Isaya 1:29 - Luganuzi Luswanu Kuli Wanhu Wose 2002

²⁹ Nanye molokalala muno, vyono mwahembaga mabici, hamonga ne zi busitani zisiwanulwe.

Isaya 1:29 ပူးပေါင်းရင်းမြစ်များ

Isaya 30:22

Nanye movisola vihwani vyenyu vyose vyono vihiliwe fweza, hamonga na vyono vihiliwe zahabu, muwe kuvitaga kutali, nha cinhu ca cikomaza, akuno mukuzoza mukutya, “Wuce ha meso gangu!”

Isaya 31:7

Ninga lizuwa lyokuza, lono anye wose molovitajila lukulu i vihwani vyose vye fweza na vye zahabu, u wubi wono mwenozeza nyenye nyo weneco kwe miwoko yenyu.

Isaya 42:17

Na wose wono wetumbiye vihwani viseswe, na wose wono wakuvitya vihwani vyenjedulwe yo milungu yawo, wawo wose wonyetywa no kukozwa cevu.”

Isaya 45:16

Ne wanhu wono wasesaga vihwani wose wolokozwa soni, na wose hamonga wolopuvywa.

Isaya 57:5

Anye mono mukwisagahiza zo wusulumizi wenyu, no kugona hasi ye mibici yenyu ye minghola i misiwanulwe, muwa kwituma zo wusenyha. Anye mono mulavyaga i wana wenyu gawa makumbiko mu mapalika ge matalawe, na mu malolo, behi ne vikolongo vye malenga.

Isaya 65:3

Kanyhi wasina hamba cevu yaye lono wakunghoza likuwo. Hambi nha wendile kulavya makumbiko ge wanhu wono si wamumanyile Mulungu mu zibusitani zisiwanulwe, hamonga no kufusa wuvumba mu vikumbicilo vye wanhu wono si wamumanyile Mulungu.

Isaya 66:17

U Muwaha Mulungu yakutya nhavi, “Alu ndumilizo yawo yeza yili behi, kuli wose wono wakwiyavufya weneco so wuhembi we wanhu wono si wamumanyile Mulungu, wono wabitaga mu zibusitani zisiwanulwe, wawo wono walizaga nyama ye magubi na ye magule, hamonga ne zindigwa zinji zinji ze liwifyo.

Yelemiya 2:20

U Muwaha Mulungu yakutya nhavi, “Agwe Isilayeli, wulawa katali walema wutonji wangu, wukalema kuhulika 'ne no kuhemba nene. Langa wukawa kubita mwi'tunda litali, na mu masina ge mabici gono gadedewaye, wukawa kuhemba i milungu yinji.

Yelemiya 3:6

Kanyhi mu vilo vyo mutemi Yosiya, u Muwaha Mulungu yakanonjela yakatya, “Alu wule, waziwona zono yetumile Isilayeli, mono si mwihuwilwa? Hambi nha yakondya kundeka 'ne, kawa kubita mu matunda matali gose, na hasi ye mabici gose gono gena mahamha gadedewaye, kawa kwituma zo wusenyha wakwe.

Ezekiyeli 16:63

Nane baho, ho nolomunenelenyi i masutya genyu gose gono mwetuma. Ninga anye molowa mugakumbuciye no kukolwa cevu, hamba no kulonga cinji kanyhi.” Vyo yakutya u Muwaha Mulungu.

Ezekiyeli 36:31

Holeka nanye mokumbucila zinzila zenyu zimbi, ne metumo genyu gono si maswanu, nanye mokwiwona cevu, ku soko yo wubi wenyu hamonga ne mawifyo genyu.

Ezekiyeli 6:13

Ne mivimba yawo wose, yolowa yiyagaye mu vihwani vyawo, yipilime vikumbicilo vyawo. Kanyhi yinji yolowa yiyagaye mu vigongo vyose vitali, sunga na mu matunda gose. Sunga na mu masina ge mibici yose yono yidedewaye, na mu mibici yose yo munghola ye mahamha menji. Sunga ne hanhu hose hono wene walavizyaga makumbiko gawo ge vilavywa vinyanywe kuli vihwani vyawo. Na ku soko yiyo wose ho wolomanyila vyono ane yo nene Muwaha Mulungu.

Hoseya 14:3

Hambi Ashuli nha sikociponya yaye, hamba fwalasi zo wulugu sizosuma kucitaza. Hamba sicolotya kanyhi kuli vihwani vyetu vye milungu, vyono vyene yo Mulungu wetu. Gwe Muwaha Mulungu, wulajile lusungu kuli wawo wono wasina ku wubito.”

Hoseya 14:8

Waisilayeli, wowa wasina kanyhi cinji co kwituma kuli vihwani, nolowupitula no wulombe wawo no kuwadima nolowacitiza no mubeho kotya mubici wono wudedewaye. Hambi nha yo nene mono nili mwamulizo wo wulugutwe wawo wose.”

Hoseya 4:13

Wakulavya makumbiko, mucanyha ye vizuli vye matunda, kanyhi wakufusa no wuvumba mucanyha ye matunda na ha masina ge mibici mitali. Vyono mibeho yayo yikwendeza muno! Ku soko yiyo, holeka wana wenyu we cicekulu, wekaye nha malaya, ne wakwe zenyu we cicekulu nawo wakusenyha.

Hoseya 4:19

Wolosolwa nha wakukwenghwelezwa ne mbeho, nawo wolokozwa cevu ku soko ye makumbiko gawo ge vihwani.”

Walumi 6:21

Alu mwatuga cambuzi mu cici, kuli zizo zono mukuziwonela cevu alu? Ku soko mudumilizo wa zizo, nha yifwa.