Isaya 11:1 - Luganuzi Luswanu Kuli Wanhu Wose 2002

¹ U wityatye we ndelo ye citemi mu mhuga ya Dawudi, wihwanile no mubici wono wadumulwa, ninga lisina lyayo, likutula kanyhi manhambi ganji. Holeka mutemi mupya kololelwa muli wawo i wana wa Dawudi.

Isaya 11:1 ပူးပေါင်းရင်းမြစ်များ

2 Samwili 23:3

Mulungu wa Isilayeli yalonga, u mudimi wa Isilayeli yanonjela yakatya, ‘Mutemi mono katemaga kwe ling'ani, mono katemaga mu cihuliko kuli Mulungu,

1 Zinghomo 2:12

Obedi yakamulela Yese.

Zabuli 145:11

Kanyhi wokwanza, zo lukumyo lo wutemi wako, no kwanza ze vilungo vyako.

Isaya 11:10

Ne lizuwa lyolokuza, lono mutemi mupya, mono kololawa mu wityatye we mhuga ye citemi ya Dawudi, kolowa citanjilo kuli makungugo. Makungugo golokwihanguliziza hamonga kwi'kaya lyakwe lyo wutemi, no kumupela lilumbo.

Isaya 4:2

Vilo vikuza, lono Muwaha Mulungu kolovinoza vilimwa vyose vya mu'si, hamonga ne mibici yose, viwiluce viwe kwendeza. Nawo i wanhu wa Isilayeli wono wopona, wolosangalala no kwilumbila mu vilimwa vya mu'si.

Isaya 53:2

Hambi nha wali wo wuhile wo Muwaha Mulungu, u mwitumami wakwe yawiluce nhe cilimwa cono cihimbize milela mu yisi nghavu. Yasina futa hamba wuswanu ho cimulanje, hakawa hasina cinji ciswanu muli mwene, hamba cono cocikwega nase ho cimulanje.

Isaya 6:13

Hamba yiwe mu wanhu yikumi, yikumi, yasigale munhu monga monga, mu yisi, yuyo nayo kokongomezwa du. Kokwihwana lisici lyo mubici wo munghola lyono lyakondya kutemangwa.” (Lisici likuwa nha wo mwamulizo mupya we wanhu wo Mulungu.)

Isaya 9:6

Hambi nha calelelwa mwana! Capegwa mwana wa cilume! Nayo yo kowa yo mutemi wetu. Ne litagwa lyakwe kocemwa, “Mwijizi wo Wizine, Mulungu mono yali Vilungo.” “U sogo yetu we Cibitilila, Mutemi wo Mulamu.”

Isaya 9:7

No wuwaha wo wutemi wakwe, wojendelela kuwiluka no wutemi wakwe, wowa kwikala wa mulamu nhondo zose. Mwene kolohala u wutemi wose wo mutemi Dawudi, ho no kutema mu wutemi wakwe, kuwusikamya no kuwukamisa mu wiling'ano ne ling'ani ku wulawa lulu, sunga ne cibitilila. Nayo Muwaha Mulungu we mihanga, kohidimbala sunga yazitume zose zizi.

Yelemiya 23:5

Alu u Muwaha Mulungu yakutya nhavi, “I vilo vikuza, vyono nene no mweneco, nolokwihagulila u mutemi we ling'ani mu wulawa mu lulelo lwa Dawudi. No mutemi yuyo kolotema kwe mahala, kanyhi kolowa kwituma ze ling'ani na zo mugoloka mu yisi yose.

Yelemiya 33:15

Na mu vilo vivyo, nolomuhagula mutemi we ling'ani, mu wulawa mu lulelo lwa Dawudi. No mutemi yuyo, kolo kwituma ze ling'ani na zo wiling'ano mu yisi yose.

Ezekiyeli 17:22

Azi zo yakuzilonga u Muwaha Mulungu yakutya, “Nocisola cisonje co mubici wo muhagata. Nicibene i cinhambi cayo cidece. Nghacihadice mucanyha ye litunda litali muno.

Ezekiyeli 37:25

“Nawo wolokwikala mu yisi yono namupela mwitumami wangu Yakobo, i yisi yono wekalaga walezi wawo. Nawo wolokwikala mu yisi yiyo cibitilila, wene ne wana wawo, hamonga ne wana we wana wawo. No mutemi mono yehwanile u mwitumami wangu Dawudi, yuyo yo kolotema muli wene cibitilila.

Mika 5:2

Muwaha Mulungu yakutya, “Agwe Betelehemu Efulata, agwe yo gwegwe wuli cikaya cidodo mu Yuda, ninga nomuhagula yunji ku wulawa muli'gwe mono kowa mutemi wa Isilayeli, mono wulawo wakwe wo we katali na katali.”

Zakaliya 3:8

Wuhulicize 'gwe Yoshuwa, agwe yo gwegwe mono weza wuli Mukohani Muwaha. Nanye nyo wakohani wayagwe, i watyatyi wakwe, muhulicize, anye yo nyenye mono muli citanjilo ce ziswanu zose zono cikuzilanjilila. Nomulajila calinze u mwitumami wangu, mono kacemwaga Inhambi!

Zakaliya 6:12

Wumulonjele wutye, u Muwaha Mulungu we mihanga yakutya, “U munhu mono yakucemwa yinhambi yo kocindika baho kanyhi yo kozenga ne nyumba yo Mulungu no kumugomolela Muwaha lilumbo lyakwe.

Matayo 1:1

U wityatye we ndelwa ya Yesu Kilisito mono yali we ndelwa ya Dawudi, wa mu ndelo ya Abulahamu. Na awuno ahano wo wityatye we mhuga yakwe vyono yinha.

Walumi 15:12

Kanyhi Isaya yakutya: “Kolokwijela munhu mu lulelo lwa Yese nayo kolotema muli wanhu wono si Wayahudi nawo wolomwitumamila.”

Wahebelaniya 7:14

Langa yimanyice calinze vyono u mwene yalelelwa mu mulango wa Yuda yono Musa si yawutambula lono yalongaga muli ze wakohani.

Wugubule 22:16

Ane yo nene Yesu, nimutuma malayika wangu, yamuhomelelenyi i zinghani zizino mu makanisa. Ane nili wo lulelo lwa Dawudi: Ane yo nene i nyelezi i mwacinghunghu, yono ying'alalaga ya hakali mitondo!

Wugubule 5:5

Hanyuma yumonga wa muli wawalya wawaha yakanonjela yakutya, “Wulece kulila! Wulanje ta! Simba wo mulango wa Yuda, wo lulelo lwa Dawudi, yakondya kusuma. Nayo yo kosuma kuvibena vinamatizo vivyo mupunghati, no kucigubula cico citabu.”

Lutu 4:17

Nawo i wacekulu wekalani wayagwe, wakamucemela umwana litagwa lya Obedi. Nawo wakawa kuwalonjela wanhu wose nha vyono lu, u mwana we cilume kalelwa kuli Nawomi. Obedi yakawa yo sogo wa Yese mono yali sogo wa Dawudi.

1 Samwili 17:58

Sawuli yakamuwuza Dawudi yakatya, “Agwe muzelelo, alu wuli mwana nani?” Dawudi yakamupitula yakatya, “Ane nili mwana wo mwitumami wako Yese munya ku Betelehemu.”