Isaya 1:6 - Luganuzi Luswanu Kuli Wanhu Wose 2002

⁶ Na ku wulawa ku zinzayo ze magulu gako, sunga ko ku mutwe, musina vilungo, langa mozili nghomele du, ne madali, ne malonda gono gawolile, gono si maminywe, hamba kuwopwa na bandeji, hamba kudejefywa ne mafuta yaye.

Isaya 1:6 ပူးပေါင်းရင်းမြစ်များ

2 Samwili 14:25

Ale mu Isilayeli yose, hali hasina munhu mono yali yena lilumbo yiwaha, kanyhi mono yali yena mumbwa swanu kuciza Abusalomu. Abusalomu yali yena mumbwa swanu muno, ku wulawa ku nzayo ze magulu gakwe, sunga ko ku mutwe, nayo kanyhi yakawa yasina cilema co cose.

Jobu 5:18

Hambi Mulungu nha katamisaga, kanyhi no kulagula, miwoko yakwe yikupelaga nghomele, ninga kanyhi i miwoko yakwe yo yikukuponya.

Zabuli 77:2

Nane nimulombaga Muwaha Mulungu, lono nili mu wugaye, nghumwinulila miwoko yangu ne cilo, hamba kukatala yaye, ninga si nhugaga wutuzwe wo wose.

Isaya 30:26

Nawo mwezi wolong'alala nhe lizuwa. Nalyo lizuwa lyolong'alala wung'alale wuwaha muno kali mupunghati kuciza wung'alale walyo we vilo vyose, lyolotowelela wung'alale wa vilo mupunghati mwi'zuwa lilyo limonga. Na zizi zolokwijela mwizuwa lyono Muwaha Mulungu yeza kuwawopa bandeji wanhu wakwe, mu zinghomele zono yawapela, hamonga no kuwaponya.

Yelemiya 17:9

“Alo mwene, nani 'mbi mono kosuma kuyimanya nhumbula yo munhu? Hambi nhumbula yo munhu nha yo nghoci muno kuciza vinhu vyose, kanyhi yina wutamwa wono si wosuma kuponywa yaye.

Yelemiya 30:12

U Muwaha Mulungu yakuwalonjela i wanhu wakwe yakutya nhavi, “Alu mulanje ta, ne zinghomele zenyu hamba si zikunoga yaye, no wutamiswe wenyu hamba si wukulagulwa ng'o.

Yelemiya 30:15

Holeka mulece kung'ung'ulika muno, ku soko yo wutamiswe wenyu, hambi nha si moponywa yaye. Nane nghamulipicizenyi nhavivi, ku soko yo winji wo wubi wenyu, hambi i metumo genyu mabi, nha gali gonjelezeka muno.

Yelemiya 33:6

“Ninga hamba nhavivyo, nololiponya likaya lili, hamonga ne wanhu wayo, no kuwaleka wekale ne miwili miswanu. Nane nolowalajila zo mulamu, na ze mikalile yono yipolile.

Yelemiya 6:14

Na kanyhi wakuziwona zinghomele ze wanhu wangu, kotya nha wikubule-kubule du wudodo. Hanyuma wawa kutya, ‘Aa! Zose swanu du.’ Na kumbe, hasina swanu hamba monga.

Yelemiya 6:7

Nha vyono muwonaga lisima liwikaga malenga maswanu, ale nalyo likaya lya Yelusalemi, vyo liwikaga i makani galyo mabi. Nane nha nghuhulika zo wuhizi wo wuhodanjice du mwi'kaya, kanyhi nghuwona du matamwa, hamonga ne zinghomele mumo mwi'kaya.

Nahumu 3:19

Kusina kanyhi hamba miti yono yowupoza wusungu wako, ne zinghomele zako sizikusumika hamba kuwunoje yaye. Na wose wono wohulika zo wuhodangwe wako, mbeka wotowa maganza gawo so nyemo. Hambi nani mono yelega no wukali wako wono wusina ndumilizo?

Malaki 4:2

Ninga kuli'nye mono muhulicile 'ne, i vilungo vyangu vye mhonelo, vyolomulawilenyi nhe'zuwa, no kumuletelenyi mhono, nhe nyhenjezi ye lizuwa. Mowa muli welecele, akuno musangalaye, kotya nyehe ndigulile mu wulawa mwi'kumbo.

Matayo 9:12

Yesu nayo yaza kuwahulika, yakawatya, “Iwatamwa, wo wasakaga muganga, hamba si awalya iwaswanu.

Luka 10:34

Yakamusejelela behi, yakazibaka mafuta ne divayi zinghomele zakwe, no kuziwopa ne bandeji, yakamupandiza mu ndogowe yakwe, yakamuleta ku nyumba yo wuficilo we wajenzi, yakawa kumutamya.