Hoseya 7:4 - Luganuzi Luswanu Kuli Wanhu Wose 2002

⁴ Wene wose wakoci, kanyhi hamba si wehuwilwa. Ne likuwo lyawo, likwaka nha moto mu mafigwa, wono si mufwanghane, sunga muteleci kolo yakondya kuwutiwa wusaje we cisase, na kolo wakondya kutumba, ho wutelekwe.

Hoseya 7:4 ပူးပေါင်းရင်းမြစ်များ

Yelemiya 23:10

Alu yisi yose yimemile i wanhu wono si wehuwilwa kuli Muwaha Mulungu, hambi wanhu nha wekaye mu mikalile yo wituma ze metumo mabi, ne vilungo wasoceye. Nalu yisi yikulila ku soko ye lilijito lyo Muwaha Mulungu, no wudimo wose wakondya kunyala.

Yelemiya 9:1

Na mbeka, nali nyende u mutwe wangu wanda wuwe yisima lya malenga, ne meso gangu galavye mivwilo ya mahozi, ho sume kulila misi ne cilo, ku soko ye wanhu wangu wono wakondya kuwulagwa.

Yelemiya 9:2

Na mbeka, nali nyende nhuje hanhu ho kwikala ku nyika, hono nosuma kuwa kutali ne wanhu wangu. Hambi wene, wose nha si wehuwilwa, lipuga lye wagaluci.

Hoseya 4:10

Molya lifungu lyenyu lye vilavywa, ninga hamba simokwiguta ng'o. Nanye mohemba milungu yono yina lulelo, ninga hamba simotuga wana ng'o. Ku soko vyono mwakondya kundeka 'ne, no kuyihemba milungu yinji.”

Hoseya 4:12

Wakulomba wugubulilwe ku wulawa mu cihwani ce libici! Ne nghome yawo yo wuganga, yo yikuwalonjela zono wakuhila wene kuzimanya! Mbeka, wakondya kundeka 'ne. Wakondya kwiyilavya kuli milungu yinji, kotya mucekulu malaya.

Hoseya 4:2

Wakunoza cilagane no kucibena, kanyhi wakulamba, no kuwulaga, wakuhiza no kwituma zo wusenyha. Wubena wulajilize, nawo wukonjezeka, na ko wuli wuwulaji ako na ako.

1 Wakolinto 5:6

Nye wayangu, u wilumbe wenyu wuwo, si wuswanu hamba hadodo! Alu si mumanyile vyono cisase cidodo du, cikuwa kutajila cisase mwibumundwa lyose lyo wusaje?

Yakobo 4:4

Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze, yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.