Isaya 1:7 - Luganuzi Luswanu Kuli Wanhu Wose 2002

⁷ Ne yisi yenyu yaweza yitongo, ne makaya genyu gatakamizwa no moto. Ne wajenzi wayisola yisi yenyu ha meso genyu, no kuyongomeza, hamonga na vyose vyono vili mumo.

Isaya 1:7 ပူးပေါင်းရင်းမြစ်များ

2 Zinghomo 28:5

Alu vyono mutemi Ahazi yetuma wubi hali Muwaha Mulungu, u Mulungu wakwe, holeka nayo Muwaha Mulungu yakamuleka yasumwe no mutemi wa Siliya. Nayo mutemi wa Siliya, yali yeza kumusuma Ahazi, yakawa kuwasola ne wanhu wa Yuda wenji muno, yakawategula ku Damesiki nha wafungwa.

Zabuli 107:34

ne yisi yono yilelaga, yakayinoza yikawa yihala lya mwino, ku soko yo wubi we wanhu wono wekalaga mumo.

Zabuli 107:39

Nawo wali weza kwanza kucepuka, no kuwula vilungo, ku soko yo wiwonelwe no wugazwe wawo,

Zabuli 109:11

Nayo mono yakumudaya cinji, yamuboce sawo yakwe yose, no mujenzi nayo yetujile vinhu, vya mu nhuguti yakwe!

Isaya 1:8

Nalu likaya lya Yelusalemi du lili wene, lyo lisigaye, nalyo lyasigala nhe kaya lyono lipilimwe ne walugu, lyono lyeza lisina hamba wutazi, lyeza nha cilingo co mugunda we mizabibu kanyhi nha cilingo cono cili mu mugunda we matanga mugati.

Isaya 3:8

Heya, mbeka, Yelusalemi yongomezwa! Nayo Yuda yikuvulumuka! Ku soko vyono mu zinghani zawo na mu metumo gawo, wamubedegalaga Muwaha Mulungu, no kumutovula calinze.

Isaya 34:9

Ne makolongo ga Edomu, golohunduswa gawe lami. Ne manghundi gayo, gawe libwe lye cibiliti. Ne yisi yose yologubikwa ne lami.

Isaya 49:19

“Hambi yisi yako nha yali yakondya kulekwa lyawa yitongo, ninga aluno yolowa yisi finyu yono si yolowakwila wose wono wolokuza wekale mumo. Na wose wono wakunoza wuwe yitongo, wolowuswa wawe kutali nagwe.

Isaya 5:17

Nazo zinyana ze zingholo, hamonga ne zinyhinda, hamonga ne zinyehe, zolotuga wudimilo we mahanze mumo mu matongo ge makaya gago.

Isaya 5:9

Ninga ane hulika Muwaha Mulungu, u Mulungu Mudaha vyose yakutya, “Makaya gaga maswanu mawaha, gose golowa matongo gali wene gasina wekazi.

Isaya 6:11

Nane nghawuza nghatya, “Gwe Muwaha Mulungu, alu zizi zokwijela nili?” Nayo yakapitula yakanyitya, “Zizino zokuza kolo makaya gose gekala matongo gasina wanhu, sunga kolo zikaya zekala bwete, ne yisi yalekwa wuciwa wuwaha.

Isaya 60:15

“Na ku wulawa lulu, hamba si kololecelwa lukulu kanyhi; hamba kusulwa yaye ng'o, hamba si kolowa kanyhi likaya yiciwa lyono lihodanjice yaye. Hambi ane nha nolokunoza wuwe ne lilumbo yiwaha kanyhi wuwe wunojezize wuwe hanhu hono hamemile nyemo cibitilila na cibitilila.

Isaya 62:8

Muwaha Mulungu kakondya kwihuwiza ko wilahize, nayo kowufisiliza wihuwizo wakwe kwe vilungo vyakwe. “Ne walugu wako hamba si wowulila lukulu no wuhemba wako. Ne wajenzi nawo, hamba si woying'wela lukulu ne divayi yako.

Isaya 64:10

Alu lanje, makaya gako i masiwanulwe, vyono gehwana nyika, nayo Yelusalemi yaweza yitongo lyono lilecigwe du.

Isaya 9:18

No wubi we wanhu, wunyanyaga nha moto, wono wutakamizaga masanzu ne mamivya. Wutakamizaga nha mbago yono yikolelezwe moto, nawo wukwaka, ne malambi gayo gapunaga kucanyha gepalinjile nhe 'sumbili lya lyosi.

Isaya 9:5

Hambi i malatu ge wasilikale vitung'ati mu milewo hamonga ne myenda yawo yono milowece mu sakami, nha yotakamizwa yose mu moto.

Yelemiya 2:15

Alu lanje, wakumukolomela wenha simba. Ne yisi yakwe, wayinoza yawa nyika, ne vikaya vyayo, vyaweza matongo du, gono gagwiye hasi no kulekwa.

Yelemiya 4:7

Hambi mono yapejigwe u mulimo wuwo wo kongomeza, nha yakondya kuwikanizwa, nayo yehwanile simba yono yikuza yikulawilila ha wihundiko wayo. Yakuza yayongomeze Yuda. Ne makaya gose ga Yuda gololekwa matongo, hasina hamba munhu monga mono kolokwikala mumo.

Yelemiya 44:6

Holeka nane nghawa kulimwaga likuwo lyangu mu makaya ge yisi ya Yuda, sunga na mu zinzila za Yelusalemi, nghawa kugapembela moto. Gakawa kulekwa matongo go kogofya muno ku wulangwe, nha vyono gakwijela sunga nalu.

Yelemiya 6:8

Nye nyo wanhu wa Yelusalemi, alu mwali mulece ta i magayo gaga, gawe suguzi kuli nye ye, na hono si nhavivyo, hodu nane nomulecenyi, nilinoze likaya lyenyu, liwe nyika, hawe hanhu hono u munhu wo wose si kosuma kwikala mumo yaye.”

Yelemiya 7:34

Nayo yisi yololekwa nyhiwa. Nane noloyidumya nyemo yose no wusangalale, mu makaya ga Yuda, na mu zinzila zose za Yelusalemi, hamonga ne zinyemo zose za mu zindigwa ze zi halusi.

I Cililo 5:2

Hambi zisawo zetu zose, nha zeza zili mu miwoko ye wajenzi. Kanyhi wawo wajenzi, wo wekaye na mu zikaya zetu.

Ezekiyeli 25:4

Alu, vyono nanye mwali kuzisangalalila zizo, holeka nane nowaleta we makungugo, go lubavu lwa ku nyika ya kucilima, waze wamutemenyi. Nawo kolo wakuza, wosita zinghambi zawo mu muno mono yisi yenyu, wekale mumo. Wolya ne mikalo, wong'wa ne mele, i vinhu vyono vyali vinojeye viwe vyenyu, muvitumamile nyenye.

Ezekiyeli 30:12

Nololinyaza likolongo lya Nile, no kuyiwika yisi ya Misili, mu miwoko ye wanhu wabi. Ne wanhu wajenzi, woloyongomeza yisi yose. Vyo nghutya, ane no Muwaha Mulungu.”

Hoseya 7:9

Hamba si wakumanya vyono witumbilo wawo wuwo wa muli wajenzi, wakondya kuwahiziza vilungo vyawo. Na vyono vilo vyawo viwale, ninga wene hamba si wakumanya yaye.

Hoseya 8:7

Ku soko vyono wakuhadika mbeho, holeka wolodudula mukukunzo! Migunda yo wuhemba siyolopisa hamba siyolosuma kulavya ndudula yo yose. Na hamba yize yilavye, iwajenzi wo woloyilya wayimale.

Walawi 26:33

Noleta wulugu muli'nye, kanyhi nomwiyagazenyi mwiyagalile mu zi'si zo wujenzi. Ne yisi yenyu yowa matongo, ne makaya genyu golekwa gagwiye caka.

Walawi 26:34

“Nayo yisi yosangalalila wucehe wono si mwali mudahile kuyipela.

Mika 5:11

Kanyhi nologahodanga makaya ga mu yisi yenyu, no kugagwisa hasi magomawakali genyu gose.

Mika 6:13

Holeka nane nakondya kwiwikaniza so wongomezwe wenyu no wuhodangwe wenyu ku soko yo wubi wenyu.

Wukumbucize wo Wulajilize 28:33

“Nalyo likungugo lijenzi, lyoyikungha nhwanga yenyu yose, yono mwayitumamila milimo miwaha muno muno, ha wulimile. Nanye mokwiwonelwa du no kutendelwa vibi.

Wukumbucize wo Wulajilize 28:43

“Nawo i wajenzi wono wowa mwikalane mu yisi yenyu wocila kuwa ne vilungo muno, ninga anye mocila kucepucilwa ne vilungo vyenyu.

Wukumbucize wo Wulajilize 29:23

Ne migunda yenyu yolobabala hamba kulela cinji kanyhi, yoloticimizwa no moto we cibiliti no mwino. Yolowa yisina hanji kanyhi hono hosuma kuhadikwa cinhu co cose, hamba mahanze bwete, si galacindika mumo yaye. Yisi yenyu yolokwihwana nhe yisi ya Sodoma na Gomola, hamba nhe yisi ya Adima na Zeboyimu, zono Muwaha Mulungu yazongomeza lono yali yakolwa ne likuwo.