Isaya 10:12 - Luganuzi Luswanu Kuli Wanhu Wose 2002

¹² Kanyhi u Muwaha Mulungu yakutya nhavi, “Ninga nane kolo nakondya kuzinoza mwi'tunda lya Sayuni na mu Yelusalemi, nolomulipiciza u mutemi wa Ashuli ku soko yo widunhumuzi wakwe no wiwoni wakwe wose.”

Isaya 10:12 ပူးပေါင်းရင်းမြစ်များ

2 Watemi 19:31

Mwi'kaya lya Yelusalemi, hamonga na mwi'tunda lya Sayuni, mowa mowali wanhu wono wasigaye wono wopona. Hambi u Muwaha Mulungu nha yo yakuzinoza zizi.

Zabuli 18:27

Agwe kuwaponyaga wenenenyhezi, no kuwagwisa wedunhumuzi.

Zabuli 21:10

Lulelo lwawo lopatilwa lukulu mono'nze, ne wana wawo, si wolosigala mu wanhu.

Zabuli 76:10

Ne likuwo lye wanhu, likuletelaga lukumyo lono lucizize muno; nawo wono waponile ku wulugu, wowa kuzikumbucila zi sikukuu zako.

Zabuli 76:5

Na wono wena nhumbula ye vilungo, wabokwa mateka gawo, nalu wagonile zinhongo zawo zo mudumilizo, i vilungo hamonga no wunghula wawo wose, wuwa nghani ya bwete du.

Zimbazi 21:4

I wanhu wabi, watongwaga no wiwoni hamonga no widunhumuzi wawo. Ne nghani yiyi, wo wubi.

Zimbazi 30:13

Ko wali wanhu wanji, wono wewonaga waswanu, Lanje ta, vyono wakwidunhumula weneco!

Isaya 2:11

Kanyhi lizuwa likuza, lono wiwoni wo munhu wolomalika, no widunhumuzi wo munhu wolokongomezwa. No Muwaha Mulungu du, yo kolopegwa lukumyo yali wene.

Isaya 2:12

Na mwizuwa lilyo Muwaha Mulungu u Mudaha vyose, u Mulngu we Mihanga, kolowanyetya wose we vilungo, na wose i wewoni, hamonga ne wevuni wose.

Isaya 24:21

Nalyo lizuwa likuza, lono Muwaha Mulungu kolowalipiciza mapuga ge wawaha, gono gali kucanyha, hamonga ne watemi we yinze wono wali mono'nze.

Isaya 27:7

Hambi Waisilayeli nha si watuga wulipicizwe wuwaha nha vyono walipicizwa i walugu wawo, ne wanhu wa Isilayeli, hamba si wafwa wenji, nha vyono wafwa walugu wawo.

Isaya 27:9

Ninga wubi we Waisilayeli, wolonenelwa du, kolo wene wakondya kugatulanjiziza lukulu i mabwe ge vikumbicilo vye wanhu wono si wamumanyile Muwaha Mulungu, hawe hasina kanyhi vikumbicilo vyo kufusiza wuvumba, hamba vihwani vyo mulungu we cicekulu Ashela, vyono vikali visigaliye.

Isaya 29:14

Ninga nane nowatowa nhinicizo kali kenji. Na muli wanhu wawo we mahala, wolelepa, nawo wasugu, no wusugu wawo wowa wa bwete du.”

Isaya 33:1

Woyi he kuli'nye nyo walugu wetu! Hambi nye nha mwagaluka kanyhi mukahiza. Ninga anye hasina mono yamugalukajenyi hamba kumuhizizenyi yaye. Ninga zinghani zenyu zizo zo wugaluci, hamonga no wuhizi, vyose vyoloduma lwa kamonga du. Hambi nanye nha molowa kwihiziza no kwikonga nyenye wose.

Isaya 37:23

Alu mwene, wukwihwesa nani lo, mono wali kumutovulanga no kumwizwajiza? Agwe mbeka wawula cogopo kuli'ne, ane no Mulungu mono nelile wa Isilayeli.

Isaya 37:29

Ninga nane nakondya kuzihulika zizo ze likuwo lyako, hamonga no widunhumuzi wako. Ninga nane luno, nokutobola zimhula zako, nghuvwice ndobogo, hamonga no luzali mu mulomo wako. Hanyuma nghugomole mu nzila yi yilya kono walawilila.”

Isaya 5:15

Ne wanhu wose wolokozwa cevu, ne wewoni wose wolonyetywa.

Isaya 50:11

Nanye wose mono mwikalaga mukwihwesa zo wuhile wubi wo wuhodanga lilumbo lye wayenyu, nyenye yo mokwiyongomeza no wuhile wenyu wubi nyo weneco. Nayo Muwaha Mulungu yo kozinoza zizo ziwe nhavivyo. Nanye molotuga magayo mawaha muno muno.

Isaya 65:7

ku soko yo wubi wawo, hamonga no wubi we walezi wawo. Lanje vyono wakufusa wuvumba mu vikumbicilo vye wanhu wono si wamumanyile Mulungu, vyono vizenje mu vigongo visiwanulwe, no kunhovulanga. Holeka nane, nowalipiciza du nha vyono genha metumo gawo gono gapuluta.”

Isaya 9:9

Ne wanhu wose wa Isilayeli, wono wekaye mu Samaliya, womanya vyono Muwaha Mulungu yo yetumile zizi. Naluno wakwilumba no kwidunhumula, akuno wakutya,

Yelemiya 25:29

Nane nowanza u mulimo wangu wo kongomeza, nowanziza mwi'kaya lyangu no mweneco. Alo wene wakwihwesa nha vyono si wolipicizwa lo? Ng'o yaye, langa wolipicizwa du. Hambi 'ne, nha nowaletela wulugu i wanhu wose wono wali mono'nze. Vyo nghutya ane no Muwaha Mulungu, we Mihanga.

Yelemiya 50:18

Holeka ku soko ya zizo, ane no Muwaha Mulungu we mihanga, ane no Mulungu wa Isilayeli, nomulipiciza u mutemi Nebukadineza hamonga ne yisi yakwe, nha vyono namulipiciza u mutemi wa Ashuli.

Yelemiya 50:32

Ne likungugo lyako lyo widunhumuzi, lyokobala no kugwa. Na howa hasina hamba munhu monga mono kokutaziza yaye. Nogapembela moto makaya gako gose, ne vinhu vyose vyono vili mugati yayo, vyokongomezezwa lukulu.”

Ezekiyeli 31:10

“Alu ane no Muwaha Mulungu, nokulonjela zono zolowijelela u mubici wuwo wono wawiluka, wukafika ko ku mavunde. Vyono, mu nghango yono wacilaga kuwiluka, yo nghango kanyhi vyo wacilaga kwidunhumula so wutali wayo.

Ezekiyeli 31:14

Holeka ku wulawa lulu, sunga mu vilo vyono vikuza, hasina kanyhi mubici wo wose, hamba wumwajilwe viswanu muno malenga, wono wulawiluka wutalimhe kanyhi no kufika ko ku mavunde nha vyono wali u mubici wuwu. Hambi i mibici yose nha yofwa, nha vyono wanhu wafwizaga, no kwilunza na wono wakubita ku yisi ye wafu.”

Danyeli 11:45

Kologahoma sunga ne mahema gakwe mawaha muno ge citemi-temi, haciligati ye lilenga ne litunda lyono lizenjigwe Nyumba yo Mulungu. Ninga hamba nhavivyo, vyo kolofwa du, na holowa baho, hasina hamba munhu wo wose mono kolomutaza.”

Danyeli 4:37

Nene Nebukadineza, nghumulumbiza no kumupela cogopo, hamonga no lukumyo, u mutemi wa ku wulanga. Hambi zose zono ketumaga, nha za mbeka, kanyhi ze ling'ani. Kanyhi yo kamunyetyaga munhu wo wose mono yakwikumya.”

Wuwale 24:24

Ninga i wanhu we cibano, wolokuziza mwi'lenga wakulawa Kupulo. Nawo woloyisumiza Ashuli hamonga na Ebeli. Ninga nawo wongomele wawo we cibitilila wolowaziza.”

Matayo 12:33

“U mubici hono wuwe muswanu, sunga ne mikalo yayo nayo yowa miswanu, na hono wuwe mubi, ne mikalo yayo yowa mibi. No mubici nawo wumanyicilaga mu mikalo gayo.

Matayo 15:19

Ku soko mu nhumbula yo munhu nha momulawaga i mahweso mabi gono galetaga no wuwulaji, kanyhi, mulawaga u wusenyha, wuhizi, wuhomelezi wo wulambi, ne maligo.

Wukumbucize wo Wulajilize 32:27

Ninga hamba nhavivyo, si nolowaleceleza i walugu wawo waze welumbe, wawe kutya wawasuma wanhu wangu. Na kumbe nene no mweneco yo nizinozize zizi zose.’

1 Petelo 4:17

I cidaha co wuling'anizwe nha cakondya kuza, no wuling'anizwe wuwo, wukwamulila kuli wanhu wo Mulungu mweneco. Na hono wulinga'nizwe wuwo wamulile kuli sese, co weneco, alu ma, i ndumo ya wawalya wono siwehuwilaga u Luganuzi Luswanu lo Mulungu, ho yolowa wule?