasilikale wawo wo wulugu. Nayo yakondya kuwawalila wongomezwe.

Isaya 48:14

“Holeka mwihangulize wose hamonga, muhulicize zono nghulonga, hambi nha hasina milungu yinji, yono yosuma kuwila nha vyono munhu mono nimuhaguye, kosuma kuyihoma Babiloni, ninga mwene kolokwituma du zono nghusaka yetume.

Isaya 5:26

Muwaha Mulungu kolozicemeleza ne zinghungugo zo kutali. Kolowacema walawe malanga gose ge'nze, nawo wolokuza musunho kuli mwene.

Isaya 66:14

Nanye kolo mukuziwona zizi zeza kwijela, molowa na nyemo, nazo zolomupelenyi vilungo no wusangalale. Nanye lulo nhondo ho molomanyila nha vyono, ane no Muwaha Mulungu yo niwapelaga wutazi wose wono wali cihuliko kuli'ne, langa niwakolelwaga likuwo i walugu wangu.”

Isaya 7:18

“Ne vilo vivyo kolo vikuza, Muwaha Mulungu kolowacemeleza wanhu wa Misili, waze wenji muno nha mahazi, ku wulawa kutali mu zimhelo ze likolongo lya Nile, hamonga ne wanhu wa Ashuli, nawo waze wenji muno nhe zinzuci.

Yelemiya 50:25

Nane luno, nakondya kuhadigula i hanhu hono nali niviwicile vitwalo vyangu. Nane navisola kwe likuwo lyangu. Hambi 'ne no Muwaha Mulungu, we mihanga, nha nina mulimo wo kuvitumamila mu yisi ya Babiloni.

Yelemiya 50:3

“Ne likungugo lyono likulawilila kusumuka, lyakondya kuza liyihome Babiloni, liyilece yawa nha nyika. Nazo zinimu zotiza mumo, na holowa hasina hamba munhu monga mono kolokwikala mumo.”

Yelemiya 50:9

Hambi 'ne nha nokonghola lipuga lye makungugo gono gali vilungo, ku wulawa ku lubavu lwa kusumuka, waze wayihome Babiloni. Nawo wokuza wayihome yisi, wayisume. Ne wanhu wawo, wo wanghula muno mu wupelembi, na mu wuguma zisonga, si wasutyaga wulunji mu wugume wawo.

Yelemiya 51:11

U Muwaha Mulungu kawasagahiza i watemi wa Mediya, hambi nha yakusaka yayongomeze Babiloni. Na yiyo yo nzila yono kokwitumamila ho yayilipicize Babiloni, ku soko vyono wene wayihodanga Nyumba yakwe. Nawo i walongola we milewo, wakulajiliza wakutya, “Ale! Nolenyi zisonga zenyu! Muwikanize ne zingula zenyu!

Yelemiya 8:19

Ale, hulicizenyi anye mono muli mu yisi yose. Hambi 'ne nha nghucihulika cililo ce wanhu wangu wakulila wakutya, “Alo mwene u Muwaha Mulungu yeza yali kusina kuko ku Sayuni? Hamba u mutemi we Sayuni, yeza yali kusina kuko?” Nayo u Muwaha Mulungu, u mutemi wawo yakupitula yakutya, “Nhawulenyi nanye mwanghoza likuwo, ku soko yo wuhemba vihwani wenyu, hamonga no winamila i milungu yenyu ye cijenzi, yono yisina wutazi wo wose?”

Ezekiyeli 22:31

Holeka ku soko yiyo, nane nowamwajila likuwo lyangu, niwakongoje mu moto, ku soko ye metumo gawo.” Vyo yakutya Muwaha Mulungu.

Matayo 24:31

Ne lizi yiwaha lye ndulele, lyolohulikwa, nayo kolowatuma i wamalayika wakwe, nawo wolowakonghola i wahagulwa wakwe ku wulawa ku zimbavu zose vyono yine ze yinze, kuwulawilila ku mudumo awu wo wulanga, sunga ko ku mudumo muyagwe.”