Hoseya 7:2 - Luganuzi Luswanu Kuli Wanhu Wose 2002

² Hamba siwakwihwesa mu zinhumbula zawo, vyono nowukumbucila wubi wuwu wose, no wubi wawo wuwapilime, hamba si wihundice ho ndece kusuma kuwuwona.”

Hoseya 7:2 ပူးပေါင်းရင်းမြစ်များ

Jobu 34:21

“Hambi meso gakwe nha galangaga zinzila ze wanhu

Zabuli 10:11

Nayo munhu mubi kehwesaga mu nhumbula yakwe yakutya, “U Mulungu si kacelelelaga cinji, yafufunize, hamba si yakumbona yaye.”

Zabuli 25:7

Wulece kuwukumbucila wubi wo wuzelelo wangu, wunenelaje ne masutya gangu, wunghumbucilaje so lusungu lwako, ko wuswanu wako 'gwe go Muwaha Mulungu.

Zabuli 50:22

“Ale ta mwihwesaje viswanu ze nghani yiyi, anye wose mono mumbedegaye, ale mwilanjililaje, ane nomongomezenyi wose, hamba hasina mono kosuma kumuponyenyi yaye.

Zabuli 9:16

U Muwaha Mulungu kelajila mu ning'aniza yakwe ye ling'ani, Ne wanhu wabi wegwiza weneco mu metumo gawo mabi.

Zabuli 90:8

Hambi'gwe nha wuwumanyile wubi wetu, nagwe kuwanzalikaga wubi wetu ko wuzelu wako.

Isaya 1:3

Hamba ne zing'ombe, nha zimumanyile mono yazisawile, ne zindogowe nazo, zimanyile manyi manyi hanhu hono mutwa wawo kazidimilaga. Ninga woyi hee! I wanhu wangu Waisilayeli si wamanyile yaye, hamba kwizuka du bwete.”

Isaya 26:16

Gwe go Muwaha Mulungu, wawalipiciza wanhu wako nawo wakahidimbala kukulomba ko wusungu wuwaha muno.

Isaya 44:19

Nayo yuyo mono kasesaga vivyo vihwani, yasina hamba lihweso lyo kutya, “Alu mwene mabici ganji ge libici lili, nha nigapembela. No moto wayo nhelecela ndigwa yangu, kanyhi nghasicila ne nyama yangu, niwa kuyilya. Hanyuma libici lyono lisigaye niwa kusesa cihwani. Naluno nicifugamiye cihwani ciseswe co mubici wu wulya!”

Isaya 5:12

Na mu zi sikukuu zenyu, mwendile kutowa masumbi, ne zindonondo, ne misesele, ne fuluti, hamonga no kung'wa divayi. Ninga hamba si mwendile kwihwesa ze metumo go Muwaha Mulungu hamba kuyimanya i milimo ye miwoko yakwe.

Yelemiya 14:10

Kanyhi u Muwaha Mulungu, yakulonga kuli ze wanhu wawa, yakutya nhavi, “Ninga wene wendile kunhiza'ne, akuno hamba si wakusuma no kwiyimila kose. Holeka nane si nghwendezwa nawo. Alu nane nogakumbucila i makani gawo mabi, niwalipicize ku soko yo wubi wawo.”

Yelemiya 16:17

Hambi'ne, nha nghuziwona zose zono wakwituma, hasina hamba cinji co cose cono cihundicigwe ha meso gangu. No wubi wawo wose nha wijeye du calinze ha meso gangu.

Yelemiya 17:1

U Muwaha Mulungu yakutya nhavi, “Anye nyo wanhu wa Yuda, u wubi wenyu wandicigwe na kalamu ya cuma, wukakatwe mu zinhumbula zenyu ne cisonje ca alimasi, na mu zinhuzi ze vikumbicilo vyenyu.

Yelemiya 2:19

Ninga u wubi wako, wo wokulipiciza, no wibavye wako, nawo wo wokuling'aniza 'gwe. Nagwe baho ho kokwifundila u wubi we nghani yiyi, hamonga no wusungu wo kundeka 'ne, ane no Muwaha Mulungu, u Mulungu wako, no wuwe wako wo kuwa wusina cihuliko ca kuli'ne kanyhi. Vyo nghutya, ane no Muwaha Mulungu we mihanga.”

Yelemiya 32:19

Hambi nha yo gwegwe du mono wina mahweso ge mahala, kanyhi kwitumaga metumo go wizine. Mono kuziwonaga calinze i zinghani zose, zono i wanhu wetumaga. Kanyhi kuwapelaga i wanhu, munhu mu nghango ye metumo gakwe.

Yelemiya 4:18

Nagwe Yuda, yo gwegwe mono wileteye zizi go mweneco, ku soko ye mikalile yako mibi, na ku soko ye makani gono wetuma. No wubi wako wo wukuleteye magazo gaga, nago gokucinya sunga mo mu nhumbula yako.

Yelemiya 44:21

“Ninga mumanye, nha vyono u Muwaha Mulungu, hamba si yagasemwa yaye, i makumbiko gono nyenye, ne walezi wenyu, ne watemi wenyu, ne walongola wenyu, hamonga ne wanhu wose du wa mu'si, mwalavyaga mu makaya ga mu yisi ya Yuda, hamonga na mu zinzila za mu Yelusalemi, mwene yagamanyile, hamba si yasemigwe yaye.

Ezekiyeli 21:29

Wugubulilwe wono mukutya mukugubulilwa, wugubulilwe wuwo wa wulambi. Sunga no wuwizi wenyu wose wa wulambi du. Hambi anye nha muli wetuma zimbi du, ninga lizuwa lyenyu lyasejelela, lizuwa lyo wulipicizwe wenyu we ndumilizo. Hambi u mumaje nha wozidumulanga zisingo zenyu.

Hoseya 12:2

Nayo Muwaha Mulungu, yena nghani yono yakuhila kuleta kuli wanhu wa Yuda, na kanyhi kowalipiciza Waisilayeli, ku soko ye metumo ge wanhu wayo. Mwene kolowalipa so wubi wawo wono wetuma.

Hoseya 4:9

Ninga mulanjilile! Nanye motuga wulipicizwe wuwo du wono wanhu wolipicizizwa. Nomulipicizenyi ho mulipe mabi gose gono mukwituma.

Hoseya 6:2

Na mu vilo vyejete hamba vidatu, kocinula, nase cokwikala womi hali mwene.

Hoseya 8:13

Wakundavivya makumbiko ge zinyama, no kulya weneco kanyhi zinyama zizo ze makumbiko. Ninga ane no Muwaha Mulungu singhwendezwa nawo. Naluno nowukumbucila wubi wawo, no kuwalipiciziza mu wubi wawo, nowagomola kanyhi sunga ko ku Misili!

Hoseya 9:15

Muwaha Mulungu yakutya, “Metumo gawo gose mabi, ganziza ku Giligali. Baho nane ho nanziza kuwasula. Na ku soko yo wubi wono wetuma, nane nowawusa mu'si yangu. Hamba sinowenda kanyhi yaye. Hambi nha sunga ne walongola wawo wose, wakondya kumbedegala.

Hoseya 9:9

Weyihodanga muno ku soko yo wubi wono wetuma lono wali wali ku Gibeya. Ninga Mulungu kowukumbucila wubi wawo, nayo kowalipiciza ku soko yo wubi wawo.

Amosi 8:7

Muwaha Mulungu we Waisilayeli yelahiza yakutya, “Hamba sinosemwa i metumo gawo mabi.

Yona 1:2

Yikutya, “Wubite ku Ninawi, kwi'kaya alilya liwaha, wukalilonjele nha vyono, nakondya kuwumanya u wubi we wanhu wayo vyono winha.”

Wuwale 32:23

Ninga hono mubene wihuwizo wenyu, mbeka nghumusugulenyi, vyono, mowa mwamusutizya Muwaha Mulungu. Holeka mulecele lukulu kusutya muli yiyi, hambi hono mubene wihuwizo wenyu, nha molipicizwa ku soko yo wubi wenyu.

Luka 12:2

Ninga cocose cono cigubicizwe, cologubulwa, na cocose cono cihundikwe, c ololawila kuzelu.

1 Wakolinto 4:5

Holeka mulece kuling'aniza lono vilo vikali si nafika, muzilekaje ziwe nhavivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, ku wulawa kuli Mulungu.

Wukumbucize wo Wulajilize 32:29

Hamba si wakusuma kumanya i sokoci yono yilecile wakusumwa, hamba kumanya bwete cono ciwejeleye yaye.

Wahebelaniya 4:13

Kanyhi hasina hamba ciwumbwa co cose cono cihundice hali Mulungu, ninga vyose vili calinze ha meso gakwe. Na ase wose cololonga hali mwene ze metumo getu munhu na lwakwe.