Isaya 12:3 - Luganuzi Luswanu Kuli Wanhu Wose 2002

³ Ne wanhu wo Mulungu wasangalalaga lono yawaponya, nha vyono malenga ge mbeho gamusangalazaga mono yena nyhilu mwizuwa likali.”

Isaya 12:3 ပူးပေါင်းရင်းမြစ်များ

Zabuli 36:9

Agwe yo gwegwe mwamulizo wo wumi, na mu wuzelu wako, nase cikuwona wuzelu.

Zabuli 87:7

Nawo wose wakwidawala, akuno wakwimba wakutya, “Agwe Sayuni yo gwegwe mwamulizo wetu.”

Lwimbo Luswanu muno 2:3

Nha vyono winha mubici wo muyembe, wono wuli ha ciligati ye mabici ga mu mbago, Nhavivyo no mwendece wangu nayo, vyo yenha, mu ciligati ye walume wanji. Nane nali nyende niwe nikaye ha mubeho wayo, ne mikalo yayo, yili muzinzi lono nghuyijeza.

Isaya 41:18

Nane nogatula makolongo gahulume mu vigongo mu hanhu hakavu, ne mivwilo ye malenga yihulume mu malolo. Noligalusa linyika hawe malamba ga malenga, ne yisi nghavu hawe ne mivwilo ye malenga.

Isaya 49:10

nawo si wolodabuka yaye, hamba kutuga nyhilu ya malenga. Nalyo lizuwa hamonga ne livuce lya mu nyika, si vyolowatamisa yaye, hambi nha wolowa wali mu wutonji wa mono yawendile. Mwene kowatonga ku mivwilo ye malenga.

Yelemiya 2:13

Hambi i wanhu wangu nha wetuma wubi wuli hejete, wandeka 'ne mono nili muvwilo we malenga go wumi. Wene wehimbila visima vyono vikung'welela mbela mbela, vyono si vyosuma kwikala na malenga.

Ezekiyeli 47:9

Na lono cikolongo cico cikuhuluma mugati yayo, mowa mo gali mawala gose ge vilimu ne zisomba. Nago i malenga gago ge cikolongo, goganoza i malenga ga mwi'lenga lyo mwino gawe mapolo. Ne hanhu ho hose hono i malenga gago gowa kukolela lono gakuhuluma, gowa kuleta wumi kuli vinhu vyose.

Zakaliya 13:1

“Muwaha Mulungu we Mihanga yakutya, vilo vivyo kolo vyafika, mumvilo wolodigulwa, wuweze wanhu we ndelo ya Dawudi, ne wanhu wa ha Yelusalemi, u wubi wawo hamonga no wuhemba milungu yinji.

Yohana 1:16

Hambi mu wukwilanicile wakwe, nase mo cikubocelela lihewa lyakwe cibitilila.

Wugubule 22:1

Hanyuma kanyhi malayika yakandajila i likolongo lye malenga go wumi gono gakung'alala nha cilole, gakulawilila he'goda lyo wutemi lyo Mulungu, hamonga no Mwana we ngholo.

Wugubule 22:17

U Muhe hamonga na bibi halusi walonje watye, “Wuze!” Nayo u munhu wo wose mono yakuyihulika yiyi, nayo yatye, “Wuze!” Na mono yakaluce, ale yaze, nayo mono yakugasaka i malenga go wumi, yasole bwete.

Wugubule 7:17

hambi u Mwana we ngholo mono yali haciligati ye ligoda lyo wutemi, nha yo kolowa yo mudimi wawo, nayo kowatonga sunga ko ku mivwilo ye malenga go wumi. No Mulungu kogapatila lukulu mahozi gose ga mu meso gawo.”

1 Samwili 2:1

Nayo Hana yakalomba yakutya, “Muwaha Mulungu kayimemya nhumbula yangu nyemo, Nane sangalaye muno so zose zono yanhendeye! Nane nowaseka walugu wangu so nyemo yono nina nayo, vyono nghuyisanglalila mhonelo yakwe!