Isaya 10:2 - Luganuzi Luswanu Kuli Wanhu Wose 2002

² Nayo yo yikuleka mukuwewajiza waciwa, mu zinghani zawo ze ling'ani, ho walece kutuga ling'ani yawo. Kanyhi na yiyi yo yikuleka mukuwasolela zisawo, i wacekulu wono wafwiliywe ne walume zawo, na ye wana wono wasina walezi wawo.

Isaya 10:2 ပူးပေါင်းရင်းမြစ်များ

Jobu 31:16

“Ane nghali si nalema hamba kamonga, kumutaza munhu muciwa hamba kuwaleka wacekulu wafwile wawe wekaye mu mahwele.

Zabuli 94:6

Wakuwawulaga i wacekulu wafwile, hamonga ne wajenzi, wakuwawulaga ne wana wono wasina walezi!

Wutuluce 23:6

“Wulece kuyiwajiza ling'ani yono yimunojeye u munhu muciwa mu calo cakwe.

Zimbazi 22:22

Wulece kumupujila muciwa, vyono agwe wina vilungo. Hamba kuwewonela vibi wono wakugazika ha mulango.

Zimbazi 30:14

Ko wali wanhu wanji, wono wawewonelaga waciwa, na wono wena wanjile, no kuwasolela vinhu vyawo, wakwitujila ndigwa yawo mu nzila yiyo.

Isaya 1:17

mwiyijize ku wituma ziswanu. Mwitume zo wiling'ano, muwataze wono wakwiwonelwa, muwapele ze ling'ani i wana wono wasina walezi, muwataze i wacekulu wafwile mu zinghani zawo.”

Isaya 1:23

Ne walongola wako weza wagaluci, nalu wakondya kwiyenda ne wahizi, alu weza wabocelaga vipegwa hamonga ne mafupo. Wakondya kuleka no kuwataza, i wana wono wasina walezi, mu zinghani zawo, hamba kuwahuliciza bwete i wacekulu wafwile mu zinghani zawo.

Isaya 29:21

Mulungu kolowongomeza wanhu wose wono wendile kuwasonjeza-sonjeza wayawo. Hamonga na wono wendile kuwahijila i wabeno lajilize, na wono wendile kulonga zo wulambi ho wawapamanjize iwanhu we ling'ani walece kunozezwa i ling'ani yawo.

Isaya 3:14

Muwaha Mulungu, yakuwacema wanyamhala we wanhu wakwe, hamonga ne walongola we wanhu wakwe, ho yawaling'anize. Nayo yakuwasitaka yakutya, “Yo nyenye mono mwapumha migunda ye mizabibu, ne zikaya zenyu, zimemile vinhu vyono mwawaboka waciwa.

Isaya 3:15

“Ninga hamba si yili ling'ani kuli'nye, ho muwabanghanize wanhu wangu ko kuwewonela waciwa. Ane yo nene Muwaha Mulungu u Mudaha vyose, u Mulungu we mihanga yo nizilonjile zizi.”

Isaya 32:6

Hambi u munhu mulele, nha kalongaga zinghani zo wulele du, kanyhi kekalaga yakwihwesa ku wituma zimbi du. Na zose zono ketumaga, na zono kalongaga, zose zibitile ku wutovula Muwaha Mulungu du. Kanyhi hamba si kawapelaga ndigwa wono wali nzala, hamba kuwapela malenga wono wena nyhilu.

Isaya 5:23

Na kanyhi so wulya mafupo wenyu, mukuwa kuwawopolela wanhu we masutya, no kuwemila ling'ani yawo i wanhu wono wasina masutya.

Isaya 5:7

Ale, wanhu wa Isilayeli, wo mugunda we mizabibu wo Muwaha Mulungu u Mudaha vyose, u Mulungu we mihanga. Nawo i wanhu wa Yuda, zo zabibu zono yazihadika. Nayo yali yetumbiye, nha vyono wokwituma zo wuhile wakwe. Ninga wene wakawa wawulaji. Yali yetumbiye nha vyono wokwituma ze ling'ani, ninga wanhu wakawa wakulila vyono si wakutendelwa ze ling'ani.

Isaya 59:15

Heya i mbeka yili hasina, na mono kalekaga zo wubi, kewonaga nha yabenile wulajilize.” Ninga Muwaha Mulungu yakondya kuziwona zizi zose, nayo hamba si yakwendezwa yaye lono yakuwona vyono hasina wiling'ano.

Yelemiya 7:6

Mulece kuwewonela wajenzi, hamba i wana wono wasina walezi wawo, hamba i wacekulu wafwile. Mulece kuwawulaga i wanhu wono wasina masutya mono yisi yiyi. Mulece kuyihemba milungu yinji, hambi zizo nha zo mongomezenyi bwete.

I Cililo 3:35

Kanyhi yamanyile na lono cikuzilema ze ling'ani zono yacipela.

Ezekiyeli 22:7

Kanyhi mwi'kaya, musina mwana hamba yumonga mono yawahulice walezi wakwe. Mukuwakoca-koca i wajenzi, no kwitujila cambuzi kuli wacekulu wafwile, na ku wana wono wasina walezi.

Amosi 2:6

Muwaha yakutya, “Wanhu wa Isilayeli, wetuma wubi kali kenji nane ku soko yiyo, nowalipiciza. Wawaguza ku wuwanda iwanhu wehuwilwa wono siwasuma kulipa migawa yawo, i wanhu waciwa wono si wali wasumile kulipa hamba uguzi wa malatu.”

Amosi 2:7

Wakuwewonela wanhu wono wasoceye, na wono wasina wutazi, no kumwivyajiza nzila muciwa. U munhu no sogwe, wose wakuhanga kugona no muhinza yumonga muwanda no kulyavufya litagwa lyangu lyono lyelile.

Amosi 5:19

Yolowa nha munhu mono yakumangha yakutiza simba, no kwitang'anila ne dubu! Hamba yolowa nha munhu mono yakwinjila mukaya, no kwegamika muwoko mwijinji, nzoka yiwa muluma!

Mika 3:1

Ale muhulicize, anye nyo walongola wa Isilayeli! Yinojeye kuli'nye muyimanye ling'ani,

Malaki 3:5

Muwaha Mulungu we mihanga yakutya, “Ane nolomuzizenyi so wuling'anizi, nane nowa muhomelezi mupelu kuli wono wendile kwituma zo wuhawi, na muli wasenyha, na muli wono walavyaga wuhomelezi wo wulambi, na muli wono wawapujilaga i wetumami wawo musahala wawo, na muli wono wawewonelaga i wafwile, ne wana wono wasina walezi wawo, ne wajenzi. Sunga na muli wose wono si wanyogopile 'ne.”

Matayo 23:13

“Woyi he kuli'nye mo wejizi wo Wulajilize ne Wafalisayo, mo wakoci! Mono mukuwadindila iwanhu u mulango wo Wutemi wa ku wulanga. Nanye mo weneco si mukwinjila mugati, kanyhi hamba si mukusaka kuwakombola wono wakusaka kwinjila ho wenjile. [