Isaya 1:18 - Luganuzi Luswanu Kuli Wanhu Wose 2002

¹⁸ Alu Muwaha Mulungu yakutya nhavi, “Ale, muze cilongane cizimale. Vyono hamba masutya genyu gawe madunghu ninga ane nomukwemenyi muwe wazelu swee nha seluji. Hamba gawe madunghu kasu, gowa mazelu swee, nho wukunzeje we ngholo nzelu.

Isaya 1:18 ပူးပေါင်းရင်းမြစ်များ

Jobu 9:33

Ninga lu, nha hasina munhu wo wose mono kosuma kwima hagati yetu. Hasina mono kosuma kuciling'aniza ane no Mulungu.

Zabuli 51:7

Wumbusize wubi, niwe nyelile, wunghweme, ne Hisopo niwe muzelu swee.

Zabuli 51:9

Ninga wulece kuwulanga wubi wangu, wupate masutya gangu gose.

Isaya 1:23

Ne walongola wako weza wagaluci, nalu wakondya kwiyenda ne wahizi, alu weza wabocelaga vipegwa hamonga ne mafupo. Wakondya kuleka no kuwataza, i wana wono wasina walezi, mu zinghani zawo, hamba kuwahuliciza bwete i wacekulu wafwile mu zinghani zawo.

Isaya 3:13

Muwaha Mulungu, yewikanize ho yalonje calo, yewikanize ho yawaling'anize wanhu wakwe.

Isaya 41:1

Mulungu yakutya nhavi, “Anye nyo zi'si zo kutali, munyamale du twii, muhulicize nene! Anye mwiwikanizaje du, mulete zinghani zenyu ku wuling'anizi, hambi nha motuga cilejeho co kuzilolosa. Cihangulizaje hamonga, ciduwane, cimumanye mono yali ling'ani.

Isaya 41:21

U Muwaha Mulungu, u mutemi wa Isilayeli yakutya, “Nye nyo milungu ye makungugo, ale mulete zinghani zenyu Mulonje nghani zono mwina nazo!

Isaya 44:22

Nakondya kuwupatila lukulu wubi wenyu nhe livunde. Holeka mumbuyilaje. Hambi nha yo nene du mono nghumuponyenyi.”

Isaya 50:8

hambi Mulungu nha yali behi nane. Na vyono kanyhi kombala ane sina wubi. Hambi nani kanyhi mono kokwijelela yesumanize nane? Ale, yaze cibitane ku mahakama yakasitace!

Isaya 55:7

Nawo i wanhu wabi, wayilekaje mikalile yawo mibi wagapitule mahweso gawo mabi, wamuwuyile Muwaha Mulungu, u Mulungu wetu. Hambi mwene nha yali lusungu, kanyhi mwene kawanenelaga wanhu mbela.

Yelemiya 2:5

U Muwaha Mulungu yakutya nhavi, “Alu i walezi wenyu wambona nina lisutyaci? Hamba nghani yono yikaleka wene wakundeka 'ne? Hambi wene nha wakahemba vihwani viseswe vyono visina cambuzi, na weneco wakawa wasina cambuzi.

Ezekiyeli 18:27

Ninga hono u munhu mubi yapituce, no kuwuleka wubi wakwe wono yali kwituma, ho yetume zo mugoloka na ze ling'ani, yuyo kowumipa.

Ezekiyeli 33:16

Nane nomunenela u wubi wakwe wose wono yetumaga, nayo kokwikala mumi, vyono lu yakwituma zo mugoloka na ze ling'ani.

Mika 6:2

Anye nyo matunda, nanye nyo misinji ye cibitilila ye yinze, muhulicize calo co Muwaha Mulungu kuli'nye, Muwaha Mulungu yena calo kuli wanhu wakwe, mwene yakubita kuyileta nghani yo kwilolosa kuli Isilayeli.

Metumo ge Watumwa 17:2

Nayo Pawulo nha vyono yali yazoweye, yakenjila mu nghang'anilo yo wuhembelo yakuwasimuliziza za mu Mandiko Gono Gelile mu Sabato yidatu.

Metumo ge Watumwa 18:4

Yakawa kulolosa mu nghang'anilo yo wuhembelo mu vilo vye Sabato vyose, yakujela kuwakwega Wayahudi ne Wagiliki.

Metumo ge Watumwa 24:25

Ninga Pawulo yaza kwamula kulolosa zo wiling'ano na zo wiyimile na ze ning'aniza yono yikuza, Feliki yakogopa muno yakatya, “Alu wubite, ninga nokucema kanyhi kolo natuga cilejeho.”

Walumi 5:20

U Wulajilize waza, wusutye ho wucile, ninga u wubi waza konjezeka, ilihewa likonjezeka muno muno.

Wugubule 7:14

Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swee.

1 Samwili 12:7

Ale, 'lu mwime, nimulonjelenyi hali Muwaha Mulungu, nimukumbucizenyi ze metumo mawaha gono Muwaha Mulungu yetuma, ho yamuponyenyi nyenye, hamonga ne walezi wenyu.