Hoseya 7:8 - Luganuzi Luswanu Kuli Wanhu Wose 2002

⁸ Muwaha Mulungu yakutya, “Waisilayeli weza kotya mukate wono si mupitulwe. Wene wetumbiye makungugo gono gawapilime.

Hoseya 7:8 ပူးပေါင်းရင်းမြစ်များ

1 Watemi 18:21

Nayo Eliya yakawabitila wanhu yakawatya, “Alu mwene, mojendelela kukangamyanga mu mahweso mejete sunga nili? Hono Muwaha Mulungu yo Mulungu, ale muhembenyi yuyo du, na hono mukuwona vyono Baali nayo Mulungu, ale muhembenyi yuyo!” Ninga wanhu wose wakanyamala twii.

Ezila 9:1

Zizi zali zeza kukondya kwituma, wanji wa muli walongola wa Isilayeli, wakanyiziza no kunonjela vyono, i wanhu hamonga ne wakohani ne Walawi, siwasuma kwisiwanula ne wanhu we zi'si zono zali ziwapilime, ze Waamoni, Wamowabi, Wamisili hamba Wakanani, Wahiti, Wapelizi, Wayebusi, ne Waamoli. Wajendelela kwituma wubi wono i wanhu wawa wetumaga.

Ezila 9:12

Kanyhi wawizi wawa, wakacilonjela vyono, cilecele lukulu kwitolanila ne wanhu wawe hamba kuwalondolela mulamu hamba kuhanga nawo wumoteswe hamba kuwega mikalile yawo, hono mbeka ciwe cikusaka kwikala viswanu mu'si, kanyhi nase ho cize ciwalecele we zindelo zetu wuhazi we yisi yiyi cibitilila.

Zabuli 106:35

Ninga wene vikelunza hamonga ne wanhu we makungugo, sunga wakeyijiza no kwituma metumo gawo.

Hoseya 5:13

“Nayo Isilayeli yali yeza kuwona vyono yatamwa, nayo Yuda yali yeza kuziwona zinghomele zakwe, hodu Isilayeli yakawa kubita ku yisi ya Siliya kulondola wutazi kuli wutemi wuwaha, ninga hamba nhavivyo, nayo hamba si kosuma kuwaponya, hamba kuzinoja zinghomele zawo.

Hoseya 5:7

Vyono wene wali si wehuwilwa hali Muwaha Mulungu, sunga ne wana wawo wali si wakwe yaye. Holeka nalu wene hamonga ne'si yawo, wokongomezwa musunho.

Hoseya 7:9

Hamba si wakumanya vyono witumbilo wawo wuwo wa muli wajenzi, wakondya kuwahiziza vilungo vyawo. Na vyono vilo vyawo viwale, ninga wene hamba si wakumanya yaye.

Hoseya 9:3

Ne Waisilayeli siwokwikala mu'si yo Muwaha Mulungu, langa wowuya ku Misili, nawo wowa kulya ndigwa yono si swanu kuko ku Ashuli.

Zefaniya 1:5

Kanyhi nomuwusiza lukulu munhu wo wose, mono kabitaga mwi'tembe mucanyha, kawa kuvihemba lizuwa no mwezi sunga ne zinyelezi. Kanyhi nowawusiza lukulu wose wono wahembaga nene, no kwilahiza vyono wena cihuliko kuli'ne, na kuno kanyhi, ho wakwilahiza kuli mulungu Moleki.

Malaki 2:11

I wanhu wa Yuda, wakondya kuwubena wihuwizo wawo hali Mulungu, no kwituma zo wubi mu Yelusalemi, na mu yisi yose. Wayihodanga Nyumba yo Mulungu yono Muwaha Mulungu yayendile. Wanhu watola iwacekulu wono wakuhemba imilungu mijenzi.

Matayo 6:24

“Hasina mwitumami mono kosuma kuwetumamila watwa wejete. Ku soko nha komusula yumonga, no kumwenda yulya we kejete, hamba lunji komutyatya yumonga du, no kumubedegala ayulya muyagwe. Holeka si mosuma kumwitumamila u Mulungu hamonga ne zisawo.”