Hoseya 8:7 - Luganuzi Luswanu Kuli Wanhu Wose 2002

⁷ Ku soko vyono wakuhadika mbeho, holeka wolodudula mukukunzo! Migunda yo wuhemba siyolopisa hamba siyolosuma kulavya ndudula yo yose. Na hamba yize yilavye, iwajenzi wo woloyilya wayimale.

Hoseya 8:7 ပူးပေါင်းရင်းမြစ်များ

Mwamulizo 41:23

Na mu nyuma yayo, gawa kwijela kanyhi maso ganji mupunghati, gono gagugumiye gasina mhece, masisili, kanyhi ganyalile ku so mbeho ya mu nyika.

2 Watemi 15:19

Nayo Tigilati Pilesa, u mutemi wa Ashuli, yakenjila kwa vilungo mu Isilayeli, Menahemu yakamupela kilo makumi madatu za fweza, ho Tigilati Pilesa yalumbe kumutaza mu wudime we yisi yakwe.

2 Watemi 15:29

Na mwi'pango lyono Peka yali yatemile, lyo lipango lilyo, nayo Tigilati Pilesa mutemi wa Ashuli, lo yagasolela makaya ga lyoni, na Abeli-beti na Maaka, na Yanowa, na Kedeshi na Hazoli, hamonga ne zisi za Gileyadi, na Galilaya, na Nafutali. Yakawasola mateka ne wanhu wose yakawategula ku yisi ya Ashuli.

Jobu 4:8

Nha vyono mbwene nene, wanhu wono wakulima zimbi, no kuhadika zimbi nha mbeyu, nawo wodudula zizo zimbi du.

Zimbazi 22:8

Na hono wuhadice mbeyu zono si ze ling'ani, magayo gokuziza. Ne nghani yo kuwewonela wanji, yowuka.

Muganuzi 5:16

Nayo nghani yiyi yo 'mbi du muno muno. Ati du kowuya nha vyono yaza. Na mbeka yegazaga du na nghani ya bwete.

Isaya 17:11

Ninga wukumbucile nha vyono, mibici yiyo, hamba yiwe yikutula, no kulavya wuluwa wayo hakali mitondo muno, ninga agwe hamba si kodudula cinji yaye muli yene. Langa gowa magaziko no wusungu wuwaha wono si wulamalika yaye.

Isaya 55:2

Alu nhawulenyi mukwitumamila zipesa zenyu mu wugula vinhu vyono visina cambuzi? Hamba nhawulenyi mukwitumamila misahala yenyu, ninga hamba si mukwiguta yaye? Alu nane nghumutyenyi nhavi, ta muhulicizaje nane zono nghulonga ye, holeka nanye moyisangalalila ndigwa swanu yono yicizize ndigwa zose.”

Isaya 66:15

Langa ta! U Muwaha Mulungu kolokuza nha moto. Kolokuziza mu mabawa ge civulavumbi, yawaling'anize wose wono yawakoleywe likuwo.

Yelemiya 12:13

Hambi i wanhu wangu, nha wahadika wuhemba, ninga wakadudula mabeleje du. Na mbeka, wetuma mulimo mukamu muno hamba kutuga cambuzi yaye. Heya, si watuga nhwanga yaye ku soko ye likuwo lyangu likali.”

I Cililo 5:2

Hambi zisawo zetu zose, nha zeza zili mu miwoko ye wajenzi. Kanyhi wawo wajenzi, wo wekaye na mu zikaya zetu.

Hoseya 2:9

Holeka ku soko ya zizo, mu cipango ce nhwanga, nolowusa vipegwa vyangu vyo wuhemba ne divayi. Na kanyhi, nolosola myenda yangu yono namupela ho yavwale.

Hoseya 7:9

Hamba si wakumanya vyono witumbilo wawo wuwo wa muli wajenzi, wakondya kuwahiziza vilungo vyawo. Na vyono vilo vyawo viwale, ninga wene hamba si wakumanya yaye.

Hoseya 9:16

Waisilayeli wehwana mubici wono wunyalile milela yayo, wono si wukulela mikalo kanyhi. Holeka wowa wasina wana, na hono wawatuje, ane nowawulaga i wana wono wendigwe muno nawo.”

Nahumu 1:3

Langa mwene Muwaha Mulungu, sikakolwaga ne likuwo mbela, ninga yali vilungo, hamba sikalekaga kuwulipiciza wubi. Ho hose hono Muwaha Mulungu yakukola, cijelaga civulavumbi. Ne mavunde, go manghundi gono galawaga mu magulu gakwe.

Hagayi 1:6

Mulanje ta, anye mwahadika mbeyu nyinji, ninga mwadudula wucefu du, mukulya, ninga simukwiguta yaye, mukung'wa divayi, ninga hamba simukuca ng'o, mukuvwala myenda, ninga siyikukondya kumupenyi civuce. No munhu mono yakwituma milimo, u musahala wakwe, wukuwa nha wutajilwa mu mufuko wono wutoboce-toboce.

Wagalatiya 6:7

Mulece kukongwa, u Mulungu si wakunozeza nzwaji. Cono u munhu yakucihadika, co cico du co kolodudula kanyhi.

Wagalatiya 6:8

Mono yakuhadika ze masulumizi ge ciyinze-yinze, kolodudula mumo wuhodanjice, ninga hono yahadice zo Muhe, kolodudula mu Muhe u wumi we cibitilila.

Wukumbucize wo Wulajilize 28:33

“Nalyo likungugo lijenzi, lyoyikungha nhwanga yenyu yose, yono mwayitumamila milimo miwaha muno muno, ha wulimile. Nanye mokwiwonelwa du no kutendelwa vibi.