Isaya 11:4 - Luganuzi Luswanu Kuli Wanhu Wose 2002

⁴ Langa kolowaling'aniza wasocele ko wiling'ano, no kulamula nghani yo muciwa kwe ling'ani. Nawo wanhu wolowa kulipicizizwa mu wulajilize wakwe, ne wanhu wetuma zimbi wolowulagwa.

Isaya 11:4 ပူးပေါင်းရင်းမြစ်များ

2 Samwili 8:15

Mutemi Dawudi yakatema mu Isilayeli yose, yakayinoza mikalile ye wanhu wakwe yiwe yili mu ling'ani na mu mbeka.

Jobu 15:30

Nayo hamba si kolokwilega ne citi, kolokwihwana no mubici, wono manhambi gayo ganyanywa no moto, ne mahamha gayo, gawa kupemheluswa ne mbeho.

Jobu 4:9

Ninga Mulungu, kawongomezezaga mwi'kuwo lyakwe lyo mukukunzo.

Zabuli 110:2

Hambi Muwaha Mulungu nha kotandaza, vilungo vyako wulawilila ku Sayuni, yakutya, “Ale wuwatemaje walugu wako!”

Zabuli 18:8

Lyosi likakomoka kulawa mu zimhula zakwe, no moto mukali wukalawila mu mulomo wakwe, ne makala go moto gakalipuka kulawa kuli mwene.

Zabuli 2:9

Nagwe kowapondanjiza ne nghome ya cuma, kanyhi kowatulanga nha nyungu yo muwumbi!’ ”

Zabuli 76:10

Ne likuwo lye wanhu, likuletelaga lukumyo lono lucizize muno; nawo wono waponile ku wulugu, wowa kuzikumbucila zi sikukuu zako.

Isaya 1:17

mwiyijize ku wituma ziswanu. Mwitume zo wiling'ano, muwataze wono wakwiwonelwa, muwapele ze ling'ani i wana wono wasina walezi, muwataze i wacekulu wafwile mu zinghani zawo.”

Isaya 13:11

Muwaha Mulungu yakutya, “Ane nololeta wongomele mono yinze, nolowalipiciza ne wanhu wabi wose, ku soko yo wubi wawo. Nolowanyetya wose i wewoni, nolowalipiciza wose i wedunhumuzi, ne wakali.

Isaya 14:30

Nayo Muwaha Mulungu kowadima i wasocele wa muli wanhu wakwe, kanyhi kowaleka wekale wapolile. Ninga anye nyo Wafilisiti, Muwaha Mulungu kolomuletelenyi nzala mbaha muno, nayo yolomuwulajenyi nyenye wose, na holowa hasina hamba monga mono yalasigala mumi.

Isaya 16:5

Hanyuma ya zizo, yunji wa muli wana wa Dawudi, yo kolowa mutemi. Nayo mutemi yuyo, kolowatema wanhu ko wihuwilwa na ko wendo. Nayo kanyhi kolowa mupelu ku wituma zo wiling'ano, kanyhi kolosaka ling'ani du yo yitumwe mu wutemi wakwe.

Isaya 2:4

Kololamula zo wiwanganile we makungugo mawaha. Nawo wolotyana mimaje yawo yiwe masili, ne migoha yawo yiwe mimaje yo kududulila. Ne makungugo hamba si golokwihoma yaye, hamba kwiwikaniza so wihomi kanyhi.

Isaya 26:6

Na wa walya wono wewonelwaga, alu wakugakanyanjila mucanyha yago wakugasambanjiza hasi ye magulu gawo.

Isaya 29:19

Nawo i waciwa, hamonga ne wanhu wenenenyhezi, wolotuga kamonga nyemo yono Muwaha Mulungu, u Mulungu mono yelile we Waisilayeli kalavyaga.

Isaya 3:14

Muwaha Mulungu, yakuwacema wanyamhala we wanhu wakwe, hamonga ne walongola we wanhu wakwe, ho yawaling'anize. Nayo yakuwasitaka yakutya, “Yo nyenye mono mwapumha migunda ye mizabibu, ne zikaya zenyu, zimemile vinhu vyono mwawaboka waciwa.

Isaya 30:28

Mwene kayilongozaga mbeho ku mwande yakwe, yiwa nhe lihwazi lye malenga, yiwa kuvikwanghwaniza vyose vyono yikwagana. Nayo yigafwagulizaga makungugo, yiwa kugongomeza, yiwa kugadumya ne mahweso gawo mabi.

Isaya 30:31

Nawo Waashuli, wolokwinjilwa no woga wuwaha muno kolo wakulihulika lizi lyo Muwaha Mulungu no kuliwona likuwo lyakwe lyo kulipiciza.

Isaya 30:33

Ne likombo lyo moto muwaha, lyakondya kuwikanizwa ku wulawa katali, i hanhu hono kolotakamizizwa u mutemi wa Ashuli. Ne likombo lilyo yitali, kanyhi yigazi muno, nalyo limemile lilundo yiwaha lya ngwagu. Nayo Muwaha Mulungu kololyehelela, no mwehelo wakwe wolowa malambi ga moto, gono gololikoleleza moto likombo lilyo.

Isaya 32:1

Na mwizuwa linji kolotema u mutemi mono kolowa mwihuwilwa, ne wawaha wa mu'si, nawo wolotema mu nzila yo wiling'ano.

Isaya 32:7

No munhu mono yasina mahala, kawezaga munhu mubi, kanyhi yendile kwituma zimbi du, mwene yendile kupinya zo kuwongomeza waciwa ne zinghani zakwe zo wulambi, no kuwemila ho walece kunozezwa ling'ani.

Isaya 33:22

Ne milejehe yose ya mu zingalawa zizo, yitimbile du, ne matote gayo hamba si gakugoloka yaye!

Isaya 40:7

I mahanze ganyalaga, nago maluwa gawombaga, lono Muwaha Mulungu yakuleta libeho liwa kugaputa. Na mbeka, wanhu siwekalaga wehwanile mahanze du.

Isaya 49:2

Yakazinoza zinghani zangu ziwe kuhoma nho mumaje. Kanyhi yakanyhitila no muwoko wakwe. Yakanoza 'ne niwe nha songa nghali muno yono yiwikanizwe ku wugume.

Isaya 61:1

Muwaha Mulungu, kamemya'ne no muhe wakwe. Kasiwanula ho niwaganulile luganuzi luswanu i waciwa, niwaponye wono wadejepe mu nhumbula niwanzize zo wulecelwe wawo awalya i wahamywa, no wulecelwe wa kuli wafungwa mu jela.

Isaya 9:7

No wuwaha wo wutemi wakwe, wojendelela kuwiluka no wutemi wakwe, wowa kwikala wa mulamu nhondo zose. Mwene kolohala u wutemi wose wo mutemi Dawudi, ho no kutema mu wutemi wakwe, kuwusikamya no kuwukamisa mu wiling'ano ne ling'ani ku wulawa lulu, sunga ne cibitilila. Nayo Muwaha Mulungu we mihanga, kohidimbala sunga yazitume zose zizi.

Yelemiya 33:15

Na mu vilo vivyo, nolomuhagula mutemi we ling'ani, mu wulawa mu lulelo lwa Dawudi. No mutemi yuyo, kolo kwituma ze ling'ani na zo wiling'ano mu yisi yose.

Yelemiya 5:28

Nalu lanjeta, vyono wajinile, wakung'alala nhavivi ku soko wasina wiyimile mu wituma zimbi. Kanyhi hamba si wakusuma no kuwanozeza ling'ani i wana wono wasina walezi wawo, hamba kulajila ling'ani yaye, kuli wono wakwiwonelwa.

Hoseya 6:5

Ayi yo soko yono yaleka nghamutumilenyi wawizi wangu, hamonga no luganuzi lo wuling'anizwe, no wongomezwe kuli'nye. Na yono nghusaka kuli'nye yoyi.

Zefaniya 2:3

Mumupitucilaje Muwaha Mulungu anye wose nyo wanhu wenenenyhezi wa mu yisi, anye mono muwukamise wulajilize wakwe. Mwitumaje ze ling'ani, kanyhi mwinenenyheze nyo weneco hali Muwaha Mulungu, nha lunji mopona mwi'zuwa lyono Muwaha Mulungu, yalalajila likuwo lyakwe.

Malaki 4:6

Nayo kolo yakuza, kozipitula zinhumbula ze wasogo zo munhu zilanje wana wawo, ne zinhumbula ze wana, nazo, zilanje wasogo zawo, ho nize ndece kuyihodanga yisi yenyu.”

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika, kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Matayo 5:5

Wamoti iwapolo, hambi nha wopegwa yinze.

Metumo ge Watumwa 9:1

Mu mapango gaga, Sawulo yali yaciziliza kuleta woga wuwaha so kuwawulaga wejizwa wo Muwaha. Yakabita kuli Mukohani muwaha,

2 Wakolinto 10:1

Ane yo nene no mweneco Pawulo, mono nghwijela nili mupolo lono nili hamonga nanye, ninga ho nili mukali lono nili kutali nanye, nghumunenenyi ko lusungu no wuswanu wa Kilisito.

Wagalatiya 5:23

wupolo no wiyimile. Hasina u Wulajilize wono wukusuma kuzimila zizi.

2 Watesalonike 2:8

Ale baho ho yuyo nayo u Mubi ho kolokwijelela, ninga u Muwaha Yesu kolo yakuza, kolomuwulaga ko muhe wo mulomo wakwe, no kumwajiliziza lukulu ko wung'alale wo wuze wakwe.

Tito 3:2

Wuwalonjelaje vyono walece kumuliga munhu wo wose, langa wekalaje welamuye akuno wakwiyihulika, kanyhi weze wapolo kuli wanhu wose.

Yakobo 3:13

Ma, nani mono yena mahala no wizuce muli nyenye? Ale, yayilajilaje ta inghani yiyi, mu mikalile yakwe miswanu, na mu metumo gakwe maswanu, gono ganozwaga mu winenenyhezi ne mahala.

Wugubule 1:16

Na mu muwoko wakwe wo kulume, yakawa yadinghuye nyelezi mupunghati, na mu mulomo wakwe, mukalawa mumaje mukali kose kose. No wusu wakwe wang'alalaga nhe lizuwa likali.

Wugubule 19:11

Nghawona wulanga wugubuce, na kuko kukawa na fwalasi yinji nzelu swee, na mono yali yapandile mucanyha yayo, yacemwaga “Mwihuwilwa”, ne “Mbeka”. Yuyo mwene kehomaga ku soko ye ling'ani.

Wugubule 19:15

No mumaje mukali wukulawa mu mulomo wakwe, nayo kowasumila, we makungugo, u mumaje wuwo. Nayo yo mweneco mono kotema muli wene ne nghome ya cuma, akuno yakuminyila idivayi mu ciya co kuminyila zizabibu ze likuwo liwaha lyo Mulungu u Mudaha Vyose.

Wugubule 2:16

Holeka wunene wubi wuwo kanyhi wuwulece. Na hono wulece kunoza nhavivyo, ale nokuza kuli'gwe mbela mbela, nane nokwihoma ne wanhu wawo ko mumaje wono wukulawa mu mulomo wangu.’