Hoseya 7:1 - Luganuzi Luswanu Kuli Wanhu Wose 2002

¹ “Mu madaha gono nghuhila kuwaponya wanhu wangu Isilayeli no kuwanoza wamoteswe kanyhi, ninga zono nghusuma kuwona muli wene, wo wavu wawo no wubi wono wakwituma. Wakwiyihiziza weneco wose, wakubena mu zikaya no kuhiza, wakuwahiziza wanhu mu zinzila.

Hoseya 7:1 ပူးပေါင်းရင်းမြစ်များ

Isaya 28:1

Woyi hee, kuli wutemi wa Isilayeli, hambi nha wongomela! No lukumyo lwayo lukuwomba nhe mikumbo ye maluwa yono wavwalile mu mitwe yawo, iwalongola wang'wela wo wujimbi. I mitwe yawo yo widunhumuzi, mhola, webace mafuta ge mhunjile swanu ninga i wanhu weneco, walabalaye hasi so cigalo co wujimbi.

Isaya 59:12

“Gwe go Muwaha Mulungu, masutya getu gono cikusutizye nha menji muno. No wubi wetu wukucihomelela. Nase cigamanyile masutya getu gose.

Isaya 59:13

Cakubeza, cikakulema, si casaka hamba no kukutyatya bwete. Kanyhi cikuvumila nha vyono mbeka cawewonela wanji, kanyhi cikakuleka. Mbeka mahweso getu mabi, ne zinghani zetu zose za wulambi.

Isaya 59:14

No wuling'anizi wuswanu cawukumhila kutali, ne ling'ani yose hamba si yili muli'se yaye. Hambi i mbeka nha yigwiye mu nzila, na zo mugoloka hamba si zosuma kwinjila yaye.

Yelemiya 51:9

Nawo iwajenzi wono wekalaga mumo mu Babiloni, wakutya nhavi. Nase cajela muno kuyitaza Babiloni, ninga cikawa cacela. Holeka luno, yicinojeye hodu ciyilece, ciwuce ciwuye ku zikwetu. Hambi u Mulungu nha yakondya kuyilipiciziza Babiloni mu vilungo vyakwe vyose, no kuyongomezeza lukulu.”

Ezekiyeli 16:46

“U lumbulyo muwaha, yo Samaliya, ku lubavu lwa kusumuka, hamonga ne vitumbi vyayo. Nayo u lumbulyo mudodo, yo Sodoma, hamonga ne vitumbi vyayo, ku lubavu lwa kutakama.

Ezekiyeli 23:4

U muwaha yacemwaga Ohola, nha cinji yo Samaliya. Nayo u mwanakwawe, yacemwaga Oholiba, nha cinji yo Yelusalemi. Nawo vyono wejete, wakawa wangu wakandelela wana walume ne wacekulu.

Ezekiyeli 24:13

Gwe Yelusalemi, i metumo gako go wusenyha, gakondya kukwavufya. Nane hamba niwe najela kukweza, ninga hamba nhavivyo vyo wukali si nela yaye. Nane manyile nha vyono si kokwelela lukulu, sunga langa kolo wakondya kuwuwona wukali we likuwo lyangu.

Hoseya 10:5

Ne wanhu wono wekaye mwi'kaya lya Samaliya, wotuga woga no kulila so wajilize we ndama ye zahabu ya ku Beteli. Wene hamonga ne wakohani wono wacitumamilaga cihwani cico, wolocililila muno. Wololila walaza kuwa wawusizwa nhojo yawo yo lukumyo.

Hoseya 11:12

Muwaha Mulungu yakutya, “Waisilayeli wamhilima hamonga no wulambi no wukonji. Ne wanhu wa Yuda nawo, wakali wakunema 'ne no Mulungu mwihuwilwa, Mono Yelile.

Hoseya 11:8

“Nosuma nhawule kukuleka 'gwe Isilayeli? Nosuma wule kukutaga? Hamba si nosumila lukulu kukongomeza, nha vyono nayongomeza Adima. Hamba kukunozeza nha vyono nayinoza Zeboyimu? Nhumbula yangu siyonghombola ho nitume zizo! Hambi wendo wangu kuli'gwe, nha wuwaha muno.

Hoseya 12:1

“Nghani zose zono Waisilayeli wakwituma, cilawa hakali mitondo, sunga cinyamihe, zisina cambuzi, kanyhi za wuhodanji du. Wukoci hamonga ne metumo go wu wula lusungu, gakonjelezeka muno muli wene. Wakulagana ne wanhu wa Ashuli no kusuluza hamonga ne Wamisili.”

Hoseya 12:2

Nayo Muwaha Mulungu, yena nghani yono yakuhila kuleta kuli wanhu wa Yuda, na kanyhi kowalipiciza Waisilayeli, ku soko ye metumo ge wanhu wayo. Mwene kolowalipa so wubi wawo wono wetuma.

Hoseya 4:17

I wanhu wa Efulayimu, wasumigwe ne vihwani. Holeka lece vyajililane kuko.

Hoseya 4:2

Wakunoza cilagane no kucibena, kanyhi wakulamba, no kuwulaga, wakuhiza no kwituma zo wusenyha. Wubena wulajilize, nawo wukonjezeka, na ko wuli wuwulaji ako na ako.

Hoseya 5:1

“Ale, muhulicize zizi, anye mo wakuhani! Muhulicize nyo Waisilayeli! Muteje makutu genyu anye nyo we nyumba yo mutemi! Hambi nha munojeye nyenye mulavye ning'aniza ye mbeka. Ninga alu, wuling'anizwe womuwuyilenyi nyenye nyo weneco. Hambi nha mweza muli mutego ku Mizipa, no lwavu lono lugoloywe mwi'tunda lya Taboli.

Hoseya 6:4

Ninga Muwaha Mulungu yakutya, “Isilayeli na Yuda, alo nghanici yono nomutendelenyi? Wendo wenyu kuli'ne wawuka musunho nha vyono nghungulyosi lye hakali mitondo, kotya buhe, yono siyitinyaga kunyala.

Hoseya 7:13

“Woyi he nye! Hambi nha wandeka 'ne, kanyhi wambedegala. Ninga walekaje, wokongomezwa du. Nali nyendile niwaponye, ninga wuhembi wono wakuhemba 'ne, wo wuhembi wo wulambi.

Hoseya 8:5

Ane si nghucisacila lukulu cihwani ce ndama ye zahabu, yono wakuhemba wanhu we likaya lya Samaliya. Ngholigwe ne likuwo muno muno ku soko yawo. Alu mwene wojendelela sunga nili ho waze walece wuhemba vihwani vyawo?

Hoseya 8:9

Wena nhumbula nghamu nha ye nyhenje. Waisilayeli wakujendela mu zinzila zawo weneco. Wakondya kubita kulondola wutazi kuli Wasiliya, no kugalipa i makungugo ganji ho gawadime kuli walugu.

Amosi 3:10

Muwaha yakutya, “Wanhu awa, wakumevya mu zinhumba zawo vinhu vyo wuhizi no wuwulaji, hamba siwakumanya vyono yiwanojeye wawe wehuwila.

Amosi 3:9

Muwalonjele wawo wono wekaye mu makaya go wutemi, ge Misili na Ashidodi, muwatye, “Mwihangulize hamonga mu matunda gono gayipilime Samaliya nanye mowona wusagahale hamonga no wubi wono wukwitumwa mumo.”

Amosi 8:14

Na wono welahilaga vihwani vye milungu vye Samaliya, wono watezaga, ‘Ko mulungu wako Dani,’ hamba, ‘Ko mulungu wa Belisheba!’ Wanhu wawo wologwa, na hamba si wolokwinuka kanyhi yaye.”

Mika 6:16

Na zizi zolomuzizenyi ku soko vyono mwagatyatya metumo mabi go mutemi Omuli, na go mwanagwe mutemi Ahabu. Vyono mukujendela mu zinghani zawo, holeka nane nomutegulenyi sunga ko ku wongomezwe, ne wanhu wose womubedegalenyi, no kumwitumilenyi vyono wakuhila.”

Matayo 23:37

“Gwe Yelusalemi, Yelusalemi, mono wukuwa kuwawulaga iwawizi, sunga no kuwatowanga ne mabwe awalya wono watumwagwa u kwako. Kalinga kono nasakaga kuwakongholela iwanago kono kwangu, nha vyono nghuku yivikunyanjililaga viziyoziyo vyayo hasi ye mabawa gayo, ninga hamba si wenda yaye.

Luka 13:34

“Yelusalemi! Gwe Yelusalemi! Kuwawulagaga wawizi, no kuwatowa na mabwe wono wakutumwa kuli'gwe! Kalinga nali kuhila kuwakongholela wanago hamonga, nha vyono nghuku yikunyanjilaga viziyoziyo vyayo mu mabawa gayo, ninga walemaga?

Luka 19:42

yakutya, “Yali yiwe yili ciba hono nagwe wali wumanye mwizuwa lili, inghani yo mulamu! Ninga alu yihundicizwe ha meso gako.