Isaya 1:16 - Luganuzi Luswanu Kuli Wanhu Wose 2002

¹⁶ Holeka alu, mwizuguze, mwiyeze, muwusize lukulu hali'ne, u wubi wono mukwituma, mulece kwituma vibi,

Isaya 1:16 ပူးပေါင်းရင်းမြစ်များ

2 Watemi 17:13

Ninga Muwaha Mulungu yali yakondya kuwasugula Isilayeli na Yuda, mu nzila ye wanhu wono yawatumaga, hamonga ne wawizi, yakuwalonjela yakutya, “Mupituce muzilece zinzila zenyu zimbi, mwibate wuhile wangu, ne mejizo gangu gono gali mu wulajilize, wono nawalajiliza walezi wenyu, nghamulonjelelenyi nanye mu nzila ye wetumami wangu wawizi.”

Zabuli 26:6

Ane nghwizuguza miwoko yangu, 'gwe go Muwaha Mulungu, ho ndajile vyono ane nili mutelevu, nghwilunza no wihangulize wo wuhembi, mu wupilime we cikumbicilo cako,

Zabuli 34:14

Wilegaje no wubi we mawala gose, witume ziswanu, wulondole mulamu, wuwutyatye.

Zabuli 37:27

Wuwuce mu wubi, witume ziswanu, holeka nagwe kokwikala mu'si cibitilila.

Zabuli 51:2

Wunyezeze lukulu wavu wangu, wunghweme wubi wangu.

Zimbazi 21:3

Nhondo zose, weze kwituma ze ling'ani na zo mugoloka, zono zikumwendeza Muwaha Mulungu, si nho kumulavizya makumbiko.

Zimbazi 4:27

Wilegaje mu zimbi, meso gako galanje ku mwande du. Hamba nghanzo yako monga du, yilece kupatuka mu nzila.

Isaya 52:11

Mumanye vyono wose mwakondya kuwuka mu Babiloni, anye wose mono muvidinghulaga viya vye Nyumba yo Mulungu! Kanyhi mulecele lukulu ku vipamiza vinhu vyavu, Mutuluce muwuce, akuno mwelile.

Yelemiya 18:11

Holeka luno, wuwalonjelaje i wanhu wa Yuda, hamonga ne wanyawusi wa Yelusalemi, nha vyono, nane nhondo, neza kwiwikaniza niwalipicize. Holeka wuwalonjele vyono, yiwanojeye walece kujendelela ne mikalile yiyo yo wituma wubi. Langa yiwanojeye luno wazipitule zinzila zawo, hamonga ne zimbi zono wakwituma.

Yelemiya 25:5

Wene wawizi wakamulonjelenyi wakatya, ‘Ale, mupituce muzilece zinzila ze mikalile yenyu mibi, na mu wubi wenyu wono mwitumaga, ho musume kubita kwinjila no kwikala mu yisi, yono u Muwaha Mulungu yamupelenyi nyenye hamonga ne walezi wenyu, ho yiwe wuhazi wenyu we cibitilila.

Yelemiya 26:3

Na lunji wanhu wohulika, wazilece zinzila zawo zimbi. Na hono wanoze nhavivyo, nane, si nowongomeza kanyhi, nha vyono nali nakondya kwihwesa niwongomeze, ku soko yo wubi wawo.”

Yelemiya 35:15

Nghamutumilenyi ne wetumami wangu wawizi kenji na kenji, nawo wakamulonjelenyi vyono mupituce, mugalece metumo genyu mabi, mwitume ze ling'ani. Kanyhi wakamusugulenyi mulece kuyihemba milungu yinji, hamba kuyitumamila, ho musume kujendelela kwikala mu yisi yono namupelenyi nyenye, hamonga ne walezi wenyu. Ninga hamba nhavivyo, anye si mwasaka kuhulika yaye, hamba kuzicelelela zono nghulonga.

Yelemiya 4:14

Gwe Yelusalemi, kweme mabi gose gono gali mu nhumbula yako, ho wupone. Alu ho kojendelela kwihwesa makani mabi sunga nili?

Amosi 5:15

Musule zimbi, mwende ziswanu no kwituma ze ling'ani mu mahakama. Nha lunji Muwaha Mulungu we mihanga kowa no lusungu kuli wanhu we likungugo lili, wono wakali wasigaye womi.

Yona 3:8

Wanhu wose yiwanojeye wavwale magunila, sunga ne mitugo nazo nhavivyo. Kanyhi yiwanojeye wose munhu na lwakwe, yalombe ko winenenyhezi kuli Mulungu, no kupituka no kuleka metumo gakwe mabi.

Zakaliya 13:1

“Muwaha Mulungu we Mihanga yakutya, vilo vivyo kolo vyafika, mumvilo wolodigulwa, wuweze wanhu we ndelo ya Dawudi, ne wanhu wa ha Yelusalemi, u wubi wawo hamonga no wuhemba milungu yinji.

Zakaliya 7:7

Zizi zo yalonda Muwaha Mulungu, mu milomo ye wawizi walongozi mu vipango vyono na Yelusalemi, likaya lyono lyelile, lyali likali lina no lukumyo, kanyhi limemile ne wanhu. Na lono wanhu wali wenji, wono wekalaga mu makaya, gono gali galipilime likaya, sunga na mu zi'si za kutakama, na mu mwalambalo wa mu matunda ga ku lubavu lwa ku mwezi.

Matayo 3:8

Ale, alu, mulajile mu metumo genyu, vyono mwanena mbeka mbeka.

Metumo ge Watumwa 22:16

Nhawule lu wukucela? Winukaje, wubaputizwe wuwusizwe lukulu uwubi wako, kuno wukulicemeleza ilitagwa lyo Muwaha.’

Walumi 12:9

U wendo wenyu, wulece kuwa na wukonji wo wose. Muzisulaje izimbi, muzinamatilaje iziswanu.

2 Wakolinto 7:1

Holeka nyo wendece, vyono cakondya kupegwa i vilagane vivyo, yicinojeye nase ciyeze muli zose zono zosuma kucitipiza mu miwili, sunga na mu zinhumbula zetu, ho ciwe celile muno muno, no kwikala mu mikalile yono yimogopile Mulungu.

Yakobo 4:8

Mumusejelelaje Mulungu, nayo komusejelelenyi. Kwemenyi miwoko yenyu nyo wahodanji! Mweze zinhumbula zenyu nyo wakoci!

1 Petelo 2:1

Holeka, lecenyi wubi wose: no wulambi, no wukoci, ne zinghani zose ze nhovu, vivyo vyose viwucile lukulu muli nyenye.

1 Petelo 3:11

Kanyhi yeleje ne zimbi, yetume ziswanu, yawulondole mulamu no kuwukamisa,

Wugubule 7:14

Nane nghamupitula nghamutya, “Muwaha, gwegwe wumanyile!” Nayo yakanonjela yakutya, “Wawa awa, wo wawalya wono wakola wapolile mugati yo wugaye wuwaha. Ne myenda yawo, wakayezeza mu sakami yo Mwana we ngholo, nayo yikawa mizelu swee.