Isaya 1:2 - Luganuzi Luswanu Kuli Wanhu Wose 2002

² U Muwaha Mulungu yakutya, “Muhulicize ta nimulonjelenyi anye nyo wulanga ne yinze! Yo nene mono nawalisa i wana, kanyhi nghawawilusa, ninga alu, wakondya kumbedegala.

Isaya 1:2 ပူးပေါင်းရင်းမြစ်များ

2 Watemi 21:22

Yakamulema Muwaha Mulungu, u Mulungu we walezi wakwe, hamba si yakasaka no kugebata ne malajilizo go Muwaha Mulungu.

Zabuli 49:1

Hulicizenyi zizi, anye nyo wanhu wose! Tejenyi makutu genyu, anye wose mono mwikaye mono'nze,

Zabuli 50:4

Nayo yakuzicema wulanga ne yinze zize zihomelele, ziwone vyono yakuwaling'aniza wanhu wakwe.

Isaya 30:1

U Muwaha Mulungu yakutya, “I walongola wono watemile mu yisi ya Yuda, wose wali mu wongomezwe du, hambi nha wambedegala'ne. Wene 'mbi nha wakwituma zono zili mu mahweso gawo du, zono ane si niwakomboye wazitume. Kanyhi wakwilumbaniza no wilumbanize wono ane si niwakomboye wawunoze. Wakucila konjeleza wubi mucanyha yo wubi wunji.

Isaya 30:9

Hambi wene nha wasina cihuliko kuli Mulungu nhondo zose. Wekalaga wakulamba du, hamba si wendile no kugebata mejizo go Muwaha Mulungu yaye.

Isaya 31:6

U Muwaha Mulungu yakutya, “Anye nyo wanhu wa Isilayeli, mwakondya kunhendela wubi, hamonga no kumbedegala. Ninga aluno muwuye, mumbuyile nene!

Isaya 34:1

Alu muze nye nyo wanhu we makungugo gose! Mwihangulize hamonga muhulicize. Nagwe go yinze, hamonga ne wanhu wose mono mwikaye mumo, muze muhulicize.

Isaya 63:16

Hambi'gwe nha wuli sogo yetu. Sunga ne walezi wetu Abulahamu na Yakobo, si wacimanyile ase yaye. Ninga agwe go Muwaha Mulungu, agwe yo gwegwe sogo yetu. Yo gwegwe mono kuciponyaga nhondo zose.

Isaya 65:2

Nane nha niwikanize du nhondo zose ho niwabocele wanhu wangu wono wasina cihuliko, kanyhi wendile kwituma zimbi nha vyono wendile weneco, no kubita kono wendile.

Yelemiya 13:15

Nye nyo wanhu wa Isilayeli, u Muwaha Mulungu yakondya kulonga. Mweze wenenenyhezi, kanyhi muli cihuliko kuli mwene.

Yelemiya 22:29

Gwe go'si, gwe go 'si, gwe go'si! Wuhulicize ta zono Muwaha Mulungu yakulonga, yakutya,

Yelemiya 3:22

Holeka anye wose, mono mwali mwakondya kumuleka u Muwaha Mulungu wenyu, alu mumuwuyilaje nhondo. Nayo komuponyenyi, no kumunozenyi muwe wehuwilwa kuli mwene. Nanye mukutya, “Heya cikuza kuli'gwe go Muwaha Mulungu, hambi 'gwe nha yo gwegwe go Muwaha Mulungu wetu.

Yelemiya 31:9

Nawo i wanhu wangu, wolowa kulila, akuno wakulomba, mu cipango cono ane nolowa niwalongoze. Nane nowatonga sunga ko ku vikolongo vye malenga, nolowakoza mu nzila yono yitelemeye, ho walece kwikobala yaye. Hambi ane, nha nihwanile sogo yo munhu kuli Isilayeli, nayo Efulayimu, nha yo mwanangu mulongozi kulelwa.”

Yelemiya 6:19

Nagwe go 'si, wuhulicize! Wuwone vyono neza kugalipiciza i mahweso gawo, no kuwongomeza i wanhu wawa, hambi nha wagalema i mejizo gangu, hamba kuzibocela yaye zinghani zangu.

Ezekiyeli 24:3

Holeka i wanhu wangu wono wakondya kumbedegala, nghusaka wuwalonjele fumbo yiyi, yono ane no Muwaha Mulungu nghuwatya, Wutelece sufuliya mu moto, wuyimemye malenga twaa!

Ezekiyeli 36:4

Ninga aluno muhulicize zono ane no Muwaha Mulungu nghumulonjelenyi anye nyo matunda ne vigongo, nanye nyo mivwilo ye malenga, ne malolo, na kuli'nye nyo matongo, na kuli'nye nyo makaya gono mwatekwa no kusolwa ne makungugo gono gapilime.

Amosi 3:1

Muhulicizenyi nghani ayi, anye nyo wanhu wa Isilayeli yono Muwaha Mulungu yayilonga kuli'nye, anye nyo we likungugo lyose lyono yaliwusa ku Misili yakatya,

Mika 1:1

Ayi yo nghani yo Muwaha Mulungu yono yamuziza Mika, mono yali munya Molesheti mu vilo vya Yotamu, na Ahazi na Hezekiya i watemi wa Yuda. Muwaha Mulungu yamugubulila Mika zizi zose za muli Samaliya na Yelusalemi.

Mika 1:2

Ale muhulicize zizi anye nyo makungugo gose; muhulice zizi wose mono mwikaye mono'nze! Muwaha Mulungu, komuhomelelenyi, muhulicize! Yakulonga ku wulawa mu Nyumba yakwe yo wuhembelo ku wulanga.

Mika 3:8

Ninga ane, Muwaha Mulungu kamhela vilungo vyo muhe wakwe, hamonga no wusume, no wuling'anizi, kamhela 'ne vilungo, ho niwalonjele Isilayeli u wubi wawo vyono winha.

Malaki 1:6

Muwaha Mulungu we mihanga yakuwatya wakohani, “Mwana kamogopaga sogwe, no mutumwa nayo kamogopaga u muwaha wakwe. Ane nili sogo yenyu, alu nhawule si mukunyogopa? Nane ho nili mutwa wenyu, alu nhawule nha si munyogopile, langa mukunyihepa? Akuno kanyhi mukuwuza ti mukutya, Cikukwihepa wule?

Metumo ge Watumwa 4:20

Hambi nha si cosuma kuleka kuzilonga zono cawona no kuhulika.”

Wukumbucize wo Wulajilize 1:31

sunga na mu nyika. Kanyhi na vyono yamujendyenyi mu nzila yose mupolile, sunga yakamufisenyi hanhu baha, yakamudinghulenyi nha vyono sogo yo munhu kadinghulaga u mwanagwe we cilume.’

Wukumbucize wo Wulajilize 30:19

Holeka ane izuwali nghumupelenyi welecele, mwihagulile nyenye nyo weneco muli zizi zi nyejete, muli wumi ne lifwa, na muli wulugutwe wo Mulungu no wulijitwe wo Mulungu, nane nghusaka wulanga ne yinze, viwe vihomelezi vyenyu, kuli cono nyenye mocihagula. Ninga ane nghumutyenyi, muhagule wumi, ho mowumipa, nyenye, hamonga ne wana wenyu.

Wukumbucize wo Wulajilize 32:1

“Nye nyo'si no wulanga, muhulicize zinghani zangu, muteje makutu kuli zono nghulonga.

Wukumbucize wo Wulajilize 4:26

Nane nghuwutambula wulanga ne yisi, viwe wuhomelezi kuli 'nye izuwali, nha vyono, hono mwikale si muhulice 'ne, hodu, mokwajililila lukulu ku wulawa mu yisi yiyi, hamba si molokwijela kanyhi yaye. Kanyhi hamba si mosuma kwikala vilo vinji, mu yisi yiyo yono yili ku nhumbi ya Yoludani yono moyisola.