Isaya 1:9 - Luganuzi Luswanu Kuli Wanhu Wose 2002

⁹ Na hono Muwaha Mulungu u Mudaha vyose, u Mulungu we Mihanga yali yalece kusigaza mumo wanhu wanji womi, mbeka, mhali Yelusalemi yongomezezwe lukulu, nha vyono Sodoma na Gomola zongomezwa.

Isaya 1:9 ပူးပေါင်းရင်းမြစ်များ

Mwamulizo 18:26

Nayo u Muwaha Mulungu yakamupitula Abulahamu yakamutya, “Hono niwagane wanhu waswanu makumi mahano kuko ku Sodoma, hodu nolileka likaya yitelevu ku soko ya wawo.”

Mwamulizo 18:32

Kanyhi Abulahamu yakatya, “Nghukunena Muwaha, wulece kukolwa ne likuwo, nane nolongana nagwe nghanghulo monga du. Ma na lunji wokwijela wali 'kumi du?” Nayo Mulungu yakatya, “Sinosuma kulyongomeza likaya, hono wejele mumo wali kumi du.”

Mwamulizo 19:24

Baho u Mulungu nayo yakawa kutonyeza cibiliti no moto mu Sodoma na Gomola ku wulawa ku wulanga.

1 Watemi 19:18

Hamba nhavivyo, nane nosigaza wanhu elufu mupunghati mu Isilayeli, wono wanyogopile nene, kanyhi wono si wamuhembaga Baali, hamba kucinonela ne cihwani cayo.”

2 Watemi 19:4

Hambi u mutemi wa Ashuli, nha kamutuma mwitumami wakwe mulongola, yaze yamutovule Mulungu mumi. Holeka Muwaha Mulungu, u Mulungu wenyu, yagahulikaje matovulo gaga, yawalipicize wanhu wono wali kutovula. Alu wumulombe Mulungu ku soko ye wanhu wetu wono wakali womi.”

Isaya 1:8

Nalu likaya lya Yelusalemi du lili wene, lyo lisigaye, nalyo lyasigala nhe kaya lyono lipilimwe ne walugu, lyono lyeza lisina hamba wutazi, lyeza nha cilingo co mugunda we mizabibu kanyhi nha cilingo cono cili mu mugunda we matanga mugati.

Isaya 11:11

Na yolowa mwizuwa lilyo, U Muwaha Mulungu kolokwitumamila kanyhi vilungo vyakwe, yawagomole wanhu wakwe wono wowa wakali wasigaye ku Ashuli, na ku Misili, na ku Patilosi, na ku Kushi, na ku Elamu, na ku Sinali, na ku Hamati, ne zi'si zose za ku zimhwani.

Isaya 11:16

Kanyhi holowa na nzila mbaha yono yilawiliye ku Ashuli, yono wolowa kukola i wanhu wakwe Waisilayeli wono wolowa wakali wasigaye kuko ku Misili. Nha vyono yali yinha, lono i walezi wawo wawucila ku Misili.

Isaya 17:6

Nawo Waisilayeli wolosigala wacefu muno muno, wolowa nho mubici wo muzeyituni wono wakondya kuhepwa mana gose, alu gasigala mejete hamba madatu du ku cinang'anang'a co mubici, hamba mana macefu du gono gasigaye mu manhambi ga mu sika-sika du yo mubici. Ane yo nene Muwaha Mulungu, u Mulungu we Waisilayeli, vyo nghutya.”

Isaya 24:13

Na zizi zo zoyijelela yinze yose mu zinghungugo zose. Yokwihwana no mudumo we nhwanga, lono mizeyituni yakondya kukong'onhwa mu mibici yayo, no kuhalaliza zabibu zose mu mizabibu yayo.

Isaya 24:6

Holeka nayo Mulungu yayilijita yinze. Ne wanhu nhondo wakulipicizizwa mu metumo gawo weneco. Na muli wawo, wacefu du wono wasigala womi.

Isaya 37:4

Hambi u mutemi wa Ashuli, nha kamutuma mwitumami wakwe ho yaze yamutovule u Mulungu mumi. Holeka nghukulomba, u Muwaha Mulungu, u Mulungu wako yagahulice matovulo gaga, yawalipicize wawo wono wagalonjile. Na kanyhi nghukunena wuwalombele kuli Mulungu i wanhu wetu wono wasigaye.”

Isaya 46:3

“Ale, ta muhulicize anye nyo wana wa Yakobo, anye mo masigazwa ge wanhu wangu. Ane yo nene mono namukocenyi ku wulawa wulelwe wenyu.

Isaya 6:13

Hamba yiwe mu wanhu yikumi, yikumi, yasigale munhu monga monga, mu yisi, yuyo nayo kokongomezwa du. Kokwihwana lisici lyo mubici wo munghola lyono lyakondya kutemangwa.” (Lisici likuwa nha wo mwamulizo mupya we wanhu wo Mulungu.)

Isaya 65:8

Muwaha Mulungu yakutya nhavi, “Hambi nha hasina munhu mono kazihodangaga zi zabibu ziswanu, langa waziminyaga no kuzinoza divayi. Ale yo nhavivyo, nane hamba si nowongomezeza lukulu wanhu wangu wose ng'o, langa nowasigaza wose wono wakunyitumamila.

Yelemiya 23:14

Nghondya kuwawona sunga ne wawizi, wono wali mu Yelusalemi, nawo wakwituma vibi muno muno, hambi nha wakwituma zo wusenyha, akuno wakulonga zo wulambi, wakuwatonga wanhu ku wituma zimbi du. Na ku soko yiyo, holeka hasina hamba monga, mono yakusuma kuleka kwituma zimbi. Holeka ku lubavu lwangu, ane nghuwawona vyono wose wabi du, wehwanile ne wanhu wa Sodoma na Gomola.

Yelemiya 42:2

wakanonjela wakutya, “Gwe Yelemiya, cikukunena wucinozeze zono cikukuhila! Ase cikukulomba, wucilombele ase wose mono cisigaye. Hambi nha cali cili wenji, ninga luno casigala cili wanhu wacefu du, nha vyono nagwe wukuciwona.

Yelemiya 50:20

Na kolo vilo vivyo vikuza, holowa hasina wubi wo wose kanyhi, wono wolowa kwitumwa na Isilayeli, hamba mabi go gose mu Yuda. Hambi nha nolowanenela wanhu wose wono nolowasigaza. Vyo nghutya, ane no Muwaha Mulungu.”

I Cililo 3:22

U lusungu no wendo wo Muwaha Mulungu, si vidumaga yaye.

I Cililo 4:6

Ne wanhu wangu watuga wulipicizwe wuwaha muno si nhe wanhu wa Sodoma, wono wepamila ne lifwa lye nhinicizo mu muwoko wo Mulungu.

Ezekiyeli 14:22

No munhu wo wose mono kopona hamonga ne wanagwe, ale wuwalanjililaje lono wakuza kuli'gwe. Wuyiwone nghango yo wubi wawo vyono winha. Baho nagwe ho komanyila nha vyono kumbe u wulipicize wono nghuwuleta mu Yelusalemi, wo wulipicizwe we ling'ani.

Ezekiyeli 6:8

“Ninga nolowasigaza wanji walece kuwulagwa, nawo wawo wono wolosigala,

Yoweli 2:32

Kanyhi munhu wo wose mono kololomba wutazi kuli Muwaha Mulungu, yuyo yo kolopona. Nha vyono Muwaha Mulungu yalonga yakatya, Wenji wa mu Yelusalemi wolopona, na wono nawahagula wolokwikala wapolile.”

Amosi 4:11

“Nghawahodanga wanji muli'nye, nha vyono nayihodanga Sodoma na Gomola. Wawo wono wasigala muli'nye, wakawa nha cibici cinyanywe, cono ciponile ku wulawa mu moto. Ninga hamba simwambuyila yaye.” Vyo yakutya Muwaha Mulungu.

Habakuki 3:2

Gwe Muwaha Mulungu, ane hulika zono wetuma, nane nhuga woga wuwaha. Ale, alu'kanyhi mu vilo vyetu, witumaje metumo mawaha gono wagetuma lulo. Na lono wuli mwi'kuwo lyako, ninga weze no lusungu.

Zefaniya 2:9

Ninga mbeka, nha vyono ninha ane no Mulungu mumi, ane no Mulungu wa Isilayeli, nghwilahiza nha vyono, Mowabu na Amoni zolokongomezwa nha vyono Sodoma na Gomola zongomezwa. No mwino wologwa hanhu hose, no kongomezezwa lukulu cibitilila, ne mabalwe go golocindika mumo. Ne wanhu wangu wono wasigaye, woloyipumha, no kuyisola yisi yawo.”

Matayo 7:14

Ninga inzila yono yikubita sunga ko ku wumi, finyu, sunga no mulango wo kwinjilila kuko nawo mufinyu, nawo wanhu wacefu du wono wakusuma kuyiwona inzila yiyo.”

Walumi 9:27

Nayo u muwizi Isaya, yakumulonjela Isilayeli yazozize, yakutya, “Iliwalo lye wanhu wa Isilayeli, hamba liwe kotya musawawa wa mwi'lenga, ninga wacefu du wono woloponywa,

Walumi 9:29

Nha vyono Isaya yalonga ha mwamulizo, “Hono u Muwaha mono yali vilungo, yali yalece kucisigaziza wanji wa muli wanhu wa Isilayeli, mhali cakondya kuwa nha Sodoma, mhali cawa kotya Gomola.”

Wukumbucize wo Wulajilize 29:23

Ne migunda yenyu yolobabala hamba kulela cinji kanyhi, yoloticimizwa no moto we cibiliti no mwino. Yolowa yisina hanji kanyhi hono hosuma kuhadikwa cinhu co cose, hamba mahanze bwete, si galacindika mumo yaye. Yisi yenyu yolokwihwana nhe yisi ya Sodoma na Gomola, hamba nhe yisi ya Adima na Zeboyimu, zono Muwaha Mulungu yazongomeza lono yali yakolwa ne likuwo.

2 Petelo 2:6

Kanyhi Mulungu yakagalipiciza makaya ga Sodoma na Gomola, yakagaticimiza no moto tici-tici, yakaganoza gawe nha suguzi kuli wanhu wono siwamogopaga Mulungu.

Wugubule 11:8

Ne mivimba yawo, yokwikala mu zibalabala ze likaya liwaha, ihanhu hono u Muwaha wawo yatumbicilwa mu musalaba, i litagwa lye colecezo ce likaya lilyo, yo Sodoma, hamba Misili.