Isaya 13:2 - Luganuzi Luswanu Kuli Wanhu Wose 2002

² Ale, mutumbice bendela yo wulugu, mucanyha ye litunda lyono si licindice mibici! Muwaceme wasilikale mwinuye muno mazi genyu, akuno mukuwayunziza miwoko yenyu, ciwe co citanjilo cenyu, co kuwalonjela nha vyono wagahome malango ge likaya lidunhumuzi.

Isaya 13:2 ပူးပေါင်းရင်းမြစ်များ

Zabuli 60:4

Kuwasugula awalya wono wakogopile, ho wasume kuyityega songa.

Isaya 10:32

Ne zuwali, walugu wakondya kwinjila mu cikaya ca Nobu, na kuko wakwikamanga zingumi zawo mwi'tunda lya Sayuni, mwi'kaya lya Yelusalemi.

Isaya 11:12

Muwaha Mulungu kolowenulila bendela makungugo, ho yagalajile nha vyono, aluno nhondo, yeza kuwakongholeza kanyhi hamonga, i wanhu wa Isilayeli na Yuda, wono wali weyagaye ako na ako, yawagomole ku wulawa ku zimhelo ze yinze zose vyono yine.

Isaya 11:15

Nayo Muwaha Mulungu, kololinyaza lilenga lya Shamu, kololeta mbeho yono yili moto, yalinyaze likolongo lya Efulata, ninga kololeka vikolongo vidodo-dodo vili mupunghati, munhu wo wose ho yasume kulowoka hakavu.

Isaya 18:3

Ale, ta, muhulicize anye wose mono mwikaye mono'nze! Hono muwone bendela yenulwa mucanyha mu vizuli vye matunda, ale mulanje! Kanyhi mweze muyihulicize ne ndulele kolo yeza kutowa!

Isaya 19:16

Ninga vilo vyokuza, vyono i wanhu wa Misili, wolowa wali cevu, wokwihwana we cicekulu. Hambi nha wocicima ko woga kolo wakuwona Muwaha Mulungu we Mihanga yakuwugolosa muwoko wakwe yawalipicize.

Isaya 31:9

Nayo mutemi wawo kolotiza so woga. Nawo wetumami wakwe, wolokwinjilwa no woga wuwaha, wolotiza wazilece ne zibendela zawo zo wulugu.” Muwaha Mulungu vyo yakutya, u Muwaha Mulungu mono yakuwa kuhembwa mu Yelusalemi, mono no moto wakwe wakaga mumo so makumbiko.

Isaya 5:26

Muwaha Mulungu kolozicemeleza ne zinghungugo zo kutali. Kolowacema walawe malanga gose ge'nze, nawo wolokuza musunho kuli mwene.

Yelemiya 50:2

“Muyanzaje nghani yiyi mu makungugo! Muyiganule! Mwinule cipepela, ganulenyi! Mulece kuyihundika! Mulonje mutye, ‘Babiloni yisolwa!’ Beli yikozwa cevu! U mulungu wayo Maliduki, katulanjika! Ne vihwani viseswe vya Babiloni vyakozwa cevu, ne vihwani vyawo vye liwifyo vyono wavihembaga, alu vyabenanjika.

Yelemiya 50:41

“Nawo wanhu wakuza wakulawilila ku yisi yo lubavu lwa kusumuka, likungugo lyono lili vilungo muno, sunga ne watemi wenji wakwiwikaniza so wulugu.

Yelemiya 51:12

Mwinule bendela mucanyha ye majinji ga Babiloni. Muwice wulindilizi we vilungo! Muwice walindilizi! Muwice wanhu wono wowa kugoza.” Hambi u Muwaha Mulungu, nha yakondya kwituma zinghani zono yalonga, nha vyono kowatendela wanhu wa Babiloni.

Yelemiya 51:25

“Hambi agwe Babiloni, nha wehwana nhe litunda, lyono likuyongomeza yinze yose. Ninga wumanye, nha vyono, ane no Muwaha Mulungu, nili mulugu wako. Nokwibata, nghugalagaze ho hasi, nghulece wuvutuce ne mavu.

Yelemiya 51:58

Ne majinji ge likaya lye vilungo Babiloni, golokumulwa gagwiswe ho hasi. Ne milango yayo mitali, nayo yolopembelwa moto yikongojele. Ne milimo yose ye makungugo, yo nghani ya bwete du, hambi u wuhidimbazi wawo nha wuli mu malambi go moto. Vyo nghutya, ane no Muwaha Mulungu.”