Hoseya 4:8 - Luganuzi Luswanu Kuli Wanhu Wose 2002

⁸ Hambi nha mukugolipila mu wubi we wanhu wangu. Na ku soko yiyo holeka mukuwona viswanu wene wajendelele kwituma zo wubi.

Hoseya 4:8 ပူးပေါင်းရင်းမြစ်များ

2 Watemi 12:16

Langa zipesa zono zalavywaga so vilavywa vyo wusutye, hamonga ne vilavywa vyo wubi, pesa zizo si zatajilwaga mwi'sanduku yaye. Azo wapegwaga wakohani du ziwa zawo.

Zabuli 24:4

Yo munhu mono yasina wuhoswe, ne nhumbula yono yelile. Mono si yakwiyinjiza mu makani ge caka caka. Hamba kuhomelela ko wulambi.

Zabuli 25:1

Gwe go Muwaha Mulungu, nghukulomba kwe nhumbula yangu yose!

Isaya 56:11

Kanyhi wehwana i mabwa malaku gono si gegutaga yaye. Na kanyhi walongola wawa, mbeka wasina hamba wizuce bwete. Hambi nha wene wose, munhu yakwituma nha vyono yakusaka mweneco du, no kulondola cambuzi cakwe du mweneco.

Ezekiyeli 14:3

“Gwe go munhu, i wanhu wawa, wakondya kuvyenda vihwani ne mitima yawo yose, navyo vyo vikuwatonga ku wituma wubi. Alu wakwihwesa vyono ane nane ndahile kuwapitula hongo?

Ezekiyeli 14:7

“Ninga yunji wo wose wa muli Waisilayeli, hamba wa muli wajenzi, wono wekalane hamonga ne wanhu we mhuga ye Waisilayeli, mono kondeka 'ne, no kuhemba vihwani, hanyuma kanyhi ho kawa kubita kuwuza kuli muwizi, nene no mweneco yo nomupitula munhu yuyo.

Hoseya 10:13

Ninga anye mwahadika wavu, no kududula nhwanga yayo. Alu mwakondya kulya mikalo yono yikulawilila mu wulambi wenyu. Ku soko vyono mwali mwitumbiye matuka genyu go wulugu, ne wasilikale wenyu vyono wenji.

Hoseya 12:8

Akuno wakutya, “Ase cili wagoli, citujila sawo nyinji, cina lyuwa lyetu. Hamba hasina munhu mono kocihosa so wutuga wugoli wuwu mu nzila yo wupujila.”

Hoseya 14:1

Ale, muwuyilenyi Muwaha Mulungu wenyu, anye nyo wanhu wa Isilayeli. Wubi wenyu wo waleka mukekobala no kugwa.

Walawi 6:22

Na mu vilo vyose vyono vikuza, yinojeye cilavywa cici ceze kulavywa no munhu wo wose wa mu wana wa Haluni, mono yakwitumama mulimo wo Wukohani. Ninga yinojeye cilavywa cico, ceze kukongojezezwa lukulu, hambi nha yikumbiko kuli Muwaha Mulungu.

Walawi 6:26

No mukohani mono yakwituma mulimo wo kulavya cilavywa cico ce likumbiko lyo mutugo wuwo, yimunojeye yayilile nyama yayo i hanhu hono helile, mugati ye luwa ye Lihema lyono lyelile.

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Malaki 1:10

U Muwaha Mulungu we mihanga yakutya, “Yali yiwe yili ciba yunji wa muli nyenye, yadinde milango yo wuhembelo, ho muze mulece kwasa moto wono wusina cambuzi mu cikumbicilo cangu. Ane singhwendezwa nanye hamba hadodo, hamba sinovibocelela lukulu ne vilavywa vyono mukundavizya.

Walumi 16:18

Hambi iwanhu wono wenha wawo, nha si wakumwitumamila Mutwa wetu Kilisito, langa wakuzitumamila izinda zawo weneco du. Kanyhi so zinghani zawo, no wuganule wawo wo wupepeleze, wakuwa kuwakonga iwanhu we zinhumbula zimhelu mhelu.

Tito 1:11

Yiwanojeye i milomo yawo yidindwe, hambi nha weza kuwahodanga i wanhu wose so mejizo gawo gono si gawanojeye wejize, nawo wakwituma zizo ko wuhile wubi wo kusaka ho watuje mapesa.

2 Petelo 2:3

Na ku soko ye masulumizi gawo mabi, wolokwisavizya muli nyenye, kolo wakumulonjelenyi zinghani zo wulambi-lambi. No wulipicizwe wawo wakondya kuwikanizwa kulawa katali, siwocela yaye. Nayo mono kowongomeza, yali meso!

1 Samwili 2:29

Alu nhawulenyi kanyhi mukugamelela mate, no kugabedegala makumbiko gangu, hamonga ne vilavywa vyangu, vyono nalajiliza muli wanhu wangu? Hamba so cici agwe Eli, kwikalaga wukuwakumya wanago du, kuciza ane no mweneco. Hambi nha wukuwaleceleza wakujina, so wulya zinyama zono zijinile, za muli makumbiko gono wanhu wangu wakundavizya nene?