Hoseya 8:10 - Luganuzi Luswanu Kuli Wanhu Wose 2002

¹⁰ Holeka luno ane nowakonghola hamonga, ho niwalipicize. Nawo wokwinyongola ko wusungu musunho, lono mutemi wa Siliya yakuwatendela ko wukali.

Hoseya 8:10 ပူးပေါင်းရင်းမြစ်များ

2 Watemi 14:26

Muwaha Mulungu yakagawona magazo gono wagazikaga Waisilayeli, na vyono hakawa hasina hamba munhu wo kuwataza.

2 Watemi 17:3

U mutemi Shalamanesa wa Ashuli, yakehoma na Hosheya. Hosheya yakasumwa na Shalamanesa, yakawa yakulavya kodi kuli Shalamanesa mu myaka yose.

2 Watemi 17:4

Ninga hamba nhavivyo, mu mwaka wunji, nhondo, Hosheya yakatuma wanhu kuli mutemi wa Misili yakulomba wutazi, nhondo yakawa kuleka no kulipa kodi kuli Shalamanesa mutemi wa Ashuli. Ninga nayo mutemi Shalamanesa yali yeza kuzimanya zizo, hobaho yakawa kumwibata Hosheya, yakawa kumufunga mu jela.

1 Zinghomo 5:26

Holeka nayo Mulungu yakamuleka Pulu u mutemi wa Ashuli, mono hanji yacemwaga Tigilati Pilesa yayisole yisi yawo. Yakawahamya wo mulango wa Lubeni, na wa Gadi, hamonga na we nusu ya wo mulango wa Wamanase wono wekalaga ku lubavu lwa kucilima, yakawategula wekale ku Hala, na Haboli, na Hala, sunga ko kwi'kolongo lya Gozani. Nawo wakekala kuko sunga nalu.

Isaya 10:8

Kanyhi yakwilumba yakutya, “I wawaha wose we wasilikale wangu wo wulugu, wose watemi!

Isaya 30:2

Wakubita kulondola wutazi ku Misili, akuno si wamuye kumbuza 'ne. Ati wakusaka yisi ya Misili yo yiwadime, na ku soko yiyo holeka 'lu, wamwitumbila muno u mutemi wa Misili.

Isaya 36:13

Hodu nhondo mwitumami yuyulya, yakenuka yakema wima, yakawa kwanza kuzoza mu nonga ye Cihebelaniya, yakutya, “Ale, wose muhulicize zono mutemi wa Ashuli yakumulonjelenyi.

Yelemiya 42:2

wakanonjela wakutya, “Gwe Yelemiya, cikukunena wucinozeze zono cikukuhila! Ase cikukulomba, wucilombele ase wose mono cisigaye. Hambi nha cali cili wenji, ninga luno casigala cili wanhu wacefu du, nha vyono nagwe wukuciwona.

Ezekiyeli 16:33

Kanyhi cimanyile nha vyono i wacekulu wasenyha, wo wakuwa kuhongwa ne walume, ninga agwe, yo gwegwe mono kuwahongaga i wendece wako wose we cilume, kuwa kuwakwejeleza ku wulawa hanhu hose, ho waze wagonane nagwe.

Ezekiyeli 16:37

Ku soko ya zizo zose, nane lu, nowakonghola hamonga i wendece wako wose, wono wuwendile, na wono wuwasulile. Nowaleta hali'gwe niwatandalice, wakupilime, hanyuma, nghugubule myenda yako, niwalece waciwone cipwi cako.

Ezekiyeli 22:20

nha vyono wakongholezaga mabwe ge fweza, ne shaba, ne cuma, ne lisasi, ne mabati, wavitajila mwi'tyanilo, ho vifugutizwe no moto no kuvyenjedula. Nhavivyo nane vyo nomukongholezezenyi mwi'kuwo lyangu na munhunduji yangu, nimwenjedulenyi.

Ezekiyeli 23:5

Ninga Ohola, hamba yawe yali wangu, hamba nhavivyo yajendelela du no wumalaya wakwe. Yaketipiza muno ne wendece wakwe wa ku Ashuli.

Ezekiyeli 26:7

Muwaha Mulungu yakutya, “Nomuleta Nebukadineza u mutemi muwaha mono yacizize watemi wose, u mutemi wa ku Babiloni, yayihome Tulo. Nebukadineza kolokuza ne lipuga yiwaha muno lye wasilikale, ne zifwalasi, ne matuka go wulugu, hamonga ne wasilikale wapanda fwalasi, yakulawilila ku lubavu lwa kusumuka.

Danyeli 2:37

Gwe mutemi, agwe yo gwegwe mono wuli mutemi muwaha muli watemi wose. Mulungu wa ku wulanga yakupela wuwaha no wusume, ne vilungo, hamonga ne lilumbo.

Hoseya 10:10

Nowebata wanhu awa wanya wubi niwalipicize. Ne makungugo golokwihanguliza hamonga ho gehome nawo, wololipicizwa so wubi wawo vyono winji.

Hoseya 12:2

Nayo Muwaha Mulungu, yena nghani yono yakuhila kuleta kuli wanhu wa Yuda, na kanyhi kowalipiciza Waisilayeli, ku soko ye metumo ge wanhu wayo. Mwene kolowalipa so wubi wawo wono wetuma.

Hagayi 2:6

“Hanyuma nosinjisa wulanga ne yinze, yisi ne lilenga.