Hoseya 4:1 - Luganuzi Luswanu Kuli Wanhu Wose 2002

¹ Muwaha Mulungu, yena nghani yo kuwahosa wanhu wono wekaye mu'si ayi. Muhulicize, Isilayeli, muli zizo zono yakulonga, “Kweza kusina wihuwilwa hamba lusungu mu'si, ne wanhu hamba si wakumanya 'ne vyono nili Mulungu.

Hoseya 4:1 ပူးပေါင်းရင်းမြစ်များ

1 Watemi 22:19

Nayo Mikaya yakajendelela kulonga yakutya, “Alu Ahabu, wuhulicize zono Muwaha Mulungu yakuzilonga! Nane namuwona Muwaha Mulungu yekaye mwi'goda lyakwe ku wulanga, hamonga ne wamalayika wakwe wamupilime.

Zabuli 81:9

Wulecele lukulu kuwa no mulungu wo wose kuli'gwe. Wulecele lukulu kuhemba mulungu yunji.

Isaya 1:10

Nagwe Yelusalemi, i walongola wako hamonga ne wanhu wako, wose nha wabi wehwana ne wanhu wa Sodoma na Gomola. Alu muhulicize zono Muwaha Mulungu yakumulonjelenyi. Muteje likutu kuli zono Mulungu wetu yakumwijizenyi.

Isaya 1:18

Alu Muwaha Mulungu yakutya nhavi, “Ale, muze cilongane cizimale. Vyono hamba masutya genyu gawe madunghu ninga ane nomukwemenyi muwe wazelu swee nha seluji. Hamba gawe madunghu kasu, gowa mazelu swee, nho wukunzeje we ngholo nzelu.

Isaya 28:14

Ale ta, muhulicize zono Muwaha Mulungu yakumulonjelenyi, anye nyo wanhu wedunhumuzi, mono muwatemile wanhu wangu mu Yelusalemi.

Isaya 34:1

Alu muze nye nyo wanhu we makungugo gose! Mwihangulize hamonga muhulicize. Nagwe go yinze, hamonga ne wanhu wose mono mwikaye mumo, muze muhulicize.

Isaya 34:8

Nalyo lyolowa lyo lipango lyono Muwaha Mulungu, koloyiponezya Sayuni, no kwilipiciza kuli walugu wakwe.

Isaya 5:3

Alu mwendece wangu yakutya, “Nye nyo wanhu wono mwikaye mu Yelusalemi, na Yuda, ta, mucilamulaje nene no mugunda wangu we mizabibu.

Isaya 59:4

Mwendile muno kubita mu mahakama, ninga kuno ho musina ling'ani yo yose ku lubavu lwenyu. Hambi anye nha mwitumbilaga wulambi wenyu du, ho musume calo cenyu. Mwikalaga mwina mahweso go wutamisa wayenyu du.

Isaya 59:8

na kolo mwafika baho, hawezaga hasina kanyhi munhu mono kowa yena mulamu. Hambi nha mwitumaga zose zono si zili ling'ani yaye. Kanyhi mwinozezaga nzila yo wungwele, na hasina munhu wo wose mono kosuma kuyikola nzila yiyo, yawe mutelevu.

Isaya 66:5

Alu muhulicize zono Muwaha Mulungu yakulonga, anye mono mumuhulicile kanyhi mumogopile, yakutya, nhavi, “Alu anye vyono muli wehuwilwa kuli'ne, holeka wanji wa muli nyenye wakumusulenyi, ninga hamba nhavivyo, si wosuma kumunozenyi cinji yaye. Wene wekaliye zo kumusekanjenyi du, wakutya, ‘Ale ta, Muwaha Mulungu yalajile zo wuwaha wakwe yamuponyenyi, nase cimuwonenyi musangalaye.’ Ninga wene wakolwa cevu!

Yelemiya 11:7

Hambi nha nawahomelela no kuwasugula i walezi wawo, lono nawawusiza mu yisi ya Misili, vyono yiwanojeye wahulice'ne. Kanyhi hamba si naduma baho du, langa najendelela kuwasugula wanhu sunga nalu.

Yelemiya 19:3

Hanyuma yakanonjela mbite nghatye nhavi, “Anye nyo watemi wa Yuda, hamonga ne wanyawusi wa Yelusalemi, ale muhulicize ta, zono ane no Muwaha Mulungu, u Mulungu wa Isilayeli nghusaka kuzilonga. Ane nohaletela wongomele wuwaha muno i hanhu baha, u wongomele wono munhu wo wose kolo yakuzihulika, zinghani zizi, mbeka kocelewala.

Yelemiya 2:4

Nye nyo lulelo lwa Yakobo, ale muhulicize ta, zono Muwaha Mulungu yakulonga, anye nyo we mhuga yose ya Isilayeli.

Yelemiya 2:9

“Ale, ku soko ya zizo, holeka nane no Muwaha Mulungu cokwimana ne wanhu wangu, cilongane calo nawo. Kanyhi niwahose hamonga ne wana wawo.

Yelemiya 25:31

Ne lizi lyakwe lyolobocelela sunga ko ku zimhelo ze yinze. Hambi u Muwaha Mulungu, nha yakwisumaniza ne makungugo. Nayo kolowaleta wanhu wose ha wuling'anizwe, yawasole i wanhu wabi yawawulaje. Vyo yakutya u Muwaha Mulungu.”

Yelemiya 34:4

Alu Zedekiya, wuhulicize muno kuli zono nghukulonjela. Agwe si kolowulajilwa ku wulugu yaye,

Yelemiya 4:22

U Muwaha Mulungu yakutya nhavi, “Wanhu wangu walele muno muno, hambi nha si wamanyile 'ne. Wehwanile i wana wadodo wono wasina mahala, kanyhi wasina hamba wizuce bwete. Langa wene wasugu du ku wituma zimbi, ninga ku wituma ziswanu, kwawafutila.”

Yelemiya 4:28

Yisi yololila, no wulanga wolotukuwala U Muwaha Mulungu vyo yakutya. Nayo hamba si kolowukawaniziza lukulu u wuhile wakwe. Mwene vyono yakondya kuzilonga, hodu yazilonga du, hamba si kokawaniza kanyhi wulonje wakwe.

Yelemiya 5:4

Hobaho nane nghawa kutya, “I wanhu awa mbeka waciwa kanyhi walele. Hambi nha wakwituma zo wulele du, siwamanyile yaye, zono u Mulungu wawo yakuzisaka hamba zono u Muwaha Mulungu yakusaka wene wetume.

Yelemiya 51:5

Ane no Muwaha Mulungu we mihanga, nghali hamba si nawaleka Isilayeli na Yuda yaye, hamba wawe wene wetuma wubi hali 'ne, ane Mono nelile wa Isilayeli.

Yelemiya 6:13

Hambi wanhu wose i wadodo sunga ne wawaha, nha wahidimbaliye mu wutujila sawo, mu zinzila zo wuhizi du. Sunga ne wawizi, hamonga ne wakohani, nawo wose wakwituma metumo go wukoci du kuli wanhu.

Yelemiya 7:28

Wuwalonjele nha vyono, likungugo lyawo lisina cihuliko kuli'ne, ane no Muwaha Mulungu, u Mulungu wawo, hamba si wakusuma kwifundila mu wulipicizwe wawo. No wihuwilwa wawo wakondya kuwucila lukulu muli wene, hamba no kuwuduwila du kose, si wawuduwilaga yaye.

Yelemiya 9:20

Nane Yelemiya nghatya, “Nye nyo wacekulu, ale muhulicize zono u Muwaha Mulungu yakulonga, muteje makutu genyu muzikamise zinghani zakwe nanye muwejize ne wana wenyu we cicekulu vyono walilaga, ne weyendi wayenyu, vyono wembaga u lwimbo lwe maziko.

Yelemiya 9:3

Wene wewikanize kulonga zo wulambi du nhondo zose, wanhu wono wetujila vilungo vyo kuyitema yisi mu nzila zo wulambi. U Muwaha Mulungu yakutya nhavi, “I wanhu wangu nha wetuma wubi wityatiliye, hamba si wakuwa kumanya 'ne, vyono yo nene Mulungu wawo.”

Yelemiya 9:7

Ku soko ya zizo, holeka nayo u Muwaha Mulungu we mihanga yakutya nhavi, “Noweza wanhu wangu nha shaba, niwajele. Hambi i wanhu wangu nha wetuma zinghani zimbi, alu ho niwanoze nhawule?

Ezekiyeli 16:35

Holeka 'gwe go Yelusalemi go malaya! Alu wuhulicize zono Muwaha Mulungu yakulonga yakutya,

Hoseya 12:2

Nayo Muwaha Mulungu, yena nghani yono yakuhila kuleta kuli wanhu wa Yuda, na kanyhi kowalipiciza Waisilayeli, ku soko ye metumo ge wanhu wayo. Mwene kolowalipa so wubi wawo wono wetuma.

Hoseya 12:3

U sogo yawo Yakobo yesumaniza no muwahawe Esawu, lono wose wejete wali wakali mu'nda ye nyinawo. Na lono Yakobo yali yeza wiluka, yakesumaniza no Mulungu.

Hoseya 5:1

“Ale, muhulicize zizi, anye mo wakuhani! Muhulicize nyo Waisilayeli! Muteje makutu genyu anye nyo we nyumba yo mutemi! Hambi nha munojeye nyenye mulavye ning'aniza ye mbeka. Ninga alu, wuling'anizwe womuwuyilenyi nyenye nyo weneco. Hambi nha mweza muli mutego ku Mizipa, no lwavu lono lugoloywe mwi'tunda lya Taboli.

Hoseya 5:4

Wubi wono wanhu wetumile, wukuwemila ho walece kumuwuyila Mulungu wawo. Hambi wukumbika vihwani, nha wuwebate muno muno, holeka si wamumanyile no Muwaha Mulungu yaye.

Yoweli 1:2

Hulicizenyi ta, anye nyo wakombi, sunga nanye wose mono mwi'kaye mu'si ya Yuda, muhulicize. Wulenyi hono mukulanga, zono zinha zizi zowa zejela 'mbi mu vilo vyenyu hamba lunji mu vilo vye walezi wenyu?

Amosi 3:1

Muhulicizenyi nghani ayi, anye nyo wanhu wa Isilayeli yono Muwaha Mulungu yayilonga kuli'nye, anye nyo we likungugo lyose lyono yaliwusa ku Misili yakatya,

Amosi 7:16

Holeka alu, wuhulicize vyono Muwaha Mulungu yakutya. Agwe wukunyitya vyono ndece kulavya wuwizi hamba kuganula kuli Waisilayeli.

Mika 6:2

Anye nyo matunda, nanye nyo misinji ye cibitilila ye yinze, muhulicize calo co Muwaha Mulungu kuli'nye, Muwaha Mulungu yena calo kuli wanhu wakwe, mwene yakubita kuyileta nghani yo kwilolosa kuli Isilayeli.

Yohana 8:55

Nanye hamba si mumumanyile ng'o, ane langa nimumanyile. Na hono nitye si nimumanyile, nowa mulambi nha nyenye. Ninga alu nimumanyile, ne nghani yakwe niyibataga.

Walumi 1:28

Kanyhi vyono iwanhu wakalema kuwa hamonga no Mulungu, nayo Mulungu yawalecile mu mahala gawo go wajilile, ho wetume zono si wali wanojeye wazitume.

1 Wakolinto 15:34

Ale, mwinukaje! Mwamulaje kanyhi kwikala mu mikalile miswanu, mulece kwituma wubi. Hambi wanji wa muli nyenye nha si wamumanyiye lukulu u Mulungu. Nane nghumulonjelenyi mbeka, vyono co cevu ciwaha kuli'nye!

Wugubule 2:11

“Mono yena makutu go kuhulicila, yazihulikaje zono u Muhe yakugalonjela i makanisa! ‘Nawo wono wosuma, si wotamiswa ne lifwa lye kejete yaye.’ ”

Wugubule 2:29

Mono yena makutu go kuhulicila, yazihulikaje zono u Muhe yakugalonjela i makanisa!”