Isaya 1:19 - Luganuzi Luswanu Kuli Wanhu Wose 2002

¹⁹ Na hono muhulice 'ne, nanye molya vinhu viswanu vyono vikulawa mu'si.

Isaya 1:19 ပူးပေါင်းရင်းမြစ်များ

Isaya 25:6

Nayo Muwaha Mulungu we mihanga, kolowikaniza ndigwa mwi'tunda lili lya Sayuni, so makungugo gose ga mono'nze. Ndigwa yono yolowa ndigwa swanu muno, hamonga na divayi swanu muno.

Isaya 3:10

Ninga wanhu we ling'ani, wolowa wasangalaye, ne zinghani zose, zolowa swanu du kuli wene. Nawo, wolosangalalila kuli ze metumo gawo.

Isaya 58:14

ale, nanye ho moyisangalalila viswanu i nyemo yo kunyitumamila nene. Nane nomunozenyi muwe ne lilumbo yiwaha mono'nze yose. Nanye moyisangalalila muno muno yisi yono namupela mulezi wenyu Yakobo. Vyo nghutya, ane no Muwaha Mulungu.”

Isaya 65:13

Ninga nane nghumulonjelenyi nha vyono, wose wono wena cihuliko kuli'ne no kuhemba nene, wawo wolotuga ndigwa nyinji hamonga na co kung'wa. Ninga anye molowa muli nzala kanyhi mukaluce. Wene wolowa wasangalaye, ninga anye molokozwa cevu.

Yelemiya 21:8

Kanyhi u Muwaha Mulungu, yakanonjela vyono niwalonjele i wanhu nitye nhavi, “Ale, nanye nyo wanhu, u Muwaha Mulungu yakutya nhavi, ane no Muwaha Mulungu, nghumuwicilenyi ha mwande yenyu nzila nyejete, ho musume kwihaga nyenye nyo weneco, nzila monga muli zizo zinyejete, nazo zozino Nzila yo Wumi, ne Nzila ye lifwa.

Yelemiya 7:3

U Muwaha Mulungu we mihanga u Mulungu wa Isilayeli, yakutya nhavi. Muzipitule zinzila ze mikalile yenyu, hamonga ne makani mabi gono mwitumaga, holeka nayo komulecenyi mwikale hanhu baha.

Yelemiya 7:5

“Ninga langa muyipitule nzila yenyu ye mikalile yono mwikalilaga, mulecele lukulu kwituma i zimbi zono mwitumaga. Muwe kwitendela ze ling'ani munhu na muyagwe.

Yelemiya 7:7

Na hono mbeka muyipitule mikalile yenyu, nane nomulecenyi mwikale hanhu baha, mu yisi yono nawapela i walezi wenyu, wuwe wo wuhazi wawo.

Yoweli 2:26

Holeka nanye mowa na vinji vyo kulya, kanyhi mokwiguta. Nanye momukumya Muwaha Mulungu, u Mulungu wenyu, mono yetuma mapoto ku soko yenyu, nanye nyo wanhu wangu hamba simobedegalilwa lukulu kanyhi.

Walawi 25:19

Nayo yisi yolela mana gayo, nanye mosuma kuwa na vinhu vyose vyono mohila kulya. Kanyhi mokwikala mupolile.

Walawi 26:3

“Hono muwukamise wulajilize wangu no kwibata malajilizo gangu.

Walawi 26:5

Ne nhwanga yenyu yokonjelezeka muno, nayo yomunozenyi mujendelele kududula du sunga na mu mapango go kuhepela zabibu. Nanye mowa mukali mujendeleye kuhepa zabibu, sunga na mwidaha lyono lyowa lyo kupanha no kuhadika wuhemba. Nanye movituga vyose vyono mukuvisaka ku wulye, kanyhi mokwikala mupolile mu yisi yenyu.

Hagayi 1:12

Hobaho Zelubabeli na Yoshuwa ne wanhu wose wono walawa ku wuhamywe ku Babiloni, waketuma nha vyono Muwaha Mulungu wawo yawalonjela wetume. Nawo wakamogopa no kumuhulika muwizi Hagayi, mutumwa wo Muwaha Mulungu.

Wukumbucize wo Wulajilize 28:1

“Holeka hono mumogope Muwaha Mulungu, u Mulungu wenyu, hamonga no kwibata ko wihuwilwa i malajilizo gakwe gono nghumulajilizenyi izuwali, ale, nayo komunozenyi muwe yikungugo yiwaha lyono lyowa licizize makungugo ganji gose gono gali mononze yiyi.

Wahebelaniya 5:9

Nayo yaza kukwilanicizwa, yakawa wo mwamulizo wo wukombozi we cibitilila kuli wose wono wakumuhulika,