Isaya 10:1 - Luganuzi Luswanu Kuli Wanhu Wose 2002

¹ Woyi hee kuli'nye! Mono si mukunoza ling'ani langa mukuwewonela wanhu wangu.

Isaya 10:1 ပူးပေါင်းရင်းမြစ်များ

1 Watemi 21:13

Ne wanhu wejete wakamuhomelela calinze nha vyono kamutovula Mulungu hamonga no mutemi. Hodu hobaho wakamutegula kunze ye likaya, wakawa kumutowanga ne mabwe sunga yakafwa.

Zabuli 58:2

Hamba hadodo! Anye langa mwikalaga mukwihwesa, zo wituma zimbi du nhondo zose, kanyhi yo nyenye mono mukuleta, nghani ze mewonezi mu'si.

Wutuluce 23:3

Kanyhi wulece kumuhijila mbejele u muciwa mu calo cakwe.

Wutuluce 23:6

“Wulece kuyiwajiza ling'ani yono yimunojeye u munhu muciwa mu calo cakwe.

Isaya 29:21

Mulungu kolowongomeza wanhu wose wono wendile kuwasonjeza-sonjeza wayawo. Hamonga na wono wendile kuwahijila i wabeno lajilize, na wono wendile kulonga zo wulambi ho wawapamanjize iwanhu we ling'ani walece kunozezwa i ling'ani yawo.

Isaya 3:11

Ninga woyi he, kuli wanhu wabi, hambi nha wolopegwa wulipicizwe, nha vyono wene nawo wawatendelaga vibi wayawo.

Isaya 3:14

Muwaha Mulungu, yakuwacema wanyamhala we wanhu wakwe, hamonga ne walongola we wanhu wakwe, ho yawaling'anize. Nayo yakuwasitaka yakutya, “Yo nyenye mono mwapumha migunda ye mizabibu, ne zikaya zenyu, zimemile vinhu vyono mwawaboka waciwa.

Isaya 5:11

Woyi he, kuli nye! Mono mwendile kwilawa hakali mitondo, muwa kutyatya zo wugalo 'jimbi, mono mugonaga cilo cose, muli mu wugalo 'jimbi.

Isaya 5:18

Woyi hee, kuli'nye! Mono si mukusuma kwileka no wubi wenyu.

Isaya 5:23

Na kanyhi so wulya mafupo wenyu, mukuwa kuwawopolela wanhu we masutya, no kuwemila ling'ani yawo i wanhu wono wasina masutya.

Isaya 5:8

Woyi he kuli'nye! Anye mono mugulaga zikaya ne migunda, muwa kwiyonjelezeza muli vyono mwina navyo. Sunga nhondo hawa hasina hamba cilejeho co kwikala munhu yunji, nanye muwa kwikala muli wene du mu'si.

Isaya 59:13

Cakubeza, cikakulema, si casaka hamba no kukutyatya bwete. Kanyhi cikuvumila nha vyono mbeka cawewonela wanji, kanyhi cikakuleka. Mbeka mahweso getu mabi, ne zinghani zetu zose za wulambi.

Isaya 59:4

Mwendile muno kubita mu mahakama, ninga kuno ho musina ling'ani yo yose ku lubavu lwenyu. Hambi anye nha mwitumbilaga wulambi wenyu du, ho musume calo cenyu. Mwikalaga mwina mahweso go wutamisa wayenyu du.

Yelemiya 22:13

Woyi, hee! Kuli munhu mono yakuzenga kaya yakwe mu nzila yono si ye ling'ani, no kuyonjeleza yiwe mbaha, mu nzila yono si ye ling'ani. Mono kawetumyaga i wanhu wanji bwete, hamba kuwalipa musahala wawo.

Amosi 2:7

Wakuwewonela wanhu wono wasoceye, na wono wasina wutazi, no kumwivyajiza nzila muciwa. U munhu no sogwe, wose wakuhanga kugona no muhinza yumonga muwanda no kulyavufya litagwa lyangu lyono lyelile.

Mika 6:16

Na zizi zolomuzizenyi ku soko vyono mwagatyatya metumo mabi go mutemi Omuli, na go mwanagwe mutemi Ahabu. Vyono mukujendela mu zinghani zawo, holeka nane nomutegulenyi sunga ko ku wongomezwe, ne wanhu wose womubedegalenyi, no kumwitumilenyi vyono wakuhila.”

Habakuki 2:12

Woyi hee kuli'nye! Mwalisimya likaya ko wavu, mukalizenga ko wuwulaji.

Habakuki 2:15

Woyi hee kuli'nye! Anye mono mwi'kuwo lyenyu, mukawanoza wayenyu wabedegalwe no kuwakoza cevu, kanyhi mukawanoza wakawa kupebesuka-pebesuka nha wanhu wono wagalile wujimbi.

Habakuki 2:19

Woyi hee kuli 'nye! Mono mulilonjelaga libici mukutya, “Usinhuce!” Hamba kwi'bwe lyono si likulonga mukutya, “Winuce!” Alo mukwihwesa vyono cihwani cosuma kumugubulilenyi nghani yo yose lo? Heya, cidahile kuwa cihiliwe ne fweza hamonga ne zahabu, ninga hamba nhavivyo vyo cisina wumi du.

Habakuki 2:6

Ninga iwanhu wono wakuwasuma, nawo wolowazwajiza wono wawasumize, kanyhi wolowabedegala. Wolotya, “Mwavisolaga vyono si vyali vyenyu, ninga 'lu woyi hee kuli'nye! Hamba mojendelela wule 'lu kanyhi, mu wugoli wono mwetujila mu nzila yo kuwadaya kwa vilungo wono wali wakopile kuli'nye ho wamulipenyi?”

Habakuki 2:9

Woyi hee kuli nye! Mono mwazigolifya zimhuga zenyu ne sawo yono muyibocile kwe vilungo, akuno mukuzinoza zikaya zenyu ziwe zipolile zisina mbali!

Matayo 11:21

“Woyi he, kuli'gwe go Kolazini, woyi he, kuli'gwe, go Betesayida. Hambi i mapoto gono ganozezwa kuli'gwe, hono gali ganozezwe ku Tulo na Sidoni, iwanhu wa mumo mhali wavwala katali vivwalo vye magunila, no kwibaka i mavu, ho walajile vyono wanena.

Matayo 23:23

Woyi he kuli'nye mo wejizi wo Wulajilize ne Wafalisayo mo wakoci! Mono muwalifyaga iwanhu, zaka sunga na mu mahamha ge mhunjile swanu, ne binzali, ne zi nyanya, na akuno mukuzileka izinghani zimbaha zono zili mu Wulajilize, nha vyono iling'ani, lusungu no wihuwilo. Azi zo zali zinojeye anye muzikamise muno muno, hamba kuzisemwa azilya zinongozi.

Matayo 23:27

“Woyi he, kuli'nye mo wejizi wo Wulajilize ne Wafalisayo mo wakoci! Anye, mono mwihwanile vitenjelo vibakwe swakala, vyono kunze vijelaga viswanu muno muno, ninga mugati, mbeka vimemile mafupa ga wono wafwa, ne takataka yose.

Matayo 23:29

“Woyi he, anye mo wejizi wo Wulajilize ne Wafalisayo, mo wakoci! Hambi nha muzengaga ivitenjelo vye wawizi, no kuvihamba ivitenjelo vye wanhu waswanu.

Matayo 26:24

Heya u Mwana wo Munhu yakubita, nha vyono i Mandiko Gono Gelile gakulonga, ninga woyi he, kuli munhu yuyo, yali yiwe yili ciba hono yali yalece kulelwa.”

Luka 11:52

“Woyi he mo wejizi wo Wulajilize! Hambi nha mwawuhundika wufunguwo wo mulango we mahala, nyenye mo weneco si mwenjila, na wono wenjilaga mwawemila walece kwinjila.”

Yohana 19:6

Nawo Wakohani wawaha, hamonga ne wanyamhala waza kumuwona Yesu, wakawa kuzoza, wakutya “Mumutumbice mu Musalaba, Mumutumbice mu Musalaba si.” Pilato yakawatya, “Ale, mumusolaje nyenye le, mukamutumbice mu Musalaba, ninga ane singhuwona lisutya muli mwene.”

Yohana 9:22

Ninga i walezi wakwe walonga zizi, vyono wawogopaga iwalongola we Wayahudi, hambi iwalongola wawo nha wali walagane vyono, munhu wo wose mono komuvumila vyono Yesu yo Kilisito, yawinjilwe kunze ye nhang'anilo yo wuhembelo.

Yuda 1:11

Woyi he! Iwanhu wawo wakugatyatya i metumo ga Kayini. Nawo weyinjiza mu masutya ga Balamu ku soko ya wenda pesa. Wakondya kuwa wabezi kotya Kola vyono yali mubezi, wakondya kongomezwa nha vyono Kola yongomezwa.