Hoseya 3:1 - Luganuzi Luswanu Kuli Wanhu Wose 2002

¹ Muwaha Mulungu yakanyitya, “Ale, wubite kanyhi wukalajile zo wendo wako, kuli mucekulu mono yakwituma zo wusenyha no mbuya yakwe. Yikunojeye wumwende nha vyono ane niwendile Waisilayeli, hamba yiwe wene nha wayipitucila milungu yinji, no kusola vilavywa vye zabibu zinghavu no kuvilavizya vihwani vye milungu.”

Hoseya 3:1 ပူးပေါင်းရင်းမြစ်များ

2 Samwili 6:19

yakawagawila wanhu wose ne zindigwa. Yakawagawila Waisilayeli wose, walume ne wacekulu mukate monga monga, hamonga na mhonje ya nyama nghasice, hamonga ne zizabibu zi nghavu. Hanyuma wose wakawa kuwuya ku zikaya zawo.

2 Watemi 13:23

Ninga Muwaha Mulungu yakawa yali nheto no lusungu kuli Waisilayeli. Holeka hamba si yawaleceleza wongomezwe yaye. Langa mwene yawataza du ku soko ye cilagane cakwe kuli Abulahamu na Isaka, na Yakobo. Nayo hamba si yawasemwela lukulu wanhu wakwe.

1 Zinghomo 16:3

hanyuma yakawa kuwagawila wanhu wose Waisilayeli, walume ne wacekulu, munhu mukate we cilagane ne ciponje ca nyama, hamonga no mukate we zabibu nghavu.

Nehemiya 9:31

Hamba nhavivyo, so lusungu lwako luwaha kuli wene, holeka si wawaleka hamba kuwongomeza yaye. Hambi 'gwe, nha yo gwegwe Mulungu we lihewa no lusungu!

Zabuli 123:2

Nha vyono wetumami wamwitumbilaga muwaha wawo, na vyono kanyhi u mwitumami we cicekulu, kamwitumbilaga mucekulu munya kaya. Ale, nase nhavivyo vyo cikwitumbiye gwegwe, 'gwe go Muwaha Mulungu, go Mulungu wetu, sunga wukuciwonela lusungu.

Wutuluce 32:6

I mitondo yaco, wanhu wakelawa kwinuka hakali mitondo muno, wakalavya mitugo so vilavywa vinyanywe, hamonga ne vilavywa vyo mulamu. Wanhu wakekala hasi, wakalya no kung'wa ko wubugu, sunga wakagala no kwinjila mu wusenyha.

Lwimbo Luswanu muno 2:5

Yakangomolela kanyhi vilungo vyangu, mu wulya zabibu nghavu, yakamhela vilungo so kulya mikalo, hambi nha naganda muno, ku soko yo wusungu,

Isaya 45:22

“Muze kuli'ne, ho mupone anye nyo wanhu we yinze yose! Ane no Mulungu nili wene, nili baha.

Yelemiya 3:20

Ninga kumbe nagwe, wukawa si wuli mwihuwilwa kuli'ne yaye, wukehwana nho mucekulu musenyha. Vyo nghutya ane no Muwaha Mulungu.

Yelemiya 31:20

“Gwe Isilayeli, nha yo gwegwe go mwanangu, mono nghwendile muno muno. Na mu mapango go gose, lono nghulitambula litagwa lyako, nghuwa kukwihwesa ko wendo wuwaha muno. Ne nhumbula yangu yikugazika so gwegwe. Holeka nane nokuwonela lusungu.

Hoseya 11:8

“Nosuma nhawule kukuleka 'gwe Isilayeli? Nosuma wule kukutaga? Hamba si nosumila lukulu kukongomeza, nha vyono nayongomeza Adima. Hamba kukunozeza nha vyono nayinoza Zeboyimu? Nhumbula yangu siyonghombola ho nitume zizo! Hambi wendo wangu kuli'gwe, nha wuwaha muno.

Hoseya 2:5

hambi wene nha wana wo mucekulu malaya, mono yasina hamba cevu. Hambi nha yalonga mweneco yakatya, “Nane nobita kuli wono wanyendile wono wakumhela ndigwa ne malenga, no wusinga, no wuhamba, hamonga ne mafuta ne divayi.”

Hoseya 4:11

Muwaha Mulungu yakutya, “Divayi yose, mhya ne huma, yikuhodanga mahala ge wanhu wangu!

Hoseya 7:5

Mwi'zuwa lye sikukuu yo wukumbucile wo wuwikwa mwi'goda mutemi, wakamunoza mutemi hamonga ne wawaha wakwe, wakang'wa muno divayi sunga wakagala.

Amosi 2:8

Ne hanhu ho hose hono wakuhembela, wakuyigonela myenda yono wayisolile kulawa kuli waciwa, yono wayipinjice so migawa yawo. Mu wuhembelo wo Mulungu wawo wakung'wa divayi yono wayisolile kulawa kuli wawo wono wawadayaga mapesa.

Amosi 6:6

Anye mono mukung'wela divayi mu zibakuli, hamonga no kwibaka mafuta ge mhunjile swanu muno muno, hamba simukulila so wongomezwe we Waisilayeli.

Mika 7:7

Ninga 'ne, nomulanjilila Muwaha Mulungu, nomulindila Mulungu, mono komhonya 'ne. Nayo Mulungu wangu kohulika 'ne.

Zakaliya 1:16

Alu nawuya kanyhi ha Yelusalemi, ho ndajile zo lusungu lwangu mwi 'kaya. Ne Nyumba yangu yonozelezwa, ne likaya nalyo, lyozengwa kanyhi.”

Matayo 26:50

Nayo Yesu yakamutya, “Gwe muyangu, witumaje du cono wuzize kwituma.” Baho i wanhu wawalya nawo, wakawa kuza wakawa kumwibata Yesu.

1 Wakolinto 10:21

Si mosuma kung'wela i cikombe co Muwaha, hamonga ne cikombe ce masetani, hamba si mosuma kuhanga mu meza yo Muwaha hamonga ne meza ye masetani.

1 Wakolinto 10:7

Kanyhi mulece kuwa wahemba vihwani, nha vyono wali wenha wayawo wanji, nha vyono i Mandiko Gono Gelile gakutya, “I wanhu wakekala ho walye no kung'wa, wakenuka wedawale.”

1 Petelo 4:3

Hambi i vilo vyono vyakondya kupuluta, nha mwali mwina cilejeho ciwaha, co kwituma zono wanozaga wanhu wono siwamumanyile Mulungu. Mukekala mu mikalile yo wiyendeza nyo weneco, yo wiwoni, yo wukolwa, yo wisonji, wung'wela, na yo wuhemba vihwani.

Walamuzi 10:16

Hobaho wakayileka milungu yawo mijenzi, wakamuhemba Muwaha Mulungu. Nayo Muwaha Mulungu, yakawawonela lusungu, yakagazika muno mu mutima wakwe so wugazwe we Waisilayeli.

Walamuzi 9:27

Na ku soko yiyo wose wakenuka wakenjila mu migunda yawo ye mizabibu, wakahepa zizabibu wakanoza divayi no kunoza Sikukuu. Wakenjila mu nyumba yo mulungu wawo kuko wakalya no kung'wa na kulonga zimbi kuli Abimeleki.