Isaya 1:24 - Luganuzi Luswanu Kuli Wanhu Wose 2002

²⁴ Nalu muhulicize zono yakulonga u Muwaha Mulungu u Mudaha vyose, u Mulungu wa Isilayeli yakutya, “Alu, nowalipiciza walugu wangu, nawo si wongaza kanyhi.

Isaya 1:24 ပူးပေါင်းရင်းမြစ်များ

Mwamulizo 49:24

Ninga hamba nhavivyo, wupinde wakwe wukali wukamile. Ne miwoko yakwe, yikutuga vilungo vyono vikamile, kwe vilungo vyo Mudaha Vyose wa Yakobo.

Zabuli 132:2

Kanyhi 'gwe go Muwaha Mulungu, wukumbucile sunga no wihuwizo wono yakwihuwiza, no wilahize wono yakwilahiziza, agwe go Mudaha Vyose, go Mulungu wa Yakobo,

Isaya 12:6

Muwalekaje wose wono wekaye mu Sayuni, wembe ne mazi mawaha wawe kutya, Mulungu mono yelile we Waisilayeli, yo muwaha, kanyhi yekalane ne wanhu wakwe.”

Isaya 30:29

Ninga anye nyo wanhu wo Mulungu, molosangalala muno no kwimba nha vyono munozaga mu cilo ce sikukuu yono yelile. Kanyhi molosangalala nha wono wakujenda no mulilo we zifuluti, wakubita ku Nyumba yo Mulungu, u Muwaha Mulungu, u mudimi wa Isilayeli.

Isaya 35:4

Muwalonjele wono wena nhumbula nyoga, mutye, “Ale, mweze ne vilungo, mulece kuwa na woga! Mulungu kokuza no kumuponyenyi kokuza yawalipicize walugu wenyu.”

Isaya 49:26

Nane nowanoza wono wakukwiwonela wewulaje weneco wose. Nawo wogala no wiwulaji hamonga ne makuwo, Baho ne wanhu wose ho womanya vyono, ane yo nene Muwaha Mulungu, u Muponyi wako, ane yo nene u Mukombozi wako we vilungo wa Yakobo. Mono nghukuponya no kukuleka wuli mwelecele. Kanyhi ho womanya nha vyono yo nene Mulungu nili Muponyi wako, no Mukombozi wako na we vilungo wa Yakobo.”

Isaya 59:18

Kolowalipiciza i walugu wakwe mu nghango ya vyono wetuma, hamonga na wose wono wekaye mu zi'si zo kutali.

Isaya 60:16

Nago makungugo gose, hamonga ne watemi wawo, wose wokucelelela muno muno wowa nho nyina yo munhu vyono kamukocaga mwanagwe. Nagwe baho ho komanyila nha vyono ane no Muwaha Mulungu nakuponya. Na vyono Mulungu we vilungo wa Isilayeli yo Mukombozi wako.”

Isaya 61:2

Kanhuma ho niwalonjele vyono lipango lyafika, lyono u Muwaha Mulungu kowaponyezya wanhu wakwe, no kuwasumila kuli walugu wawo. Kanhuma ho niwasindamice wono wali mu wusungu.

Isaya 63:4

Nane nghatya, vyono, i cipango co kuwaponezya wanhu wangu, cakondya kufika, co cipango luno co kuwalipiciza i walugu wawo.

Yelemiya 50:34

Ninga mono kowaponya, yali vilungo muno, ne litagwa lyakwe yakucemwa u Muwaha Mulungu, we mihanga. Mweneco du yo kowakalalila no kuyiletela yisi mulamu. Ninga gowa magayo kuli wanhu wa Babiloni.”

Yelemiya 9:9

Alu'ne ho ndece kuwalipiciza so makani gago hongo? Hamba nolecelaci kwilipiciza ne likungugo lyono linha nhavivi? Vyo nghutya ane no Muwaha Mulungu.”

Ezekiyeli 16:42

Nane baho likuwo lyangu ho lilamalicila, niwe kusenjela. Nane si nolokolwa kanyhi ne likuwo, nhondo no wivu wangu ho wokuwucila.

Ezekiyeli 21:17

Nane nhavivilya, notowa maganza gangu, ne likuwo lyangu nhondo ho lyomalika. Vyo nghulonga nene no Muwaha Mulungu.”

Ezekiyeli 5:12

Lifungu lilongozi lye wanhu wako, wofwila mwi'kaya so matamwa na so nzala, lifungu lye kejete, awo wolowulajilwa kunze ye likaya no mumaje, nawo we lifungu lye kadatu lye ndumilizo, noloweyagaziza mwi'beho liwaha, hanyuma nowatyatilila no mumaje wangu.

Ezekiyeli 5:13

“Nanye baho ho mololiwonela nhondo likuwo lyangu hamonga no wukali wangu, sunga lono nolowa nayimala nhunduji yangu nene no mweneco. Na kolo zizi zejela, baho nanye nhondo, ho molomanyila vyono ane no Muwaha Mulungu yo nene mono nonjile zizo kuli 'nye, vyono ngholigwe likuwo muno so wula wihuwilwa wenyu.

Mika 5:15

Nane nologalipiciziza mwi'kuwo lyangu liwaha, makungugo gose gono gasina cihuliko kuli'ne.

Wukumbucize wo Wulajilize 28:63

Nha vyono Muwaha Mulungu yasangalala, yakamumotyenyi, no kumwinjifyenyi, yo nhavivyo kanyhi vyo kosangalala, kumongomezenyi no kumuhodanjenyi. Nanye mowuswa mu yisi yono mukwinjila muyiteme.

Wukumbucize wo Wulajilize 32:43

“Nanye nyo makungugo, muwapele lukumyo i wanhu wo Mulungu, hambi Mulungu nha kawalipicizaga wose wono wakuwawulaga. Kawalipicizaga walugu wakwe. Langa i wanhu wakwe, kawanenelaga wubi wawo.”

Wahebelaniya 10:13

Na kuko yalindiye sunga kolo i walugu wakwe wakuwikwa hasi ye migulu yakwe.

Wugubule 18:8

Na ku soko yiyo, i magazo gakwe gomwagana mwizuwa limonga, wutamwa, wukalale, ne nzala. Nayo konyanywa mu moto, hambi u Muwaha Mulungu mono yakumuling'aniza, nha yo Mudaha vyose.”