Hoseya 3:4 - Luganuzi Luswanu Kuli Wanhu Wose 2002

⁴ Hambi Waisilayeli, nha wokwikala vilo vinji wasina mutemi hamba walongola, wowula hamba vilavywa, hamba masumbili ge mabwe maswanu, wowula vihwani, hamba hwani bwete yo kutowela cisangu.

Hoseya 3:4 ပူးပေါင်းရင်းမြစ်များ

Mwamulizo 31:19

Na mwi'daha lilyo, Labani yali yabitile ku wucenyenha zingholo zakwe. Kono nyuma, Laheli nayo yakatuga cilejeho co kuhiza i vihwani vye milungu yo wulambi yo sogwe.

Mwamulizo 31:34

Laheli yali yavisola vihwani vivilya vye milungu yo wulambi, yaviwika hasi ye magonelo ge ngamiya, yakawa kwikala mucanyha yayo. Nayo Labani yalondola mwi'hema lyose hamba kuvituga yaye.

Mwamulizo 49:10

Ne nghome ye citemi, si yowucila lukulu kuli'gwe Yuda. Ne zindelo zako zotema cibitilila, sunga kono kolokuziza mweneco. Yu yulya mono makungugo gose gomuhulika.

2 Samwili 6:14

Baho Dawudi yali yetunjile du mwenda mu ciwino, yakuvina kwe vilungo vyakwe vyose, yakumupela cogopo Muwaha Mulungu.

2 Watemi 23:24

Mutemi Yosiya, yakawawusa mu Yelusalemi na mu Yuda, we macisi, ne wahawi, ne milungu yose, ne vihwani vyose, vye milungu yo wulambi hamonga ne viya vyose vyono vyetumamilwaga mu wuhembi we milungu yo wulambi. Yakafisiliza zinghani zo wulajilize, zono zandicigwe mu citabu cono Hilikiya mukohani muwaha, yaciwona mu Nyumba yo Mulungu.

2 Zinghomo 15:2

Nayo yakawa kubita kwitang'anila no mutemi Asa. Yakawa kumulonjela yakutya, “Gwe go mutemi Asa, hamonga nanye mo wanhu wa Yuda na Benyamini, ta muhulicizaje! U Muwaha Mulungu yali hamonga nanye, lono nanye mukali mukumuhulika mwene. Na hono mujendelele kumulondola, nayo kokwijela hali'nye, ninga hono mumulece, nayo komulecenyi.

Wutuluce 28:4

Wuwalonjele wamunozeze vinhu avino, cifuko cono kovwala ha mhambaga, efodi, kanzo, no musweko we mawalawala, no mukumbo, hamonga no musipi. Nawo wahone vinhu vivyo vyo wukohani, wamuhonele muwahawo Haluni, hamonga ne wanagwe, ho wanyitumamile mu mulimo wo wukohani.

Wutuluce 28:6

“Nayo efodi wayihonelaje zimhuti za zahabu ne bafuta ye liwala lye buluu, ne liwala lyo lugandu ne liwala lidunghu, hamonga ne bafuta swanu, mbote, kanyhi yono honwe viswanu muno ko wunghula.

I Cililo 2:9

Nayo milango yayo, mifucizwe mu malowanjila, ne makomeyo gayo gose gabenanjice. U mutemi hamonga ne wanhu wakwe, wose wali ku wuhamywe. Alu nhondo, hamba Wulajilize weza si wukwijizwa yaye, ne wawizi nawo hamba si wakutuga wugubulilwe ku wulawa kuli Muwaha Mulungu.

Ezekiyeli 19:14

Ne lisina lyo muzabibu lyapya no moto. No moto wuwo wagatakamiza manhambi gayo, hamonga ne mikalo yayo. Holeka i manhambi gago, si golowa na vilungo kanyhi, hamba si golowa nghome kanyhi ze citemi. Alu lo lwimbo lwa cililo lono lukuwa kwimbwa kenji na kenji.

Ezekiyeli 20:32

Hambi nha mwadumula nghani, nha vyono anye mukusaka muwe nhe we makungugo ganji, cinye wanhu wono wekalaga mu ma'si ganji, muwe kuhemba mibici ne mabwe. Ninga mumanye nha vyono zizo, hamba si zolokwijelela lukulu yaye.”

Ezekiyeli 21:21

Hambi u mutemi wa Babiloni, nha yemile ha nzila panda, ho yayimanye nzila yono koyityatya, yakuzisinjisa zisonga zakwe mwi'pongolo, yakutowa cisangu, yakuviwuza vihwani vyakwe ho vimulonjele, yakulilanga litoga lye nimu yono yilavigwe so likumbiko.

Ezekiyeli 21:31

Nagwe koliwona likuwo lyangu, lono lyeza kukuziza nhe malambi go moto. Nane nokuwika mu miwoko ye wanhu i wakali wono wali nzizila, wono wamanyile mulimo wo kongomeza.

Danyeli 11:31

Na wanji wa muli wasilikale wakwe, woloyavufya Nyumba yo Mulungu. Wolovimila vilavywa vye makumbiko, nawo wolowika I wifyo, mu Nyumba yo Mulungu.

Danyeli 12:11

“No wulawilila mu madaha gago, gono vilavywa vye nhondo zose vye makumbiko vyolokwimililwa, ne Liwifyo kolo lyeza kusimywa, vyolopuluta vilo elufu monga, na magana mejete na makumi yicenda.

Danyeli 9:27

Nayo mutemi yuyo, kolokwilumbaniza ne wanhu, myaka mupunghati. Na kolo vikupuluta nusu ye vilo vivyo, kologawusiza lukulu makumbiko, hamonga ne vilavywa. Ne Nghani yo Wogofye muno, yolowikwa mu cizuli ce Nyumba yo Mulungu, nayo yolokwikala baho, sunga lono kolokuziza mono yayiwika baho, vitang'anile no wongomele wono Mulungu yakondya kumuwajila.”

Hoseya 13:10

Mukalomba mutemi ne walongola, ninga woliponya nhawule likungugo?

Hoseya 13:11

Nane nghamupelelenyi watemi mwi'kuwo lyangu, ninga kanyhi niwawusiza mu wukali wangu.

Hoseya 2:11

Noloyidumya nyemo yakwe yose ye zisikukuu, ne vilo vyakwe vye ndawo yo mwezi ne zi Sabato, hamonga no wihangulize wawo wose we mikung'ano ye cidini.

Walawi 8:7

Hanyuma yakawa kumuvwika Haluni shati ne lisweko lya mucanyha yayo, yakawa kumuwopa no musipi mu ciwino. Yakamuvwika ne efodi, yakayiwopeleza yiyo efodi ko musipi wayo mu ciwino.

Zakaliya 10:2

Hambi i wanhu wono wawuzaga kuli milungu yinji ye vihwani, no kwitoweleza cisangu, ne lipitulo lyono wakuwa kutuga nha lya wulambi, kanyhi lya wulele du. Wanji wakuwa kuzilolosa zi ndoto no kuzinoza kotya nha cinhu ca mbeka, kumbe wakumukonjenyi bwete du. No wutuzwe wono wakuwa kumulonjelenyi wa bwete du. Holeka hobaho, i wanhu wakupilima-pilima du, kotya nhe zingholo zono zajiliye. Wali mu magayo, hambi nha wasina mudimi.

Zakaliya 13:2

Kanyhi mu vilo vivyo, nolowusa ne matagwa ge milungu ye vihwani yono yili mu yisi, na holowa hasina yunji wo wose mono kolosuma kujikumbucila kanyhi. Nolowawinga wose wono wakwinoza wawizi wo wulambi, no kuwawusiza wuhile wuwo i wahemba vihwani.

Luka 21:24

Wanji wowulagwa no mumaje, wanji wolosolwa mateka, wategulwe ku nghungugo zose, ne likaya lya Yelusalemi, lyolokanyagwa ne wanhu we makungugo ganji, sunga vipango vyawo vilawa fisilizwa.”

Yohana 19:15

Ninga wene wakazoza wakutya, “Muwulagaje, Muwulagaje, wumutumbice mu Musalaba si.” Pilato yakawatya, “Alo nimutumbice Mutemi wenyu?” Nawo Wakohani wawaha wakapitula, “Ase cisina mutemi yunji, langa Kayisali du.”

Wahebelaniya 10:26

Hambi hono cijendelele kwituma wubi ne nyono, na lono cakondya kuyimanya i mbeka, hasina kanyhi likumbiko lyono lyosuma kulavywa so wuwusizwe wo wubi.

Walamuzi 17:5

Mika yali yena hanhu hakwe, i hanhu he milungu hono yahembaga. Yakanoza vihwani vinji, yakahona ne Efodi, yakamusiwanula yumonga wa muli wanagwe we cilume, yakawa mukohani wakwe.

Walamuzi 18:14

Lulo i wanhu wa walya wahano, wono watumwa, wakayitandile yisi ya Layishi, wakawalonjela i wayawo wakawatya, “Mwene mwali mumanyile, vyono baha mu zikaya zizi, ho yili kaya yinji yono yina cihwani ce libici, cono cihiliwe fweza? Kanyhi mo vili ne vihwani vinji hamonga ne Efodi? Alu mukwihwesa cinoze wule?”

Walamuzi 8:27

Gideyoni yakanoza cihwani ca zahabu. Yakaciwika mu kaya yakwe ku Ofila. Ne Waisilayeli wose wakamuleka Muwaha Mulungu, wakawa wakubita kucihemba cihwani cico. Ne nghani yiyo yikawa mutego kuli Gideyoni hamonga ne mhuga yakwe.

1 Samwili 14:3

(Na Ahiya u mwana wa Ahitubu, u mwanakwawe wa Ikabodi, mwana wa Finehasi, u mwizukulu wa Eli, mukohani wo Muwaha Mulungu ku Shilo, yuyo yo yali yavwalile Efodi.) Ninga wanhu hamba si wamanya vyono, Yonazani yali yakondya kuwuka, yabita ku nghambi ye Wafilisiti.

1 Samwili 15:23

Hambi u wula cihuliko kuli mwene, nha nghani 'mbi muno muno, yihwanile no wubi wo wuhawi. Na yo wuhemba vihwani, nayo yo nghani 'mbi muno muno yihwanile no wubi wo wusenyha. Holeka agwe lu vyono wakondya kulibedegala lilajilizo lyo Muwaha Mulungu, ale, nayo kakondya kukulema wulece kujendelela kuwa mutemi.”

1 Samwili 2:18

Ale, Samwili yakawa kwanza kumwitumamila Muwaha Mulungu kuko ku Shilo, akuno yavwalile Efodi ya bafuta.

1 Samwili 21:9

Ahimeleki yakamupitula Dawudi yakatya, “Ane baha nina mugoha wuwulya du, wono wali wa Goliyati Mufilisiti mono gwegwe wamuwulajila mwi'lolo lya Ela. Nawo wuli baha mupalinjize no mwenda, muwice ku nyuma ye Efodi. Holeka hono wuwe wukukwendeza, ale, wusolaje. Hambi nha co citwalo cili wene du, cono nina naco bahano.” Dawudi yakatya, “Heya! Wumhelaje wuwo wokwila, hambi nha heza hasina kanyhi ho hose mumaje wunji.”

1 Samwili 22:18

Hodu mutemi Sawuli yakawa kumutya Dowegu, “Ale, gwegwe wawulagaje!” Hodu nayo Dowegu mbeka yakawa kuwawulaga wakohani wose. Na mwi'zuwa lililya yawulaga wakohani makumi munana na wahano, wono wali wavwalile efodi.

1 Samwili 23:6

Nayo Abiyatali u mwana wa Ahimeleki lono yeponezya no kwilunza na Dawudi kuko ku Keyila, yasoleleza hamonga ne efodi yakabita nayo.

1 Samwili 23:9

Ninga nayo Dawudi yali yeza kuzihulika zizi, nha vyono Sawuli yakuhila yamudindanize, yamuhome, hodu yakawa kumulonjela mukohani Abiyatali yakamutya, “Ale, wulete ahano efodi.”

1 Samwili 30:7

Dawudi yakawa kumutya Abiyatali mukohani, u mwana wa Ahimeleki, “Ndetele efodi.” Nayo Abiyatali yakawa kumuletela.