1 Citabu cici cina wulolose we zinghani zono Mulungu yamugubulila Isaya u mwana wa Amozi, mu vilo vya Uziya, na Yotamu, na Ahazi, na Hezekiya, lono wali watemi wa Yuda na Yelusalemi.
Na mu mwaka we makumi mejete na mupunghati wo wutemi wa Yelobowamu we kejete, u mutemi wa Isilayeli, nayo Azaliya u mwana wa Amaziya, ho yanziza kuwa mutemi wa Yuda.
Na mu mwaka we makumi madatu ne 'cenda, wo wutemi wa Azaliya u mutemi wa Yuda, nayo Shalumu u mwana wa Yabeshi, ho yanziza kutema mu Isilayeli, yakatema mu Samaliya mwezi monga du.
Yakamutuma Eliyakimu u mulanjilizi muwaha we likulu, hamonga na Shabuna u mwandici, hamonga ne wakohani wakombi, wabite kuli muwizi Isaya u mwana wa Amozi, akuno wawe wavwalile magunila.
Yotamu yatema lono yali yaficile myaka makumi mejete na mihano, nayo yakatema mu Yelusalemi, myaka yikumi na mutandatu. U nyina yacemwaga Yelusha, u mwana we cicekulu wa Zadoki.
Ane niwuwona wugubulilwe we metumo go wukali, wugubulilwe wo wugaluci no wongomezwe. Lipuga lye wasilikale wa Elamu, likuhoma! Lipuga lye wasilikale wa Mediya, nalyo ligapilime makaya! Alu langa Mulungu kogawusiza lukulu magazo gono galetwa na Babiloni.
Kukawa mu vilo vya Ahazi u mwana wa Yotamu, kanyhi u mwizukulu wa Uziya, lono yali yatemile mu Yuda, wulugu wukaza. Lezini u mutemi wa Siliya, na Peka u mwana wa Lemaliya u mutemi wa Isilayeli, watemi wawa, wakayihoma Yelusalemi, ninga si wasuma kuyiteka yaye.
Nayo u Muwaha Mulungu, we mihanga yakuwalonjela i wanhu wa mu Yelusalemi, yakutya nhavi, “Nye nyo wanhu wa mu Yelusalemi, mulece kuwahuliciza i wakohani, zono wakulonga ye. Hambi nha wakumupelenyi witumbilo wo wulambi. Wakumulonjelenyi ze zindoto zawo weneco du, ninga ane vyo sinonjile yaye.
Ane mukohani Ezekiyeli mono nili mwana wa Buzi, nekalaga hamonga ne Wayahudi i wahamywa, he kolongo lya Kebali, mu yisi ya Babiloni. Ale, mwi'zuwa lye 'hano lya mu mwezi we kane, wa mu mwaka we makumi madatu, wulanga wukagubuka, nghagubulilwa no Mulungu.
Ayi yo nghani yono Muwaha Mulungu yamulonjela Hoseya, Mwana wa Beyeli, mu vilo vya Uziya, na Yotamu, na Ahazi na Hezekiya, lono wali watemi wa Yuda, na Yelobowamu mwana wa Yehowashi yali mutemi wa Isilayeli.
Azi zo nghani za Amosi, u mudimi munya kwi kaya lya Tekowa. Myaka myejete lono litulo lya mu'si lyali likali si naza, mu vilo vya Uziya lono yali mutemi wa Yuda, na lono Yelobowamu mwana wa Yowashi yali mutemi wa Isilayeli.
Mujendelele no kulavya mikate yenyu yo wulumbize kuli Mulungu, no kwilumbila mu vilavya vyono vizize ko winji vyono mukuleta! Ayi yo nghani yono anye mwendile kwituma.
Ayi yo nghani yo Muwaha Mulungu yono yamuziza Mika, mono yali munya Molesheti mu vilo vya Yotamu, na Ahazi na Hezekiya i watemi wa Yuda. Muwaha Mulungu yamugubulila Mika zizi zose za muli Samaliya na Yelusalemi.
Muwaha Mulungu yakawatya, “Alu, muhulice ta zono nghumulonjelenyi! Hono ho wali wawizi muli'nye, ane yo nene mono nghwilajila kuli wene mu nzila yo wugubulilwe, kanyhi nghulonganila nawo mu zindoto.