Isaya 10:4 - Luganuzi Luswanu Kuli Wanhu Wose 2002

⁴ Hambi wose nha mowulajilwa ku wulugu, hamba mosolwa nhe wafungwa. Ninga hamba nhavivyo, likuwo lyo Muwaha Mulungu, si lyoduma ng'o, langa kojendelela kuwugolola muwoko wakwe ho yalipicize.

Isaya 10:4 ပူးပေါင်းရင်းမြစ်များ

Isaya 22:2

Hambi nha nghuwona likaya lyose limemile sasamo ya nyhenze ne nyemo mbaha. I wanhu wako wono wafwa mu cipango co wulugu, si wawulagwa no wulugu yaye.

Isaya 24:22

Mulungu kolowakonghola hamonga watemi wose nha wafungwa wono wali mwi'kweme. Kolowadindila mu jela wekale mumo, sunga lizuwa lyawo lyo wulipicizwe lize lifice.

Isaya 34:3

Kanyhi ne mivimba yawo, si yolozikwa yaye, langa yololekwa yiwole no kulavya munungho mubi. Ne matunda gose, golodunghuwala so sakami.

Isaya 5:25

Alu u Muwaha Mulungu, yakondya kuwakolelwa likuwo wanhu, wakwe, nalu yagoloye muwoko wakwe ho yawalipicize. Matunda golosinjisika, ne miwili ya wono wafwiye, yololekwa yipinile mu zinzila nha takataka. Ninga hamba nhavivyo, i likuwo lyo Muwaha Mulungu, hamba si lyolomalika yaye, u muwoko wakwe vyo wowa wugoloywe du, ho yajendelele kulavya wulipicizwe.

Isaya 66:16

Nayo kolowalipiciza ko moto no mumaje, i wanhu wose wa mono'nze, wono yakuwawona wasutyi, na wenji wolowulagwa.

Isaya 9:11

Holeka Muwaha Mulungu kowakulujiza walugu wawo wawahome.

Isaya 9:12

Nawo Waashuli kono lubavu lwa kucilima, ne Wafilisiti kumwezi, wose wahame milomo yawo, wawamele Waisilayeli. Ninga hamba nhavivyo likuwo lyo Muwaha Mulungu, si linadumuka yaye, nayo vyo yakali yagoloye du muwoko wakwe ho yalipicize.

Isaya 9:16

Nawo wono wakuwatonga i wanhu wawa, wakuwajiliza nzila, nawo wono wakulongozwa nawo nhavivyo wakwajiliza.

Isaya 9:17

Holeka nayo Muwaha Mulungu, hamba si kowaleka wazelelo wapone yaye. Kanyhi hamba si kowawonela lusungu i wacekulu wafwile, hamonga ne wana wono wasina walezi wawo. Hambi i wanhu wose nha weza wahodanji kanyhi wabi. Sunga na zose zono walongaga, vyo 'mbi du. Hamba nhavivyo likuwo lyo Muwaha Mulungu si lyoduma yaye, ninga muwoko wakwe wowa wugoloywe du ho yalipicize.

Isaya 9:20

Ne wanhu wose wa mu yisi yose munhu wo wose, kosuma kukwepula no kulya cinhu co cose cono yakuwona, soko du hono ciwe cikuwa kuligwa. Ninga hamba nhavivyo, si wakwiguta yaye. Sunga nhondo wowa kulya sunga ne wana wawo.

Isaya 9:21

Nawo i wanhu wa Manase na wa Efulayimu, wokwihoma weneco wose. Ninga kanyhi hanyuma, wokwilunza wayihome Yuda. Ninga hamba nhavivyo, likuwo lyo Muwaha Mulungu si lyoduma, yakali yawugoloye muwoko wakwe du ho yalipicize.

Yelemiya 15:2

Nawo kolo wakukuwuza vyono wabite hayi lo, nagwe wuwalonjele zono ane nonjile, nitya, Woyi hee, hambi wanji nha wofwa ne matamwa, na kuko ko wobita! Woyi hee, wanji wofwila ku wulugu, na kuko ko wobita! Woyi hee, wanji wofwa ne lizala, na kuko ko wobita! Woyi hee, nawo wanji wosolwa wategulwe kutali nha wafungwa, nawo kuko ko wobita!

Yelemiya 37:10

Hamba wutye wuwasumilize lipuga lyose lye wasilikale we Cibabiloni, wasigale wasilikale wono wena zinghomele, nawo wawe wagonile du mu mahema gawo, wumanye vyono, wanhu wawo wo wolokwinuka hanyuma, walipembele moto likaya lili lyongomelele lukulu.”

Yelemiya 4:8

Holeka luno, muvwale magunila, mulile ko wusungu wuwaha. Ku soko vyono likuwo liwaha lyo Muwaha Mulungu, likali si nawaleka i wa Yuda.

Hoseya 9:12

Hamba waze watuje wana, ane nolowawulaga. Sinolomuleka hamba yunji yekale mumi. Na lono niwe nawaleka wanhu awa, mbeka nghani 'mbi yolowagana.”

Walawi 26:17

Nane nomulecenyi, walugu wenyu wamusumizenyi, na wono wakumusulenyi, wo wolotema muli'nye. Nanye molokogofywa muno muno, sunga muwe manghanga caka, na lono hasina munhu mono yakumuwinjenyi.

Wukumbucize wo Wulajilize 32:30

Hamba kumanya vyono wali wanhu elufu monga, ninga munhu monga du kawasuma. Na wanhu elufu yikumi wasumwa na wanhu wejete du? Muwaha Mulungu, u Mulungu wawo, yakondya kuwaleka, Mulungu wawo we vilungo, yakondya kuwagumila.