Isaya 11:3 - Luganuzi Luswanu Kuli Wanhu Wose 2002

³ Nayo kowona wendezwe muno mu cihuliko ca muli mwene. Hamba no wuling'anizi wakwe, sikoling'aniza so zinghani zono kolowona ne meso, hamba zono kolohulika kwe makutu gakwe.

Isaya 11:3 ပူးပေါင်းရင်းမြစ်များ

2 Samwili 14:17

Sunga nalu, nitumbiye nha vyono wihuwizo wako womhonya, hambi mutemi, nha yehwanile malayika wo Mulungu, nayo yakusuma kuhagula i ziswanu mu zimbi. Holeka Muwaha Mulungu u Mulungu wako, yawezane nagwe!’ ”

2 Samwili 14:8

Mutemi yakamutya, “Ale hodu mudala wuwuye kukaya kwako, nane noyilanjilila nghani yiyi.”

1 Watemi 3:28

Nawo i wanhu wa Isilayeli wali weza kuhulika zo wuling'anizi wo mutemi Solomona, wose wakawa na cogopo ciwaha muno kuli mwene. Hambi wose nha wakamanya vyono, Mulungu yo yamupelile mahala go kuling'aniziza zinghani viswanu.

1 Watemi 3:9

Holeka nghukunena wumhele mahala. Hambi nha nghuhila niwateme wanhu wako mu ling'ani, kanyhi sume kumanya zimbi ne ziswanu. Hambi 'ne nosuma wule kuwatema wanhu wako wenji muno wono wenha wawa?”

Jobu 12:11

Alu nha vyono zinimi zenyu zisangalalaga lono zikujeza ndigwa, Ale nhavivyo ne makutu genyu nago, gakuwa kusangalala lono gakuhulika nghani.

Jobu 34:3

Hambi likutu nha lijelaga zinghani, Ndigwa swanu yimanyikaga lono wukuyijeza.

Zimbazi 2:5

Na hono wulondole wuhidimbaye, kosuma kuyimanya nhunizo ye cogopo co Muwaha Mulungu, nagwe baho, ho kosuma kuzimanya za kuli Mulungu.

Zimbazi 2:9

Holeka, hono wuhulicize 'ne, baho ho komanyila zono zili mugoloka, na ze ling'ani, kanyhi swanu. Kanyhi kosuma kuzimanya zono zikunojeye witume.

Isaya 33:6

Kanyhi koyipela wusikame mu nghungugo. Kanyhi kowa kuwadima wanhu wakwe nhondo zose, no kuwapela mahala hamonga no wizuce. Ne cogopo co Muwaha Mulungu, yolowa yo sawo yawo mbaha.

Ezekiyeli 45:8

Ne hanhu baho, lyowa lye 'gawo du lyono lyowa lyo lyo mutemi, mu yisi ya Isilayeli. Nayo ho yalece kuwewonela wanhu, nayo koyileka yisi yose, yiwe sawo ye zimhuga ze wanhu wa Isilayeli du.

Mika 4:3

Nayo kologalamula makungugo, muli makungugo ge vilungo, gono gali behi na gono gali kutali. Nawo wolotyana mimaje yawo yiwe masili, ne migoha yawo yiwe hengo zo kutemanjila. Ne makungugo, si golokwihoma yaye, hamba kwiwikaniza hamba kwiyijiza kanyhi zo wulugu.

Luka 2:52

Nayo Yesu yakajendelela mu mahala no wuwiluce, nayo yakacila kwendwa no Mulungu ne wanhu.

Yohana 2:25

Holeka kwali kusina soko ya yunji yamulonjele zono zili muli wene, hambi nha yali yazimanyile mweneco zose zono zili mu zinhumbula zawo.

Yohana 7:24

Mulece kuling'aniza so wulanga za munze du, langa mweze kulavya ning'aniza ye mbeka.”

Wahebelaniya 5:14

Ninga i ndigwa i nghavu, yiwanojeye i wanhu wono wakangaye, wono wakusuma kuzitanga no kuzihagula i ziswanu ne zimbi.

1 Samwili 16:7

Ninga Muwaha Mulungu yakamutya, “Gwe Samwili, wulece kulanga wutali wakwe no wuswanu wakwe we mumbwa. Ane namulema, hambi ane nha si nghulanga nha vyono wanhu walangaga. Hambi munhu nha kalangaga za kunze du yo muwili, ninga ane nangaga nhumbula.”