Isaya 12:2 - Luganuzi Luswanu Kuli Wanhu Wose 2002

² Mulungu yo mhonelo yangu nomwitumbila mwene, hamba si nokogopa cinji yaye. Hambi Muwaha Mulungu, nha yo kamhelaga 'ne vilungo no wusume, kanyhi yo muponyi wangu.

Isaya 12:2 ပူးပေါင်းရင်းမြစ်များ

2 Samwili 7:24

Wukawanoza wawe wanhu wako cibitilila, nagwe go Muwaha Mulungu, wukawa Mulungu wawo.

Jobu 13:16

Na yiyo lunji yali yimhele wutazi, ninga lu nha hasina munhu mubi mono kosuma kumuwona Mulungu.

Zabuli 112:8

Yakuwa yasina mahwele, hamba si yakogopa yaye, hambi nha yamanyiye lukulu, vyono walugu wakwe wosumwa.

Zabuli 118:14

Mbeka Muwaha Mulungu, yo kamhelaga vilungo no wusume, yo mweneco du mono yamhonizye.

Zabuli 118:21

Gwe go Muwaha Mulungu, nghukulumba vyono wuhulicize, hambi nha yo gwegwe du mono wumheye wusume.

Zabuli 27:1

U Muwaha Mulungu wo wuzelu wangu, kanyhi yo mhonelo yangu, alu kanyhi nimogope nani lo? U Muwaha Mulungu yo mudimi wangu alu nimogope nani 'mbi?

Zabuli 65:6

Agwe yo gwegwe mono wuli vilungo, wukusimya matunda hanhu hayo,

Zabuli 68:20

Mulungu wetu, yo Mulungu we mhonelo, nayo Muwaha Mulungu, yo kaciponyaga mwi'fwa.

Zabuli 68:21

Nayo Mulungu, koyipondanjiza mitwe ye walugu wakwe, heya, i mitwe ya wose, wono wakali wadindimiye zo wituma wubi.

Zabuli 83:18

Ho wamanye vyono yo gwegwe du wuli wene, go Muwaha Mulungu, Mulungu Mono Wulawiliciye mu yinze yose.

Wutuluce 15:2

Muwaha Mulungu vyo vilungo vyangu, kanyhi lo lwimbo lwangu, nayo mweneco yo mhonelo yangu. Nayo yo Mulungu wangu, nane nomulumba, yo Mulungu wo sogo yangu, nane nomukumya.

Isaya 10:24

U Muwaha Mulungu we mihanga yakuwalonjela i wanhu wono wekaye ku Sayuni, yakutya, “Ale, mulece kuwogopa Waashuli, hamba wawe wamwiwonelenyi 'nye, nha vyono Wamisili wamwiwonelenyi.

Isaya 17:10

Gwe Isilayeli! Mbeka wamusemwa Mulungu mono kakuponyaga, kanyhi mono kakucitilaga nhe litalawe lyono lili vilungo. Alu wahadika mibici mu busitani siwanulwe, ho wuwe kuyihemba milungu mijenzi.

Isaya 27:5

Ninga nawo i walugu we wanhu wangu, hono wasace niwadime, yiwanojeye wamule welamule nane. Heya mbeka, yiwanojeye sunga welamule nane.”

Isaya 32:2

Nawo wawo wose, wolowa nho wihundiko so mbeho, kanyhi wolowa nho wicito so mukukunzo. Kanyhi wolowa nhe vikolongo vye malenga, vyono vikuhuluma mu nyika. Kanyhi wolowa nho mubeho muwaha we libwe liwaha, lyono lili mu yisi yono yilecigwe.

Isaya 33:22

Ne milejehe yose ya mu zingalawa zizo, yitimbile du, ne matote gayo hamba si gakugoloka yaye!

Isaya 38:20

Gwe go Muwaha Mulungu, wakondya kumhonya. Holeka nase luno, cotowa masumbi, no kwimba ze lilumbo lyako. Kanyhi cowa kukulumbila mu Nyumba yako mu vilo vyose vyo wikale wetu.

Isaya 45:17

Ninga Isilayeli koponywa no Muwaha Mulungu ne mhonelo yakwe yowa ya cibitilila, ne wanhu wakwe, hamba si wolokozwa soni yaye.’ ”

Isaya 49:5

Muwaha Mulungu yahagula 'ne na lono nali nghali hamba nalelwa, yakanoza niwe mwitumami wakwe, ho niwagomole kwakwe wanhu wakwe, niwakonghole i wanhu wa Isilayeli wono weyagaye. Hambi Muwaha Mulungu nha yo yakumhela lilumbo, kanyhi mwene vyo vilungo vyangu.

Isaya 50:10

Nanye wose mono mumuhulice Muwaha Mulungu, no kuzihulika zinghani zo mwitumami wakwe, mumanye nha vyono mokola mu nzila yo wutitu tuku. Ninga anye mumwitumbile du Muwaha Mulungu mumwegamile Mulungu wenyu.

Isaya 51:12

Muwaha Mulungu yakutya nhavi, “Ane, yo nene du, mono nghuwa kumusikamyenyi. Alu nhawule mukumogopa munhu we nghuli mono si kekalaga vilo vinji, yehwanile mahanze?

Isaya 61:10

Yelusalemi yisangalaliye muli zono Muwaha Mulungu yazitumile. Yehwana nha bibi halusi mono yenozeleze yabite ku wutozwe. Mulungu kakondya kuyivwika Yelusalemi mwenda we mhonelo no wusume.

Isaya 62:11

Nha vyono Muwaha Mulungu yakuwalonjela wanhu wose wa mono'nze yakutya, “Ale, muwalonjele i wanhu wa mu Yelusalemi nha vyono Muwaha Mulungu yakuza kumuponyenyi, Yakuwaleteleza hamonga ne wanhu wono yakondya kuwaponya.”

Isaya 65:18

Holeka 'lu musangalale no kuwona nyemo cibitilila muli yono nghuwumba. Langa ta! Yelusalemi mhya yono nghuwumba, yolowa yimemile nyemo, ne wanhu wayo wolowa wasangalaye muno.

Isaya 7:14

Ale, du, ninga Muwaha Mulungu mweneco komupelenyi citanjilo. U muhinza kodinghula 'nda, nayo kolela mwana wa cilume, ne litagwa lyakwe kocemwa ‘Imanuweli.’ ”

Yelemiya 23:6

No mutemi yuyo kolo yatema, i wanhu wa Yuda, wolowa wekaye wapolile. Hambi u mutemi yuyo nha kolocemwa, ‘U Muwaha Mulungu Muponyi wetu.’ ”

Yelemiya 3:23

Hambi nha si casuma kutuga wutazi wo wose kuli wuhembi we wanhu wono si wamumanyile Mulungu wono cahembaga mucanyha ye vizuli vye matunda. Hambi u wutazi kuli Isilayeli, nha wulawaga kuli Muwaha Mulungu, u Mulungu wetu du.

Danyeli 3:28

Mutemi yakatya, “Yalumbwe Mulungu wa Shedilaki, Meshaki na Abedinego! Hambi nha kamutuma Malayika wakwe, kawaponya wawa wanhu wakwe, wono wakumwitumamila no kumwihuwila. Walema malajilizo gangu, wawa kwisuza wumi wawo. Wawona ciba wafwe, si nho kumuhemba mulungu yunji, langa Mulungu wawo du.

Hoseya 1:7

Langa kuli wanhu wa Yuda, nolajila wendo. Ane no Muwaha Mulungu wawo, nowaponya wene, ninga sinozinoza zizo mu nzila yo wulugu wo mumaje, hamba wo wupinde ne zisonga, hamba we zifwalasi ne wapanda fwalasi.”

Yoweli 2:23

“Holeka muweze ne nyemo anye wanhu wa Sayuni, musangalalile zono Muwaha Mulungu wenyu yamutendelenyi. Hambi mwene nha kamupelenyi mvula ye lifuku yono yikwiliye, kanyhi komutonyezezenyi ne mvula ye mhinga na ye mafuso ku soko yenyu, nhe vilo vyono vipulute.

Yona 2:9

Ninga ane nokwimbila gwegwe lwimbo lo lukumyo, nokulavizya ne likumbiko, kanyhi nokwituma nha vyono nehuwiza. Hambi mhonelo nha yikulawa kuli Muwaha Mulungu!”

Habakuki 3:18

Ane nosangalala no kusecelela vyono Muwaha Mulungu yo muponyi wangu.

Walumi 1:16

Hambi nha si nghuluwonela cevu u Luganuzi Luswanu; hambi nhavyo vilungo vyo Mulungu, vyono vikuwakomboza wose wono wakwihuwila, lulongozi kuli Wayahudi, nha vivyo na kuli wono si Wayahudi.

1 Timoteyo 3:16

Hambi nha hasina mahwele go gose kuli zo wuwaha wa ze cinyele ze dini yetu, vyono: Yejela mu hwani yo munhu yahomelelwa no Muhe vyono yali ling'ani, yawonwa ne wamalayika. Yaganulwa mu zinghungugo, yehuwilwa kononze kose, yakabocelwa kucanyha ku wulanga mu lukumyo.

Wugubule 7:10

Wakalonga ne mazi mawaha, wakutya “I mhonelo yetu yikulawa kuli Mulungu wetu mono yekaye mwigoda lyo wutemi, kanyhi na kuli Mwana we ngholo!”

1 Samwili 2:1

Nayo Hana yakalomba yakutya, “Muwaha Mulungu kayimemya nhumbula yangu nyemo, Nane sangalaye muno so zose zono yanhendeye! Nane nowaseka walugu wangu so nyemo yono nina nayo, vyono nghuyisanglalila mhonelo yakwe!