Isaya 1:8 - Luganuzi Luswanu Kuli Wanhu Wose 2002

⁸ Nalu likaya lya Yelusalemi du lili wene, lyo lisigaye, nalyo lyasigala nhe kaya lyono lipilimwe ne walugu, lyono lyeza lisina hamba wutazi, lyeza nha cilingo co mugunda we mizabibu kanyhi nha cilingo cono cili mu mugunda we matanga mugati.

Isaya 1:8 ပူးပေါင်းရင်းမြစ်များ

Jobu 27:18

I wanhu wabi, wazengaga zikaya zihwanile lipulaputya hamba kotya cilingo co muwanda, co kwamilila migunda.

Zabuli 9:14

Ho simulile zo lukumyo lwako, hali wanhu wa Yelusalemi, kanyhi ho sangalale vyono wakondya kumhonya.

Isaya 1:7

Ne yisi yenyu yaweza yitongo, ne makaya genyu gatakamizwa no moto. Ne wajenzi wayisola yisi yenyu ha meso genyu, no kuyongomeza, hamonga na vyose vyono vili mumo.

Isaya 1:9

Na hono Muwaha Mulungu u Mudaha vyose, u Mulungu we Mihanga yali yalece kusigaza mumo wanhu wanji womi, mbeka, mhali Yelusalemi yongomezezwe lukulu, nha vyono Sodoma na Gomola zongomezwa.

Isaya 10:32

Ne zuwali, walugu wakondya kwinjila mu cikaya ca Nobu, na kuko wakwikamanga zingumi zawo mwi'tunda lya Sayuni, mwi'kaya lya Yelusalemi.

Isaya 29:3

Nayo Mulungu kololihoma likaya, yalipilime, yalizinjilize mbavu zose.

Isaya 30:17

Kanyhi mumanye vyono muli nyenye, wanhu elufu monga, womutiza musilikale yumonga du we walugu wenyu, kolo wakumuwona yakuza. Holeka ku soko yiyo, wasilikale wahano du we walugu, womukwilenyi kumunozenyi anye wose mumanyhe no kutiza. Kanyhi howa hasina cinji co cose cono mosigazizwa mu wasilikale wenyu, langa libici lyo kutumbicila bendela lyo lyosigala lili wene du mwi'tunda mucanyha!

Isaya 37:22

na vyono Muwaha Mulungu yamupituye, yakutya, “Agwe Senakelibu, likaya lya Yelusalemi likukusekanga muno, kanyhi likubedegaye muno.

Isaya 37:4

Hambi u mutemi wa Ashuli, nha kamutuma mwitumami wakwe ho yaze yamutovule u Mulungu mumi. Holeka nghukulomba, u Muwaha Mulungu, u Mulungu wako yagahulice matovulo gaga, yawalipicize wawo wono wagalonjile. Na kanyhi nghukunena wuwalombele kuli Mulungu i wanhu wetu wono wasigaye.”

Isaya 4:4

Nayo Muwaha Mulungu, kwe vilungo vyakwe, kololing'aniza no kulyeza likungugo, no kuwukwema wubi wa Yelusalemi, hamonga ne sakami yono yetika mumo.

Isaya 49:21

Ale, nagwe baho, kolokwanza kulonga wuli wene wukutya, ‘Alu mwene nani mono yandelela wana wawa? Hambi nha nali nakondya kufwilwa ne wana wose nghawa sina hamba mwana monga. Nali nili ku wuhamywe, nghawa nawingwa, alu nani mono yawawilusa wana wawa? Nha nali nalekwa nekala nili wene, alu wana wawa ho walawa hayi wene?’ ”

Isaya 62:11

Nha vyono Muwaha Mulungu yakuwalonjela wanhu wose wa mono'nze yakutya, “Ale, muwalonjele i wanhu wa mu Yelusalemi nha vyono Muwaha Mulungu yakuza kumuponyenyi, Yakuwaleteleza hamonga ne wanhu wono yakondya kuwaponya.”

Isaya 8:8

Nayo kohuluma no kufika sunga ko ku Yuda, kokola mose, koyigubika yisi yako yose 'gwe go Imanuweli. Ninga Mulungu yali hamonga nase! Mwene kogatandakula mabawa gakwe yayicitile yisi.”

Yelemiya 4:17

Woloyipilima Yelusalemi nha wanhu wono wawulindilize mugunda, hambi i wanhu wayo, nha wakondya kumbedegala ane no Muwaha Mulungu. Vyo yakutya u Muwaha Mulungu.

Yelemiya 6:2

Ne likaya lya Sayuni, hamba liwe yiswanu muno, ninga lyolokongomezwa du.

I Cililo 2:1

Nayo Muwaha Mulungu, yayifunika Sayuni no wutitu mwi'kuwo lyakwe. No lukumyo lwayo lwa ku wulanga, yaluhodanjila lukulu, Na mwi'zuwa lye likuwo lyakwe, yayileka sunga ne Nyumba yakwe.

I Cililo 2:6

Kayikumulanga Nyumba yo Mulungu, yono cenjilaga cikumuhemba. Yaciwusiza ne vilo vyetu vye zi sikukuu na vye zi Sabato. I watemi hamonga ne wakohani, wose wawuwona wukali we likuwo lyakwe.

Zakaliya 2:10

Muwaha Mulungu yakatya, “Ale mwimbe musangalale 'nye nyo wanhu wa Yelusalemi! Hambi nha nghuza kwikalana nanye!”

Zakaliya 9:9

Musecelele, musecelele nye nyo wanhu wa ku Sayuni! Muzoze muno muno so nyemo, anye nyo wanhu a Yelusalemi! Mulanje ta! Mutemi wenyu yakumuzizenyi 'nye! Yakuza yena nyemo mbaha ne mhonelo, kanyhi mupolo, yakuza yali mucanyha ye ndogowe, nyana ye ndogowe.

Yohana 12:15

“Wulece kogopa go likaya lya Sayuni. Langa ta, u Mutemi wako yakuza. Yapandile mu nyana ye ndogowe.”