Hoseya 7:7 - Luganuzi Luswanu Kuli Wanhu Wose 2002

⁷ “Mu moto we likuwo lyawo wakawawulaga walongola wawo. Ne watemi wawo wakawa kuwulagwa yumonga yumonga, ninga hasina hamba monga mono yakulomba wutazi kuli'ne.”

Hoseya 7:7 ပူးပေါင်းရင်းမြစ်များ

1 Watemi 15:28

Na zizi zejela mu mwaka we kadatu wo wutemi wa Asa, mutemi wa Yuda. Na ku soko yiyo, Baasha yakawa yamusuma Nadabu u mutemi wa Isilayeli.

1 Watemi 16:18

Nayo Zimuli, yaza kuwona vyono likaya lyakondya kusolwa, hodu, mwene yakawa kubita kwihundika mu cinyumba, cono cali cizenjigwe mugati mwigomawakali lye likulu. Yakawa kulikoleleza likulu no moto, nayo yakawa kufwila mumo.

1 Watemi 16:22

Ninga ku ndumilizo, awalya wono wamusakaga Omuli, wakawasuma wayawo. Tibuni yakafwa, na Omuli yakawa yo mutemi.

2 Watemi 10:14

Hobaho Yehu yakawalajiliza wanhu wakwe, yakatya, “Ale, muwebataje womi!” Nawo wakawebata womi. Nayo yakawawulajila baho behi ne cilamba. Nawo wali waficile hamonga wanhu makumi mane na wejete liwalo lyawo. Na hasina hamba monga mono yapona.

2 Watemi 10:7

Nawo walongola we likaya lya Samaliya, wali weza kuyibocela baluwa yiyo, hodu ho baho baho, wakawebata iwana wose wo mutemi Ahabu, wakawadumula mitwe yawo, wakayipanga mu zinhoto, wakamutegulila Yehu ku Yezeleli.

2 Watemi 15:10

Nayo Shalumu u mwana wa Yabeshi, yakawa no wuhile wubi kuli mutemi Zekaliya, holeka yakamuwulajila ku Ibileyamu, mwene yakawusola wutemi.

2 Watemi 15:14

Hobaho Menahemu u mwana wa Gadi yakatuluka ku wulawa ku Tiliza, yakabita ku Samaliya, yakamuwulaga Shalumu, yakawusola mweneco wutemi.

2 Watemi 15:25

Hakawa no mwitumami yunji wa Pekahiya, mono yali yo citung'ati wa Pekahiya we milewo, mono yacemwaga Peka, u mwana wa Lemaliya. Yuyo hamonga ne wanhu wanji waficile makumi mahano wanya Gileyadi, wakawa no wuhile wubi kuli Pekahiya, wakamuwulajila mwigomawakali lya mugati ye likulu, kuko ku Samaliya. Mwene Peka yakahala wutemi wakwe.

2 Watemi 15:30

Na mu mwaka we makumi mejete, wo wutemi wa Yotamu u mwana wa Uziya, u mutemi wa Yuda, Hosheya, u mwana wa Ela, yakawa no wubi kuli mutemi Peka, yakamuwulaga. Mwene Hosheya yakasola wutemi wakwe.

2 Watemi 9:24

Ninga Yehu yakawutawika wupinde wakwe, yakawukwega kwe vilungo vyakwe vyose, yali yeza kuyilecela songa, yikaficila mu mugongo wa Yolamu, yikaguma yikatoboza mo mu nhumbula yakwe, hodu hobaho Yolamu yakawa kugwa mugati yo mutuka wakwe, yakondya kufwa.

2 Watemi 9:33

Yehu yakawalonjela wawo yakawatya, “Mugumilenyi mucekulu yuyo hono hasi.” Hobaho nawo wakamwibata wakamugumila ho hasi. Ne sakami yakwe yikamizucila mwijinji, sunga na mu zifwalasi mose. Nayo Yehu yakawa kukoza mutuka wakwe hamonga ne zifwalasi zakwe mucanyha yo muwili wa Yezebeli, akuno yakwinjila mwi'kulu.

Jobu 36:13

“Na wose wono wamusina Mulungu mu mikalile yawo, wekalaga wena makuwo. Hamba watuje wulipicizwe, wene si walombaga wutazi yaye.

Zabuli 14:4

Alu Mulungu nayo yakutya, “Mwene wawo wono wakwituma makani wubi, alo wasina wizuce lo? Wono wakuwahiziza wanhu wangu, hamba si wakuhemba ane yaye.”

Isaya 43:22

U Muwaha Mulungu yakutya nhavi, “Ninga anye nyo nghungugo ya mwali Isilayeli mwakondya kunghatala, kanyhi hamba si mwendaga no kuhemba nene.

Isaya 64:4

Kanyhi hasina hamba munhu monga mono yamuwona, hamba kuhulika zo Mulungu yunji wo wose mono yehwanile gwegwe, mono ketumaga metumo gono genha gaga, kuli wose wono wamwitumbiye.

Isaya 64:6

Nase wose cili wanyo wubi, sunga ne metumo getu gono gakwijela nha maswanu, gose gatipiye du. Na ku soko yo wubi wetu, ceza cihwanile nhe mahamha gono ganyalile gakuputwa no kupemheluswa ne mbeho.

Isaya 64:7

Heza hasina hamba yumonga mono yakukulomba, hamba mono yakulondola wutazi kuli'gwe. Hambi nha wihundice hali'se, kanyhi wakondya kucileka ku soko yo wubi wetu.

Isaya 9:13

Nawo wanhu wa Isilayeli, wakali du sinanena, hamba yiwe Muwaha Mulungu we mihanga yakondya kuwalipiciza, ninga hamba si wakumuwuyila ng'o.

Ezekiyeli 22:30

Nane nghalanga-langa, ho nhuje munhu muli wene mono kosuma kulizenga lijinji, na mono kosuma kwima i hanhu hono majinji gamwaguce, ho yasume kuyitaza yisi, lono nane neza kuyongomeza yisi kwe likuwo lyangu. Ninga si namutuga yaye hamba monga.

Danyeli 9:13

Wukucilipiciza ko wulipicizwe wose, wono wukulongwa mu Wulajilize wa Musa. Ninga hamba nhavivyo, 'gwe go Muwaha Mulungu, go Mulungu wetu, nase cikali napituka, ciwulece wubi wetu hamba kuyityatya i mbeka yako, ho cikwendeze gwegwe.

Hoseya 13:10

Mukalomba mutemi ne walongola, ninga woliponya nhawule likungugo?

Hoseya 5:15

“Nane nowaleka wanhu wangu wagaye mu nghango yo wubi wawo, sunga waze wanondole 'ne. Na mumo lunji mu wugaye wawo, mo wolosuma kunondola wahidimbaye sunga wambone.”

Hoseya 7:10

No wiwoni we Waisilayeli wukuwahomelela weneco, ninga muli zizo zose zono zejela, hamba siwasuma kumbuyila ane no Muwaha Mulungu, u Mulungu wawo.

Hoseya 7:14

Hambi nha si wakusuma kulomba kuli 'ne kwe nhumbula yo winenenyhezi yaye, langa wakwigwisa no kwigalagaza hasi nha vyono wanozaga wono si wamumanyile Mulungu. Na lono wakulomba so wuhemba ne divayi, wakwisalanga-salanga mu miwili no kwipela nghomele nha wono si wamumanyile Mulungu. Nhondo hamba watye, wo wubedegazici waco wuwu.

Hoseya 8:4

“Wanhu wangu wakwihagulila watemi, ninga wakwituma zizi wali wene. Wakwiwicila wawaha hamba kwilumbaniza nane ng'o, wakusola fweza zawo na zahabu, wawa kunoza vihwani so wongomele wawo weneco.

Mika 2:1

Woyi he, kuli wono wagonaga meso wakwihwesa zo wavu! Na lono wela hakali mitondo, kolo wakutuga cilejeho du, hodu wawa kwituma zizo zo wavu zono wali wazipanjile, hambi nha zili mu vilungo vyawo.