Isaya 11:9 - Luganuzi Luswanu Kuli Wanhu Wose 20029 Na mwi'tunda lyo Mulungu lyono lyelile lya Sayuni, molowa musina citamisi co cose hamba cibi co cose. Hambi yisi nha yolomema wumanye wo Muwaha Mulungu nha vyono lilenga limemile malenga kose. အခန်းကိုကြည့်ပါ။ |
Nawo mwezi wolong'alala nhe lizuwa. Nalyo lizuwa lyolong'alala wung'alale wuwaha muno kali mupunghati kuciza wung'alale walyo we vilo vyose, lyolotowelela wung'alale wa vilo mupunghati mwi'zuwa lilyo limonga. Na zizi zolokwijela mwizuwa lyono Muwaha Mulungu yeza kuwawopa bandeji wanhu wakwe, mu zinghomele zono yawapela, hamonga no kuwaponya.
Nawo kolo wabita kuko, wowagomola kono kaya i wanyawusi wayenyu, ku wulawa mu makungugo, wawe nha cipegwa kuli'ne. Wowaleta sunga wawafise mwi'tunda lyangu lyono lyelile, mu Yelusalemi, wawapacize mu zifwalasi, na mu zinyumbu, na mu zingamiya, na wanji mu matuka go wulugu, na wanji mu magali go kukwegwa, nha vyono Waisilayeli waletaga mu viya vyono vyelile, i vilavywa vyo wusaje mu Nyumba yo Mulungu.
U Muwaha Mulungu we mihanga, u Mulungu we Waisilayeli yakutya nhavi, “Kolo nghuwagomola i wanhu ku yisi yawo weneco, wolokwitumamila nghani yiyi mu yisi ya Yuda na mu vikaya vyayo, wawe kutya, ‘U Muwaha Mulungu yalilugutize litunda lyono lyelile lya Yelusalemi, i hanhu hono helile hono mwene yekaye.’
Na mu vilo vivyo, holowa hasina kanyhi yunji mono kolowa kumwijiza muyagwe yunji yakumutya yamumanye Muwaha Mulungu, hambi i wanhu wose nha wolowa wakondya kumanya 'ne, ku wulawilila i wadodo sunga ne wanhu mututu wose. Nane nolowanenela u wubi wawo wose. Kanyhi hamba si nilagakumbucilila lukulu i mabi gawo gose gono wetuma. Vyo nghutya, ane no Muwaha Mulungu.”