Hoseya 4:11 - Luganuzi Luswanu Kuli Wanhu Wose 2002

¹¹ Muwaha Mulungu yakutya, “Divayi yose, mhya ne huma, yikuhodanga mahala ge wanhu wangu!

Hoseya 4:11 ပူးပေါင်းရင်းမြစ်များ

Zimbazi 20:1

Wung'wela wo wujimbi, wuletaga mazozo, no kumunoza munhu kawa mulele. Kanyhi yo nghani ya wulele du, munhu kuwa mung'wela.

Zimbazi 31:4

Holeka wuhulicize gwe mwanangu Lamuyeli, i watemi si wanojeye wawe wagalo 'jimbi, hamba kuwa no wusulumizi wo wugalo 'jimbi.

Zimbazi 6:32

Ninga munhu mono yakusenyha, ayo yasina mahala. Hambi nha yakwihodanga mweneco du.

Muganuzi 7:7

Nayo munhu we mahala, hono yamusolele munhu yunji cinhu cakwe ko kumwiwonela, yakwituma nghani ya wulele. Nawo wubocela mafupo, wubofuzaga mahala.

Isaya 28:7

Sunga ne wawizi, hamonga ne wakohani, wose wakupebesuka so ngholwe yo wujimbi. Hambi nha wang'wa muno wujimbi, nhondo sunga wakolwa, weza kwikobala hamba kumanya yaye. I wakohani wagalile muno muno, sunga luno, weza si wakuwumanya no wugubulilwe, wono Mulungu yakuwagubulila. Nawo wakohani nhavivyo, weza wang'wela muno wo wujimbi, sunga nhondo weza kulemwa no kulamula vyalo vyono wakuletelwa.

Isaya 5:12

Na mu zi sikukuu zenyu, mwendile kutowa masumbi, ne zindonondo, ne misesele, ne fuluti, hamonga no kung'wa divayi. Ninga hamba si mwendile kwihwesa ze metumo go Muwaha Mulungu hamba kuyimanya i milimo ye miwoko yakwe.

Yelemiya 23:13

Nane nakondya kuwuwona u wubi we wawizi wa ku Samaliya. Hambi nha wakulonjela mwi'tagwa lya Baali, nalu wakondya kuwasutizya i wanhu wangu.

Hoseya 4:12

Wakulomba wugubulilwe ku wulawa mu cihwani ce libici! Ne nghome yawo yo wuganga, yo yikuwalonjela zono wakuhila wene kuzimanya! Mbeka, wakondya kundeka 'ne. Wakondya kwiyilavya kuli milungu yinji, kotya mucekulu malaya.

Hoseya 5:4

Wubi wono wanhu wetumile, wukuwemila ho walece kumuwuyila Mulungu wawo. Hambi wukumbika vihwani, nha wuwebate muno muno, holeka si wamumanyile no Muwaha Mulungu yaye.

Hoseya 7:11

Isilayeli yakuyumbayumba ako na ako kotya nziwa ndele, wanhu wakwe ha lulongozi wakasaka wutazi kuli Misili, na aluno kanyhi wakumanyhila ku Siliya.

Walawi 10:9

“Mulecele lukulu kwinjila mwi 'Hema lyono lyelile lono mwakondya kung'wa divayi mwakolwa, gwegwe hamba wanago. Vyono hono mwinjile, mofwa. Ne lilajilizo lili linojeye likamiswe muno mu zindelo zenyu zose.

Luka 21:34

“Ninga musuje, zinhumbula zenyu zize zilece kuvuhigwa ko wubuguci, no wugale, ne mahwele go wikale wuwu, lizuwa lilyo ho lilece kumutinicizenyi nha mutego.

1 Samwili 25:36

Ale, Abijeli yakawa kuwuya kwa Nabali. Yakamwagana yali ha kaya yatenjile ndigwa nyinji ha meza ye citemi-temi. Kanyhi yali yagalile wujimbi muno muno, yakawa yasangalaye muno. Holeka nayo Abijeli hamba si yasuma kumulonjela nghani yoyose mwizuwa lilyo, sunga wukela mitondo yaco.