Hoseya 4:13 - Luganuzi Luswanu Kuli Wanhu Wose 2002

¹³ Wakulavya makumbiko, mucanyha ye vizuli vye matunda, kanyhi wakufusa no wuvumba mucanyha ye matunda na ha masina ge mibici mitali. Vyono mibeho yayo yikwendeza muno! Ku soko yiyo, holeka wana wenyu we cicekulu, wekaye nha malaya, ne wakwe zenyu we cicekulu nawo wakusenyha.

Hoseya 4:13 ပူးပေါင်းရင်းမြစ်များ

2 Watemi 17:7

Samaliya yikagwa, vyono Waisilayeli wetuma wubi hali Muwaha Mulungu, u Mulungu wawo, mono yawaponya kuli mutemi wa Misili Falawo, yakawa kuwawusa mu yisi ya Misili. Ninga wene 'lu, wakahemba milungu yinji yo wulambi,

2 Watemi 23:7

Yakazigwisa zinyumba zono wetumamilaga i walume wono wagonaga ne walume wayawo, zono zali zili mugati ye Nyumba yo Mulungu. Mono wekalaga i wacekulu wono wahonaga matote ge mabupa ge zi Ashela.

Isaya 1:29

Nanye molokalala muno, vyono mwahembaga mabici, hamonga ne zi busitani zisiwanulwe.

Isaya 57:5

Anye mono mukwisagahiza zo wusulumizi wenyu, no kugona hasi ye mibici yenyu ye minghola i misiwanulwe, muwa kwituma zo wusenyha. Anye mono mulavyaga i wana wenyu gawa makumbiko mu mapalika ge matalawe, na mu malolo, behi ne vikolongo vye malenga.

Isaya 57:7

Sunga na hanji, mukubita mucanyha ye matunda matali, muwa kulavya makumbiko genyu kuko, muwa kunoza na zo wusenyha wenyu mumo mu matunda.

Yelemiya 2:20

U Muwaha Mulungu yakutya nhavi, “Agwe Isilayeli, wulawa katali walema wutonji wangu, wukalema kuhulika 'ne no kuhemba nene. Langa wukawa kubita mwi'tunda litali, na mu masina ge mabici gono gadedewaye, wukawa kuhemba i milungu yinji.

Yelemiya 3:13

Langa ane yono nghusaka kuli 'gwe, wuvumile masutya gako gose nha vyono wali wamubedegala u Muwaha Mulungu, u Mulungu weko. Kanyhi wunene, nha vyono wali kusenyha ne milungu mijenzi, hasi ye mibici yose yono yina mahamha gono gadedewaye, hamba kugebata malajilizo gangu yaye. Vyo nghutya ane no Muwaha Mulungu.

Yelemiya 3:6

Kanyhi mu vilo vyo mutemi Yosiya, u Muwaha Mulungu yakanonjela yakatya, “Alu wule, waziwona zono yetumile Isilayeli, mono si mwihuwilwa? Hambi nha yakondya kundeka 'ne, kawa kubita mu matunda matali gose, na hasi ye mabici gose gono gena mahamha gadedewaye, kawa kwituma zo wusenyha wakwe.

Yelemiya 44:8

Alu nhawulenyi mukunghalaza, no kunghoza likuwo so wuhemba vihwani, na so wukumbika milungu yinji, mu yisi yiyi ya Misili, mono mwikaye? Hamba mukwituma zizi ho mwiyongomeze nyo weneco, ne makungugo gose ga mono'nze gamubedegalenyi, no kwitumamila litagwa lyenyu nha wulijitwe ne cevu lo?

Ezekiyeli 16:16

Wukawa kusola sunga ne myenda yako yinji, no kuyihamba mu hanhu hako hono kuhembelaga, nha vyono wenha i wacekulu wasenyha. Wukawa kwilavya kuli munhu wo wose du.

Ezekiyeli 16:25

Wakondya lu kuwutipiza wuswanu wako mu madabaga. Ku soko yo kwilavya gwegwe mweneco kuli munhu wo wose mono yakukola baho, no wusenyha wako wukawa wucizize nhondo zose.

Ezekiyeli 6:13

Ne mivimba yawo wose, yolowa yiyagaye mu vihwani vyawo, yipilime vikumbicilo vyawo. Kanyhi yinji yolowa yiyagaye mu vigongo vyose vitali, sunga na mu matunda gose. Sunga na mu masina ge mibici yose yono yidedewaye, na mu mibici yose yo munghola ye mahamha menji. Sunga ne hanhu hose hono wene walavizyaga makumbiko gawo ge vilavywa vinyanywe kuli vihwani vyawo. Na ku soko yiyo wose ho wolomanyila vyono ane yo nene Muwaha Mulungu.

Hoseya 10:8

Na mucanyha ye cigongo ca Aveni, hono Waisilayeli wakuhemba vihwani, naho holokongomezwa. Mamivya ne mabalwe, vyolowiluka mu makumbicilo gawo. Ne wanhu wologalonjela matunda wawe kutya, “Mucihundikaje!” Ne vigongo wakutya, “Mucigubikaje!”

Hoseya 11:2

Ninga nha vyono nacila kumucema, nayo vyo yakacila kundeka no kutyatya zakwe. I wanhu wangu wakawalavizya makumbiko Mabaali, wakafusiza wuvumba ivihwani.

Hoseya 2:13

Nolomulipiciza ku soko ye cipango cono yakasemwa 'ne, lono yafusaga wuvumba kuli Baali, no kuvwala wihambo wo wuguzi wukamu, no kuwatyatya wendece wakwe. Vyo yakutya Muwaha Mulungu.

Amosi 7:17

Holeka lu agwe Amaziya. Muwaha Mulungu yakutya kuli'gwe, ‘U mugolece wako, kowa musenyha mumuno mwikaya lili, ne wanago nawo walume ne wacekulu, wolowulagwa ku wulugu. Ne yisi yako nayo, yologawilwa wanji. Nagwe go mweneco, kolofwila mu yisi yo wavufywe. Ne Waisilayeli, mbeka wolosolwa no kuwuswa mu yisi yawo, wategulwe ku yisi yo wujenzi.’ ”