Isaya 1:4 - Luganuzi Luswanu Kuli Wanhu Wose 2002

⁴ Holeka, alu mokongomezwa, anye nyo likungugo lyono lina wubi, anye nyo wanhu wono mwendile mafupo, kanyhi muli wabi! Ninga mumanye nha vyono, u wubi wenyu wuwo, womukulunhyenyi hasi! Hambi anye nha mwamulema Muwaha Mulungu, u Mulungu mono yelile we Waisilayeli. Mwakondya kumupitucila mugongo.

Isaya 1:4 ပူးပေါင်းရင်းမြစ်များ

Mwamulizo 13:13

Ale, i wanhu wa kuko ku Sodoma, wali wanhu wabi muno, kanyhi wali wahodanji wawaha hali Mulungu.

2 Watemi 21:22

Yakamulema Muwaha Mulungu, u Mulungu we walezi wakwe, hamba si yakasaka no kugebata ne malajilizo go Muwaha Mulungu.

2 Zinghomo 12:1

Kukawa lono wutemi wa Lehobowamu wali wakondya kukama, nayo yatuga vilungo, hodu, mwene hamonga ne wanhu wakwe wakawa kulileka Lilajilizo lyo Muwaha Mulungu.

2 Zinghomo 27:2

Nayo yaketuma zono zamwendezaga Muwaha Mulungu, nha vyono sogwe Uziya yetuma. Ninga mwene si yamusutizya Muwaha Mulungu so wufusa wuvumba mu Nyumba yo Mulungu. Langa wanhu wo wamusutizya Muwaha Mulungu.

Nehemiya 1:7

Cetuma wubi winji hali'gwe cilemegwa sunga no kutyatya malajilizo gono wacilajiliza. Hamba kwibata wulajilize wono wacipelela muli mwitumami wako Musa.

Zabuli 58:3

Hambi i wabi, nha wahodanjice du, ku wulawa vyono walelwa, wekalaga wakulonga zo wulambi du, kulawa vyono walelwa.

Zabuli 71:22

Nokwimbila zo lukumyo kwe lisumbi, ku soko yo wihuwilwa wako, 'gwe go Mulungu wangu, nokwimbila nyimbo kwe lisumbi, agwe mono welile wa Isilayeli.

Zabuli 78:40

Wihwesaje ta, kali kalinga wamufyulilaga mu nyika! No kumukalaza mumo mu nyika!

Zabuli 78:41

Wakamujela Mulungu kali kenji muno muno, wakamukalaza muno muno yuyo, Mono Yelile wa Isilayeli.

Zabuli 78:57

Wakawa wasina cihuliko, hamba kuwa wehuwilwa, wakawa nha vyono wali wenha walezi wawo, wakayumba-yumba nhe songa yono si nghangale.

Zabuli 78:8

Walece kuwa nha vyono wali i walezi wawo, wono wali wabedegazi kanyhi wafyuzi, lulelo lono lusina wulunji we nyikala, wono wukamile, u lulelo lono lusina wihuwilwa kuli Mulungu.

Zabuli 89:18

Gwe go Muwaha Mulungu, hambi u mudimi wetu nha muhagulwe na gwegwe, agwe mono welile wa Isilayeli, yo gwegwe mono wucipelile mutemi wetu.

Wutuluce 32:7

Muwaha Mulungu yakamulonjela Musa yakatya, “Ale, wutime hasi wulanje, hambi wanhu wako wono wawawusa mu yisi ya Misili, nha weyihodanga.

Isaya 1:23

Ne walongola wako weza wagaluci, nalu wakondya kwiyenda ne wahizi, alu weza wabocelaga vipegwa hamonga ne mafupo. Wakondya kuleka no kuwataza, i wana wono wasina walezi, mu zinghani zawo, hamba kuwahuliciza bwete i wacekulu wafwile mu zinghani zawo.

Isaya 1:28

Ninga kowongomeza i wasutyi wose, hamonga ne wabezi, wono wakumubeza mwene. Kanyhi kolowawulaga wose, wono wakumulema mwene.

Isaya 10:6

Nowategula Waashuli wakalihome likungugo lyono lisina cihuliko, wono wanghoza likuwo. Nowategula wakasole vinhu mateka, kanyhi wakahize no kuwakanyanjiza wanhu kotya nhope mu zinzila.”

Isaya 12:6

Muwalekaje wose wono wekaye mu Sayuni, wembe ne mazi mawaha wawe kutya, Mulungu mono yelile we Waisilayeli, yo muwaha, kanyhi yekalane ne wanhu wakwe.”

Isaya 14:20

Hambi agwe, nha wayihodanga yisi, wukawawulaga ne wanhu wako. Holeka nagwe hamba si kolozikwa nha vyono watemi wanji wazikwaga ng'o. Kanyhi na muli we mhuga yako wose i wabi, hasina hamba monga mono kolopona.

Isaya 29:19

Nawo i waciwa, hamonga ne wanhu wenenenyhezi, wolotuga kamonga nyemo yono Muwaha Mulungu, u Mulungu mono yelile we Waisilayeli kalavyaga.

Isaya 3:8

Heya, mbeka, Yelusalemi yongomezwa! Nayo Yuda yikuvulumuka! Ku soko vyono mu zinghani zawo na mu metumo gawo, wamubedegalaga Muwaha Mulungu, no kumutovula calinze.

Isaya 30:1

U Muwaha Mulungu yakutya, “I walongola wono watemile mu yisi ya Yuda, wose wali mu wongomezwe du, hambi nha wambedegala'ne. Wene 'mbi nha wakwituma zono zili mu mahweso gawo du, zono ane si niwakomboye wazitume. Kanyhi wakwilumbaniza no wilumbanize wono ane si niwakomboye wawunoze. Wakucila konjeleza wubi mucanyha yo wubi wunji.

Isaya 30:15

Kanyhi Muwaha Mulungu we Mihanga, mono yelile, u Mulungu wa Isilayeli, yakuwalonjela wanhu yakutya, “Ale mumbuyilaje wose, kanyhi munyitumbile, nanye ho mowa ne vilungo, kanyhi mowa mupolile.” Ninga nye mukulema!

Isaya 30:9

Hambi wene nha wasina cihuliko kuli Mulungu nhondo zose. Wekalaga wakulamba du, hamba si wendile no kugebata mejizo go Muwaha Mulungu yaye.

Isaya 31:2

Ninga mwene Mulungu, yamanyile zono yakwituma! Mwene kaletaga wongomele, kanyhi kawalajilaga cogofyo cakwe mu nzila yo kuwalipiciza i wanhu wabi, hamonga na wono wakuwacitila.

Isaya 37:23

Alu mwene, wukwihwesa nani lo, mono wali kumutovulanga no kumwizwajiza? Agwe mbeka wawula cogopo kuli'ne, ane no Mulungu mono nelile wa Isilayeli.

Isaya 41:14

Kanyhi Muwaha Mulungu yakutya, “Anye nyo Isilayeli, hamba muwe muli wacefu, kanyhi muli wasocele nhe nyongololo, ninga mulece kuwa no woga, hambi ane nha nomutazenyi. Ane mono nelile, u Mulungu wa Isilayeli, yo nene du mono nomuponyenyi.

Isaya 41:16

Nanye mogesa mucanyha, nayo mbeho yogapemhelusa, nago gokwiyagazwa ne civulavumbi. Nanye baho nhondo, ho mosangalala, hambi ane nha yo nene mono nili Mulungu wenyu nanye nhondo, ho momhela lilumbo ane mono nelile, u Mulungu wa Isilayeli.

Isaya 41:20

Nawo wanhu wose woziwona zizi, wamanye nha vyono nene Muwaha Mulungu yo nitumile zizi. Nawo ho wokwizuka nha vyono Mulungu mono yelile wa Isilayeli, yo yazinozize zizi zijele.”

Isaya 5:19

Hambi nha mutezaga, “Ale, Muwaha Mulungu, na yetume mbela zono katezaga kokwituma, nase ho ciziwone. Lecenyi Mulungu mono yelile we Waisilayeli, yetume za mu mahweso gakwe. Mulece ciziwone zono zili mu mutima wakwe.”

Isaya 5:24

Na ku soko yiyo, nha vyono lilambi lyo moto, ligatakamizaga mahanze, na kanyhi, nha vyono mahanze gono ganyalile, gatakamilaga mu malambi go moto, ale, nhavivyo, ne lisina lyenyu nalyo lyowola, ne maluwa gayo nago gonyala, gapemheluswe ne mbeho, hambi nha mwazilema zo wulajilize wo Muwaha Mulungu u Mudaha vyose, u Mulungu we mihanga, u Mulungu mono yelile we Waisilayeli, zono yacijiza 'se.

Isaya 57:17

Nali niwakoleywe likuwo, ku soko yo wubi wawo hamonga ne masulumizi gawo, holeka nane nghawalipiciza no kuwaleka. Nawo ho wakacila kuwa wasina cihuliko hamba nhavi, wakajendelela du kwituma nha vyono wasakaga weneco.

Isaya 58:2

Hambi wene nha wahembaga'ne nhondo zose, wakwiyitya vyono wena wuhile muno wo kumanya zinzila zangu, no kwibata wulajilize wangu. Wakulonga wakutya vyono wakusaka muno wapegwe malajilizo ge ling'ani, na kanyhi vyono wendile muno ho wahembe nene.”

Isaya 65:11

“Ninga holowa no wisimajile kuli'nye mono mukundeka, no kuyibedegala Sayuni, i litunda lyangu lisiwanulwe, muwa kumuhemba Gadi na Meni, i milungu yono yisina cambuzi co cose, yono yiwiciywe wongomele.

Isaya 65:3

Kanyhi wasina hamba cevu yaye lono wakunghoza likuwo. Hambi nha wendile kulavya makumbiko ge wanhu wono si wamumanyile Mulungu mu zibusitani zisiwanulwe, hamonga no kufusa wuvumba mu vikumbicilo vye wanhu wono si wamumanyile Mulungu.

Isaya 9:17

Holeka nayo Muwaha Mulungu, hamba si kowaleka wazelelo wapone yaye. Kanyhi hamba si kowawonela lusungu i wacekulu wafwile, hamonga ne wana wono wasina walezi wawo. Hambi i wanhu wose nha weza wahodanji kanyhi wabi. Sunga na zose zono walongaga, vyo 'mbi du. Hamba nhavivyo likuwo lyo Muwaha Mulungu si lyoduma yaye, ninga muwoko wakwe wowa wugoloywe du ho yalipicize.

Yelemiya 15:6

Hambi anye nyo wanhu, nha mwakondya kundeka 'ne, nalu mwamhitucila migongo yenyu. Ku soko yiyo, holeka nane nghawugolola muwoko wangu, nghamongomezenyi, hambi nha nali nalemwa kulimila likuwo lyangu.

Yelemiya 2:13

Hambi i wanhu wangu nha wetuma wubi wuli hejete, wandeka 'ne mono nili muvwilo we malenga go wumi. Wene wehimbila visima vyono vikung'welela mbela mbela, vyono si vyosuma kwikala na malenga.

Yelemiya 2:17

Gwe Isilayeli, alu zizi, nha kwiletela gwegwe go mweneco! Hambi nha kundeka 'ne no Muwaha Mulungu, u Mulungu wako, mono nakulongoza agwe mu nzila.

Yelemiya 2:19

Ninga u wubi wako, wo wokulipiciza, no wibavye wako, nawo wo wokuling'aniza 'gwe. Nagwe baho ho kokwifundila u wubi we nghani yiyi, hamonga no wusungu wo kundeka 'ne, ane no Muwaha Mulungu, u Mulungu wako, no wuwe wako wo kuwa wusina cihuliko ca kuli'ne kanyhi. Vyo nghutya, ane no Muwaha Mulungu we mihanga.”

Yelemiya 2:31

Nye nyo wanhu wa Isilayeli, muhulicize ta zono nghulonga ye. Mwene ane, nha cinji nehwana nhe nyika hongo kuli'nye, hamba naweza nha wutitu kuli'nye, ne yisi ye zimbali? Alu nhawulenyi mukutya mokwituma nha vyono mwendile nyenye, si mowuyila lukulu kuli'ne kanyhi ng'o?

Yelemiya 2:33

Ninga 'nye langa muli wasugu du, ku wulondola zo wusenyha. Sunga ne wacekulu wabi, wosuma kwiyijiza ku wulawa kuli'nye.

Yelemiya 2:5

U Muwaha Mulungu yakutya nhavi, “Alu i walezi wenyu wambona nina lisutyaci? Hamba nghani yono yikaleka wene wakundeka 'ne? Hambi wene nha wakahemba vihwani viseswe vyono visina cambuzi, na weneco wakawa wasina cambuzi.

Yelemiya 32:32

ku soko ye metumo mabi gose gono wetumaga i wanhu wa Isilayeli na Yuda, hamonga ne watemi wawo, ne walongola wawo, ne wakohani wawo, hamonga ne wawizi wawo.

Yelemiya 50:29

“Walonjele i wanhu wo wupinde, wewikanize, wayihome Babiloni. Muwategule wanhu wose wono wamanyile kuwitumamila wupinde ne zisonga. Mulipilime likaya, kanyhi mulanjilile, mulece kumuleceleza yunji wo wose yatije. Mulilipicize ku soko ya zose zono lyetuma. Kanyhi mulitendele nha vyono lyene lyawatendela wanji. Hambi nha lyazinozaga zizo zose ko widunhumuzi hali 'ne, ane mono nelile wa Isilayeli.

Yelemiya 51:5

Ane no Muwaha Mulungu we mihanga, nghali hamba si nawaleka Isilayeli na Yuda yaye, hamba wawe wene wetuma wubi hali 'ne, ane Mono nelile wa Isilayeli.

Yelemiya 7:19

Wene wakwihwesa nha vyono wakunhamisa nene, kumbe ho wakwitamisa weneco, hamonga no kwiyiletela cevu ca bwete.

Yelemiya 7:26

Ninga hasina hamba munhu monga, mono yawahulika, hamba kuzicelelela bwete zono wazilongaga. Ninga 'nye mukajendelela kuwa musina cihuliko kuli'ne, no kuwa wabezi muno si nhe walezi wenyu.

Ezekiyeli 14:5

Ninga vihwani vivyo, hamba viwe vyakondya kuwanoza Waisilayeli ho wandece 'ne, ninga nitumbiye nha vyono lipitulo lyangu lyowanoza Waisilayeli wawe ne cogopo kanyhi kuli'ne.

Ezekiyeli 16:33

Kanyhi cimanyile nha vyono i wacekulu wasenyha, wo wakuwa kuhongwa ne walume, ninga agwe, yo gwegwe mono kuwahongaga i wendece wako wose we cilume, kuwa kuwakwejeleza ku wulawa hanhu hose, ho waze wagonane nagwe.

Ezekiyeli 16:45

Agwe mbeka wuli mwana we cicekulu wo nyina yako, mono yamusula u mulume wakwe hamonga ne wanagwe. Wihwanile i wanduguzo we cicekulu, wono nawo wawasula i walume zawo hamonga ne wana wawo. Nagwe Yelusalemi hamonga ne makaya mayago, u nyina yenyu yali Muhiti, no sogo yenyu yali Mwamoli.

Danyeli 9:11

Ne Waisilayeli wose, wakondya 'lu kuwubena wulajilize wako, hamba si wakuzityatya kanyhi yaye zono wawalonjela. Holeka ase cili wasutyi du hali'gwe, na ku soko yiyo, holeka nagwe wukaciletela malijito gose gago gono mandice mu Wulajilize wa Musa, u mwitumami wako.

Zefaniya 1:6

Kanyhi nowawusiza lukulu na wawo wono wawuya ne nyuma hamba si wakunhyatya'ne kanyhi. Wawo wono si wakuza kuli'ne hamba si wendile kuwulondola wutonji wangu niwatonje.”

Wuwale 32:14

Alu nanye mwazihalila ze walezi wenyu, anye nyo lulelo lupya, lulelo lwe wanhu wabi, mwewikaniza nanye mulilete kanyhi likuwo liwaha lyo Muwaha Mulungu kuli Waisilayeli.

Matayo 11:28

Ale, muze kuli'ne anye wose mono mukugazika, na mono muvunice ne mitegulo yenyu, nane nomucehezenyi.

Matayo 23:33

Anye mo wana we zinzoka, zono zina sumu! Alo mosuma nhawule kuwilega u wuling'anizwe wo moto we Gehena?

Matayo 3:7

Ninga yaza kuwawona i Wafalisayo ne Wasadukayo wenji, wakumuziza ho yawabaputize, u mwene yakawalonjela yakatya, “Anye nyo lulelo lwe zinzoka! Alo nani mono yamulonjelenyi vyono mosuma kwilega ilikuwo lyono likuza?”

Walumi 8:7

Hambi mono yatemigwe ne mahweso ge cimunhu-munhu, nha vili sili no Mulungu, si kawuhulikaga u wulajilize wo Mulungu, hamba si kosuma kuwuhulika yaye.

1 Wakolinto 10:22

Hamba cikuhila kumunoza u Muwaha yawone wivu? Hongo mukwihwesa ase cili vilungo si nho mwene?

Wukumbucize wo Wulajilize 29:25

Ne lipitulo nalyo lyolowa nhavi, ‘Ku soko vyono i wanhu wo Muwaha Mulungu, wabena cilagane cono wacinoza no Muwaha Mulungu, u Mulungu we walezi wawo, lono yali yakondya kuwawusa mu yisi ya Misili.

Wukumbucize wo Wulajilize 31:16

Muwaha Mulungu yakamulonjela Musa yakatya, “Alu agwe Musa, weza wuli behi no kufwa, na lono kowa wakondya kufwa, hodu wanhu hamba si wowa wehuwilwa kanyhi kuli'ne, kanyhi wocibena ne cilagane cangu cono nalagana nawo. Wondeka, wawe kuhemba milungu yo wulambi yono yili mu yisi yono wene wokwinjila.

Wukumbucize wo Wulajilize 32:19

“Nayo Muwaha Mulungu yali yeza kuziwona zizo, hodu yakakolwa likuwo, yakawa kuwaleka wanagwe we cilume na we cicekulu.

Wukumbucize wo Wulajilize 32:5

Ninga anye si muli wehuwilwa, musina cambuzi hamba no kuwucemwa wanagwe, muli nghungugo nyituma wubi kanyhi muli walambi.

Wakolosayi 1:24

Alu nghusecelela mu matamiso gangu so nyenye, hambi nha ku soko ye magayo gangu ga baha hono yinze, nghumemeleza cono cali cicepuce mu magayo ga Kilisito ku soko yo muwili wakwe, likanisa.

Wugubule 18:5

Hambi u wubi wakwe, nha weza winji muno, nawo wilundice sunga ko ku wulanga, no Mulungu kakumbucila zinzila zakwe zo wubi wakwe.

Walamuzi 10:10

Nhondo Waisilayeli wakamulilila Muwaha Mulungu, wakutya, “Gwe go Muwaha Mulungu, ase cetuma wubi hali'gwe, kanyhi cakuleka gwegwe go Mulungu wetu, no kuyihemba milungu ya Baali.”