Hoseya 4:3 - Luganuzi Luswanu Kuli Wanhu Wose 2002

³ Holeka yisi yonyala, sunga ne vinhu vyose vyono vicindice mumo, vyonyala. Ne vilimu vyose vya mu mbago, hamonga ne zindeje, sunga ne zisomba zose, vyose vyofwa.”

Hoseya 4:3 ပူးပေါင်းရင်းမြစ်များ

Isaya 33:9

Alu yisi yakondya kulekwa, nayo yikusocela. Ne mbago mbaha ya Lebanoni, yanyala. Sunga ne lilolo lya Shaloni lyo moso mwinji, nalyo lyeza nha nyika. Namo mu Bashani na mwi'tunda lya Kalimeli, nhondo ne mahamha geza kukung'unhika mu mabici gayo.

Yelemiya 12:4

Alo yisi yetu yijendelele kuwa yinyalile, hamonga ne mahanze ga mu mawimbi gose sunga nili lo? Sunga nalu, i vilimu, hamonga ne zindeje zose nha zakondya kongomezwa, ku soko yo wubi we wanhu wetu, i wanhu wono watezaga “Hambi u Mulungu nha si yakuziwona yaye zono citumaga.”

Yelemiya 23:10

Alu yisi yose yimemile i wanhu wono si wehuwilwa kuli Muwaha Mulungu, hambi wanhu nha wekaye mu mikalile yo wituma ze metumo mabi, ne vilungo wasoceye. Nalu yisi yikulila ku soko ye lilijito lyo Muwaha Mulungu, no wudimo wose wakondya kunyala.

Yelemiya 4:25

Nghawona vyono hali hasina wanhu, sunga ne zindeje zose zali zaguluka zatiza.

Yelemiya 9:10

Nane Yelemiya nghatya, “Ale, nane nogalilila matunda, no kugalavya mahozi gangu ku soko yo wudimilo. Hambi wudimilo wose nha wanyala hasina hamba yunji kanyhi mono yakukolela mumo. Ne mazi ge zimitugo, gapela no kuhulikwa mumo. Sunga ne malimu gose hamonga ne zindeje, vyose vyakondya kuwuka mumo.”

Yelemiya 9:9

Alu'ne ho ndece kuwalipiciza so makani gago hongo? Hamba nolecelaci kwilipiciza ne likungugo lyono linha nhavivi? Vyo nghutya ane no Muwaha Mulungu.”

Ezekiyeli 38:20

Ne zisomba zose, ne zindeje ne zinimu zose zimbaha ne zindodo, sunga ne wanhu wose du wono wekaye mono'nze, wolocicima so woga, ha meso gangu. Ne matunda nago gologwa hasi, na hono henuce, holotenjelemulwa, ne majinji gose gologwa hasi.

Yoweli 1:18

Ne zing'ombe nazo zikulila ku soko yiyo, hambi nha kweza kusina wudimo wazo, ne matewa ge zingholo nago gakugaya du.

Amosi 1:2

Amosi yakatya, “Muwaha Mulungu yakukoloma kuwulawa kwitunda lya Sayuni, ne lizi lyakwe wulawa ku Yelusalemi. No wudimo weza musina, ne lihanze mwitunda lye kalimeli lyanyala.”

Amosi 5:16

Holeka Muwaha Mulungu we mihanga yakutya, “Kolowa kocili cililo co wusungu, mu zinzila za mwi'kaya. Na wono wakulima, wolocemwa waze wamulilile mono yafwiye, hamonga na wawo wono wakulipwa ho walile citalo.

Amosi 8:8

Na ku soko yiyo, holeka yisi yocicima, ne wanhu wose wa mu'si yose, wowa mu wugaye. Ne yisi yose yolosinjisika; yolokwibuka no kung'welela, nhe likolongo lye Nile ku Misili.

Nahumu 1:4

Nayo kalilajilizaga lilenga, nalyo liwa kunyala, kanyhi kanyazaga ne makolongo. Sunga ne migunda yono yili ku Bashani yiwa kunyala, ne litunda lya Kalimeli nalyo, liwa ne liwala nha lye mahanze gono ganyalile, ne maluwa ga ku Lebanoni gawa kuwomba.

Zefaniya 1:3

nowongomeza wanhu wose hamonga ne zinimu, ne zindeje ne zisomba. Ne wabi nowongomezeza lukulu. Kanyhi nowongomeza wanhu wose, hamba hasina cinhu cumi co cose cono colosigala. Ane no Muwaha Mulungu vyo nghutya.

Zakaliya 5:4

Zizi zo yakulonga u Muwaha Mulungu we Mihanga yakutya vyono, kowuleta wulijitwe, nawo wokwinjila mu zikaya ze wahizi wose, na mu zikaya za wose wono wakwilahiza ko wulambi ale wulijitwe wowa mu zikaya zawo no kuwaleka mu matongo.”