Isaya 12:4 - Luganuzi Luswanu Kuli Wanhu Wose 2002

⁴ Ne lizuwa lyolokuza lono wanhu wolokwimba wawe kutya, “Mulumbenyi Muwaha Mulungu! Mucemelezenyi yamutazenyi! Mugalonjele makungugo gose ze metumo gakwe! Muwalonjele zo wuwaha wakwe!

Isaya 12:4 ပူးပေါင်းရင်းမြစ်များ

1 Zinghomo 16:8

Mumulumbe Muwaha Mulungu, mwanze zo wuwaha wakwe. Mugalonjele makungugo zinghani zono yetumile

1 Zinghomo 29:11

Agwe yo gwegwe mono wuwaha wo wako, kanyhi ne vilungo, no lukumyo, no wusume, no wutemi. Ne vinhu vyose vya ku wulanga na vyono vili mono yinze, vyose nha vyako, kanyhi agwe wutemile vyose, kanyhi wuli muwaha muli vyose.

Nehemiya 9:5

Hobaho i Walawi, Yeshuwa, Kadimiyeli, Bani, Hashebeneya, Shelebiya, Hodiya, Shebaniya, na Petahiya, wakawa kuwacemeleza wanhu waze ku wuhembi, wakatya, “Mwime mukamile, mumulumbe Muwaha Mulungu, u Mulungu wenyu, Mumulumbaje cibitilila ne cibitilila! Ale, wose walikumye litagwa lyako lyo lukumyo. Lyono likumucile si nho wulugute wose ne lilumbo lyose.”

Zabuli 105:1

Mulumbenyi Muwaha Mulungu, mwanze zo wuwaha wakwe, mugalonjele makungugo zono yetumile!

Zabuli 107:22

Wamulavizye vilavya hamonga ne lilumbo, wasimulile ze metumo gakwe ko wimbe we nyemo.

Zabuli 113:5

Hambi nani kanyhi, mono kowa yehwanile, no Muwaha Mulungu, u Mulungu wetu? Mwene nha yekaye mwigoda lyo wutemi kucanyha,

Zabuli 148:13

Mulilumbe litagwa lyo Muwaha Mulungu, anye nyo wanhu wose hambi litagwa lyakwe, nha lilawiliciye, no lukumyo lwakwe, lucizize kono'nze na ku wulanga.

Zabuli 18:46

U Muwaha Mulungu yo mumi! Yalumbwe, u mudimi no wihundiko wangu. Ale, mumukumyaje Mulungu mono yakumhonya.

Zabuli 21:13

Wulumbwe 'gwe go Muwaha Mulungu, ku soko ye vilungo vyako! Nase cokwimba no kuvikumya i vilungo vyako.

Zabuli 22:31

Sunga ne wanhu wono wakali nalelwa, nawo wolololonjelwa nhavi, “U Muwaha Mulungu yo yawaponya wanhu wakwe!”

Zabuli 34:3

Mumukumyaje Muwaha Mulungu hamonga nane, wose hamonga cilikumye litagwa lyakwe.

Zabuli 40:5

Gwe go Muwaha Mulungu, go Mulungu wangu, wakondya kucinozeza nghani nyinji zo wizine, ne mahweso gako ku soko yetu, si gakuwalwa yaye, hamba hasina yunji wo wose mono yehwanile gwegwe. Na hono nali sume kuziwala zizo zose, hamba si nali nizimanye liwalo lyayo.

Zabuli 46:10

Yakutya nhavi, “Ale munyamale! Mumanye vyono ane yo nene Mulungu! Ane nghukumywa mu makungugo gose, ane yo nene muwaha we yinze yose!”

Zabuli 57:5

Wunojeye wukumywe ko ku wulanga 'gwe go Mulungu, ne nhojo yako yiweze mu yinze yose.

Zabuli 68:5

Mulungu mono yekaye hono helile hakwe, mwene yo Sogo ye wana wono wasina walezi, kanyhi yo mudimi we wafwile.

Zabuli 73:28

Ninga viswanu kuli'ne, niwe behi nagwe go Mulungu, hambi agwe go Muwaha Mulungu nha yo mhonelo yangu. Nane nozanza ze milimo yakwe yose yono witumile!

Zabuli 9:11

U Muwaha Mulungu yo yayitemile Sayuni, holeka mumwimbilaje nyimbo ze lilumbo, kanyhi muwanzizaje wanhu wose ze metumo gakwe.

Zabuli 96:3

Mugalonjele makungugo zo lukumyo lwakwe, hamonga na ze metumo gakwe, mawaha kuli wanhu wose.

Zabuli 97:9

Hambi 'gwe go Muwaha Mulungu Mono wulawiliciye nha wutemile mu yinze yose, kanyhi yo gwegwe du, mono wuli vilungo muno muno wucizize milungu yose.

Wutuluce 15:2

Muwaha Mulungu vyo vilungo vyangu, kanyhi lo lwimbo lwangu, nayo mweneco yo mhonelo yangu. Nayo yo Mulungu wangu, nane nomulumba, yo Mulungu wo sogo yangu, nane nomukumya.

Wutuluce 33:19

Muwaha Mulungu yakamupitula Musa yakamutya, “Ane, nokola ha mwande yako, no wuswanu wangu wose, kanyhi nolyanza litagwa lyangu hali'gwe, litagwa lyo ‘Muwaha Mulungu.’ Nane nghuwa kumuwonela lihewa mono nene nyendile kumuwonela lihewa, nomuwonela lusungu mono nene nyendile kumuwonela lusungu.

Isaya 12:1

Ne lizuwa lyolokuza lono wanhu wolokwimba wawe kutya, “Nghukulumba 'gwe go Muwaha Mulungu! Hamba wuwe wali wungholeywe likuwo, ninga aluno wusindamice, wulece kungholelwa kanyhi likuwo.

Isaya 2:11

Kanyhi lizuwa likuza, lono wiwoni wo munhu wolomalika, no widunhumuzi wo munhu wolokongomezwa. No Muwaha Mulungu du, yo kolopegwa lukumyo yali wene.

Isaya 2:17

No wiwoni wo munhu, baho langa ho wulamalicila, no widunhumuzi nawo, baho ho wolokogomezezwa lukulu.

Isaya 24:15

nawo wono wekaye ku lubavu lwa kucilima, wolomukumya mwene. Nawo i wanhu wono wekaye mu mwalambalo we lilenga, wolomukumya Muwaha Mulungu, u Mulungu wa Isilayeli.

Isaya 25:1

Gwe go Muwaha Mulungu, yo gwegwe go Mulungu wangu. Nane nokupela cogopo, no kulikumya litagwa lyako. Hambi nha wetuma metumo go wizine kugafisiliza ko wihuwilwa i mahweso gako gono wagawikaniza ku wulawa katali na katali.

Isaya 26:8

Ase cikutyatya zo wuhile wako, kanyhi cikwitumbiye gwegwe, agwe yo gwegwe mono kucikwilanicizaga vyose vyono cikwilowa.

Isaya 33:5

Lanjenyi ta u wuwaha wo Muwaha Mulungu vyono winha! Hambi mwene nha yo mutemi we vinhu vyose. Mwene koyimemya Yelusalemi wihuwilwa hamonga ne ling'ani.

Isaya 42:12

Nawo wono wekaye mu zi'si zo kutali wamupele Muwaha Mulungu lilumbo no lukumyo.

Isaya 48:20

Ale muwuce mu Babiloni, mutize! Muziganule zinghani zizo na nyemo, muzimanyize hanhu hose muwe kutya, “U Muwaha Mulungu kakondya kuwaponya Isilayeli i wetumami wakwe!”

Isaya 66:19

Baho ho womanyila vyono yo nene du mono nghuwalipiciza. Ninga hamba nhavivyo, nolowasigaza wanji muli wene, niwatume kuli makungugo na ku zi'si zo kutali, kono wakali nazihulika zo lukumyo lwangu, hamba kuziwona zo wuwaha wangu ne vilungo vyangu. Ku zi'si za Sipeyini, Libiya, na Lidiya, wabite hamonga ne wanghula wo kuguma no wupinde. Wabite sunga ko ku Tubali na ku Gilisi. Wabite wakanze zo wuwaha wangu ku zinghungugo zizo.

Yelemiya 50:2

“Muyanzaje nghani yiyi mu makungugo! Muyiganule! Mwinule cipepela, ganulenyi! Mulece kuyihundika! Mulonje mutye, ‘Babiloni yisolwa!’ Beli yikozwa cevu! U mulungu wayo Maliduki, katulanjika! Ne vihwani viseswe vya Babiloni vyakozwa cevu, ne vihwani vyawo vye liwifyo vyono wavihembaga, alu vyabenanjika.

Malaki 1:11

Wanhu ku wulawa ku mhelo ye yinze, sunga ko ku mhelo nzagwe, wose wanyogopile nene. Hanhu ho hose wakufusiza wuvumba, no kulavya vilavywa vyono vikwiliye. Na wose wawo, wanyogopile nene!”

Yohana 17:26

Nghunoza ho wumanyice kuli wene, nane nojendelela kunoza nhavivyo, ho wendo wono wanyendela ane, wuweze muli wene, na nene niwe muli wene.”