Isaya 13:3 - Luganuzi Luswanu Kuli Wanhu Wose 2002

³ Muwaha Mulungu kawalajiliza wanhu wono wayisangalalilaga nhojo yakwe, i wanhu we vilungo, ho wawahome, no kuwalipiciza wawo wono yawakoleywe likuwo.

Isaya 13:3 ပူးပေါင်းရင်းမြစ်များ

Zabuli 149:2

Wusangalale, 'gwe Isilayeli, hambi mwene nha yo muwumbi wako, nanye nyo wekala ku Sayuni, sangalalenyi, hambi mwene nha yo mutemi wenyu.

Isaya 23:11

Nayo Muwaha Mulungu, yawugoloye muwoko wakwe mwi'lenga, ho yagongomezeze mwi'lenga matemi gose. Kanyhi yakondya kulajiliza nha vyono, magomawakli gose ga mu Kanani, gongomezezwe lukulu.

Isaya 5:26

Muwaha Mulungu kolozicemeleza ne zinghungugo zo kutali. Kolowacema walawe malanga gose ge'nze, nawo wolokuza musunho kuli mwene.

Yelemiya 25:9

‘Mulanje, ta! Nane nowatuma i wanhu wo lubavu lwa kusumuka, hamonga no mwitumami wangu Nebukadineza, u mutemi wa Babiloni. Waze wayihome yisi ya Yuda, ne wekazi wayo wose, hamonga ne makungugo gose gono gayipilime. Nane nolyongomezeza lukulu likungugo lili, hamonga ne wekalani wayawo wose, niwalece mu wongomele we cibitilila, wawe cinhu co kogofya no kuhowelezwa, hamonga no wucelewazwe wuwaha. Vyo nghutya ane no Muwaha Mulungu.

Yelemiya 51:46

Ninga mulece kutukuwika mitima yenyu, hamba kuwa no woga kuli zinghani zono mukuzihulika mu'si. Hambi mapwepwe nha si goleka kuza, mwaka na lupwepwe lwayo lono lwisimile. Hanji lupwepwe lwe mawulaji mu'si, hamonga no wihomi wo mutemi no mutemi muyagwe.

Yelemiya 51:53

Nayo Babiloni, hamba yali yinyasuce ko ku wulanga, yikazenje magomawakali ge vilungo kuko. Hamba nhavivyo, vyo nali niwatume wanhu kuko, wabite wakayongomeze du. Vyo nghutya, ane no Muwaha Mulungu.”

Yoweli 3:11

Ale musunhe muze, anye nyo makungugo gose mono muli mu mbavu zose, mwihangulizize mwi'lolo.’ ” Gwe Muwaha Mulungu, wutegule vitung'ati wako vikehome.

Zefaniya 1:7

Lizuwa lyo Muwaha Mulungu lili behi, lizuwa lyono Mulungu kolokwikala no kulavya wuling'anize. Holeka wikalaje wutule hali Muwaha Mulungu. Hambi Muwaha Mulungu, nha yakwiwikaniza yawalavye yikumbiko wanhu wakwe, nayo yakondya kuwahagula wono yawalalice.

Wugubule 18:20

Ale, wusecelele go wulanga ku soko yo wuhodanjice wakwe. Nanye nyo wanhu wo Mulungu, musecelele, nanye nyo watumwa ne wawizi, musecelele nhavivyo! Hambi u Mulungu nha kalilipiciza ku soko ye metumo galyo, gono lyamutendelenyi nyenye!