Hoseya 7:3 - Luganuzi Luswanu Kuli Wanhu Wose 2002

³ Muwaha Mulungu yakutya, “Wanhu wamukonga mutemi ne wawaha wakwe, ko wuhile wawo wo wubi.

Hoseya 7:3 ပူးပေါင်းရင်းမြစ်များ

1 Watemi 22:13

I wetumami wono wakabita kumucema Mikaya, wakamulonjela Mikaya wakatya, “I wawizi wanji wose wamuwilila mutemi nha vyono kosuma du. Holeka nagwe wubite wukalonje nha vivyo.”

1 Watemi 22:6

Hodu Ahabu yakawakonghola wawizi waficile magana mane, yakawawuza yakutya, “Ati, wulenyi, mbite nghayihome Lamoti, hamba ng'o?” Nawo wawizi wakamutya, “Heya wubite, hambi u Muwaha Mulungu nha kokupela wusume.”

Yelemiya 37:19

Hamba wali hayi lu i wawizi wenyu wono wamuwililenyi wakutya vyono, mutemi wa Babiloni si kolokuza yakuhome yaye hamba kuyihoma yisi yiyi?

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

Yelemiya 9:2

Na mbeka, nali nyende nhuje hanhu ho kwikala ku nyika, hono nosuma kuwa kutali ne wanhu wangu. Hambi wene, wose nha si wehuwilwa, lipuga lye wagaluci.

Hoseya 10:13

Ninga anye mwahadika wavu, no kududula nhwanga yayo. Alu mwakondya kulya mikalo yono yikulawilila mu wulambi wenyu. Ku soko vyono mwali mwitumbiye matuka genyu go wulugu, ne wasilikale wenyu vyono wenji.

Hoseya 11:12

Muwaha Mulungu yakutya, “Waisilayeli wamhilima hamonga no wulambi no wukonji. Ne wanhu wa Yuda nawo, wakali wakunema 'ne no Mulungu mwihuwilwa, Mono Yelile.

Hoseya 4:2

Wakunoza cilagane no kucibena, kanyhi wakulamba, no kuwulaga, wakuhiza no kwituma zo wusenyha. Wubena wulajilize, nawo wukonjezeka, na ko wuli wuwulaji ako na ako.

Hoseya 5:11

Isilayeli yakugaya so wiwonelwe, hambi nha yakondya kwajiliza yisi yono yali ling'ani yakwe, vyono mwene yabita kulondola wutazi, kuli wono si wosuma kumupela wutazi wo wose.

Hoseya 7:5

Mwi'zuwa lye sikukuu yo wukumbucile wo wuwikwa mwi'goda mutemi, wakamunoza mutemi hamonga ne wawaha wakwe, wakang'wa muno divayi sunga wakagala.

Mika 6:16

Na zizi zolomuzizenyi ku soko vyono mwagatyatya metumo mabi go mutemi Omuli, na go mwanagwe mutemi Ahabu. Vyono mukujendela mu zinghani zawo, holeka nane nomutegulenyi sunga ko ku wongomezwe, ne wanhu wose womubedegalenyi, no kumwitumilenyi vyono wakuhila.”

Mika 7:3

Wose wanghula muno ku wituma zo wavu. Wanhu wawaha hamonga ne mahakimu, wakulomba mafupo. Nayo u munhu muwaha yakuwalonjela zono yakuhila mu nhumbula yakwe nawo wawa kwilumbaniza nayo.

Walumi 1:32

Ninga wene kuno ho wamanyile i lilajilizo lyo Mulungu nha vyono, iwanhu wono wakwituma i makani gono genha gago, yiwanojeye kufwa. Hamba nhavivyo, si vyono wakwituma makani gago weneco du, ninga wakwendezwa kanyhi sunga na wono wetumaga imakani gago.

1 Yohana 4:5

I wene walongaga za mononze, nayo yinze yikuwa huliciza vyono wene wo wa mononze.