Isaya 1:30 - Luganuzi Luswanu Kuli Wanhu Wose 2002

³⁰ Nanye molonyala nho mubici wo munghola wono wunyalile, kanyhi kotya nha busitani yono si yimwajilwaga malenga.

Isaya 1:30 ပူးပေါင်းရင်းမြစ်များ

Mwamulizo 12:6

Mwene Abulamu yakakolela haciligati ye yisi, yakawa kubita sunga ko ku Shekemu, i hanhu hono helile, hanhu hono ho wuli no mubici wo munghola wa Mole. Na mu vilo vivyo, Wakanani wo wali wekaye mu yisi yiyo.

Isaya 5:6

Nowuleka wutite ne masukuzi, hamonga ne maselegwa gayo. Hamba si nowupanyulila yaye ne mizabibu yayo, hamba si nowulimila. Langa nowuleka du vititane ne vikungugu hamonga ne mabijili. Kanyhi nolajiliza mavunde, galece kuwutonyezeza mvula.”

Isaya 58:11

Nane nomutonjenyi nhondo zose no kumumotyenyi ne vinhu viswanu. Nomunozenyi muwe ne vilungo hamonga ne miwili miswanu yono yisina wunyoga-nyoga. Nanye mowa mwihwanile busitani yono mwajile malenga menji, yono si yonyalila kanyhi lukulu.

Isaya 64:5

Kanyhi kuwabocelaga wose wono wasangalilaga mu wituma ziswanu, wono wakumanya vyono, agwe wukuwahila wetume zo wuhile wako. Nagwe wali weza kucikolelwa likuwo, nase cikajendelela kwituma wubi. Na ku soko ye likuwo lyako liwaha, nase cikajendelela du kwituma zimbi ku wulawa katali.

Isaya 64:6

Nase wose cili wanyo wubi, sunga ne metumo getu gono gakwijela nha maswanu, gose gatipiye du. Na ku soko yo wubi wetu, ceza cihwanile nhe mahamha gono ganyalile gakuputwa no kupemheluswa ne mbeho.

Yelemiya 31:12

Holeka nawo wonyiziza, wanyimbile so nyemo mwi'tunda lya Sayuni, kanyhi wendezwe ne vipegwa vyangu, i vipegwa vyo wusaje, ne divayi, hamonga ne mafuta, ne vipegwa vye zingholo ne zing'ombe. Na baho, wolowa nha busitani yono mwajilwe malenga. Nawo wolowa wakwizize vyose vyono wakuvisaka.

Ezekiyeli 17:24

Ne mibici yose ya mu yisi, yolomanya vyono, ane yo nene Muwaha Mulungu, mono niyidumulangaga mibici mitali, no kuyinoza mibici midodo yiwiluce yiwe mitali. Niyinyazaga mibici yono yidedewaye. No kuyinoza mibici mikavu, yidedewale. Ane yo nene u Muwaha Mulungu, mono nizilonjile zizi, nane nozifisiliza zizo zose, nozituma nha vyono nonjile.”

Matayo 21:19

Yakawuwona mukuyu wunji ha mhelo ye nzila, yakawubitila, ho yahepe imikalo yayo, ninga yakawagana wusina mikalo hamba hadodo, langa go mahamha du gali wene. Hodu yakawa kuwulonjela yakawutya, “Wulecele lukulu kulela kanyhi mikalo cibitilila!” Hobaho baho du, no mukuyu wuwo wukawa kunyala.