Isaya 10:34 - Luganuzi Luswanu Kuli Wanhu Wose 2002

³⁴ Nayo Muwaha Mulungu, kowadumula wagwe nhe mibici, yono yili haciligati ye mbago, vyono yikuwa kutemangwa ne nhemo yiwa kugwa hasi, nha vyono ne mibici miswanu ya Lebanoni yose yogwa!

Isaya 10:34 ပူးပေါင်းရင်းမြစ်များ

Zabuli 103:20

Nanye nyo wamalayika mono muli vilungo, mumukumye Muwaha Mulungu, mukumyenyi anye mono mwibate ze malajilizo gakwe, mono mwibate ne nghani yakwe!

Isaya 10:18

Nayo mbago ye nhojo, hamonga ne migunda miswanu, vyose vyolohodanjilwa lukulu, nha vyono litamwa libi, limuhodangaga munhu.

Isaya 2:13

Koloyibenanjiza ne mibici yose mitali ye mihagata yono yili ku Lebanoni, sunga ne mibici yose ye minghola, yono yili mu yisi ya Bashani.

Isaya 31:8

Nayo yisi ya Ashuli, yolokongomezezwa lukulu mu wulugu, ninga si kwe vilungo vyo munhu yaye. Nawo Waashuli wolotiza ku wulugu wuwo. Ne wazelelo wawo, wolonozwa wawanda.

Isaya 33:9

Alu yisi yakondya kulekwa, nayo yikusocela. Ne mbago mbaha ya Lebanoni, yanyala. Sunga ne lilolo lya Shaloni lyo moso mwinji, nalyo lyeza nha nyika. Namo mu Bashani na mwi'tunda lya Kalimeli, nhondo ne mahamha geza kukung'unhika mu mabici gayo.

Isaya 37:24

Agwe wukatuma wetumami wako, waze kono kwangu wanyidunhumulile ku soko ye matuka gako gose go wulugu, wukutya, vyono agwe wagasuma matunda matali ga Lebanoni. Kanyhi wukwikumya nha vyono wagatemanga mabici matali go muhagata, hamonga ne misonobali yayo miswanu. Kanyhi na vyono wenjila sunga mo muciligati muno muno ye mbago.

Isaya 37:36

Lolulolulo malayika wo Muwaha Mulungu yakawa kubita ku nghambi ye Waashuli, yakawa kuwawulaga wasilikale we Waashuli waficile elufu yigana limonga na makumi munana na yihano. Na mwizuwa lye kejete, hakali mitondo muno muno, wasilikale wose we Waashuli wakawa wakondya kufwa!

Yelemiya 22:7

Hambi nha notuma wanhu wabite wakayongomeze, ne wanhu wawo, woteguliza hamonga ne zinhemo zawo, wakayitemanje ne mihagata, i mibici yayo miswanu muno, wayipembele mu moto.

Yelemiya 48:2

No lukumyo lwa Mowabu, lwakondya kuwuka. Nawo i walugu wakondya kuyiteka Heshiboni, nalu wakwiwikaniza, ho yalyongomeze likungugo lya Mowabu. Nago i makaya ga Madimeni gonyamazwa twii. Hambi ilipuga lye wasilikale nha lyokuziza.

Ezekiyeli 31:3

Agwe, nghuwona wihwanile no mubici wo muhagata wa ku Lebanoni, wono wina manhambi gono gena mubeho muswanu, U mubici mutali muno wuficile ko ku mavunde.

Danyeli 4:23

Na lono agwe mutemi, wali wulanjiliye, Malayika yakatima kulawa ku wulanga, na hanyuma yakatya, ‘Dumulenyi mubici wugwe, hanyuma muwupilulaje. Langa mulece lisina mu muhangha. Muliwopeceze no munyolo we cuma, ne shaba yeze yipilime munyolo, mulilece kuko kwi'lolo lyono lina mahanze madece; Mumulekaje baho munhu yuyu, yatuje malenga ge buhe ya ku wulanga; Mumulece yekale hamonga ne malimu myaka mupunghati.’

Nahumu 1:12

Azi zo yakulonga u Muwaha Mulungu kuli wanhu wakwe Waisilayeli yakutya, “Hamba yiwe Waashuli wali vilungo kanyhi wenji, ninga wene wohodangwa no kuwusizwa lukulu. Heya nyo wanhu wangu, nghamunozenyi mugaye, ninga sinomutendelenyi kanyhi nhavivi.

2 Watesalonike 1:7

nayo komupelenyi wuceho anye mono mukugazika, na sese nhavivyo. Nayo kokwituma i nghani yiyo mwidaha lyono u Muwaha kolokwijelela kulawa ku wulanga, hamonga ne wamalayika wakwe wawaha,

2 Petelo 2:11

Ninga wamalayika wono wena u wulajilize ne vilungo kuciza wawo iwejizi wo wulambi, siwawasitakaga no kuwaliganga wene wawo hamwande yo Muwaha.

Wugubule 10:1

Hanyuma kanyhi nghamuwona malayika yunji mono yali vilungo, yakutima ku lawa kuwulanga. Nayo yali muvwikwe yivunde, hamonga ne licilalyambwa lye mvula mu mutwe wakwe. Wusu wakwe wali wihwanile lizuwa, ne migulu yakwe yali yinha masumbili ga moto.

Wugubule 18:21

Hanyuma malayika yunji mono yali vilungo muno, yakenula libwe yiwaha, lyono lihwanile nho luzala luwaha lo kusajila, nayo yakaligumila mwi'lenga akuno yakutya, “Nhavivyo ne likaya liwaha lya Babiloni vyo lyogumilwa no kwajililila lukulu, hamba kwijela yaye.